NLW MS. Peniarth 19 – page 90r
Brut y Brenhinoedd
90r
405
A |Gỽedy hỽnnỽ y doeth mael+
gỽn gỽyned yn vrenhin.
a theckaf gỽas haeach o hoỻ
vrenhined a thywyssogyon y+
nys prydein oed hỽnnỽ. a|diw+
reidwr ỻawer o wyr creulaỽn
cadarn. yn arueu ehalaethach
no neb oed. a chlotuorussach no|r
un. pei nat ymrodei y myỽn
pechaỽt sodomani. ac am hynny
yd oed gas ef gan duỽ. Hỽnnỽ
a|gynhelis ynys brydein yn ho+
ỻaỽl. a chwech ygyt a hi. Jwer+
don. Jslont. a gotlont. Orc a ỻych+
lyn a|denmarc. o vynych greu+
laỽn ymladeu y darostygaỽd
ỽynt. Ac yn eglỽys geyr·ỻaỽ de+
gannỽy yn|y gasteỻ e|hun y bu
A C yn nessaf y va +[ uarỽ.
elgỽn y doeth keredic yn
vrenhin. Gỽr a|garei giwdaỽt+
aỽl deruysc oed hỽnnỽ. cas gan
duỽ a chan y brytanyeit oed yn+
teu. A gỽedy gỽybot o|r saesson
y anwastatrỽy* ef. ỽynt a aethant
hyt yn Jwerdon yn ol gotmỽnt
brenhin yr affric a|dathoed hyt
yno. a ỻyghes uaỽr ganthaỽ.
ac a oresgynassei y genedyl hon ̷+
no. a|r gotmỽnt hỽnnỽ drỽy
vrat y saesson y doeth a|thruge+
in mil a chan mil o wyr yr affric
ganthaỽ hyt yn ynys brydein.
Ac yn yr amser hỽnnỽ yd oedynt
y saesson paganyeit yn|y neiỻ
406
rann o|r ynys. ac yn y rann a+
raỻ yd oedynt y brytanyeit. a
chiwdaỽdaỽl deruysc a ryuel
y·rygthunt yn wastat. A gỽe+
dy duunaỽ y saesson a|r got+
mỽnt hỽnnỽ. ỽynt a|doethant
yngkyt y ryuelu ar geredic
vrenhin. A gỽedy ỻawer o ym+
ladeu ỽynt a|e gyrrassant ef
ar fo o|dinas py gilyd. ac o|r di+
wed y gỽarchaeassant ef yg|kaer
vudei. Ac yna y doeth hesembard
nei y lowys vrenhin freingk. ac
y gỽnaeth amot a gotmỽnt ym+
adaỽ a|e gristonogaeth o·honaỽ
yny vei o ganhorthỽy gotmỽnt
y gaỻei ynteu oresgyn freingk
ar tor lowys y|ewythyr. kanys
ef a|dywedei mae ygkam y duc+
sit racdaỽ ef. Ac o|r diwed gỽedy
kaffel y dinas a|e losgi. kat a ro+
des gotmỽnt y geredic. a|e
gymheỻ ar fo drỽy hafren
hyt yg|kymry. Ac yn|y ỻe an+
reithaỽ y gwladoed a|r dinas+
soed ac eu ỻosgi. ac ny orfoỽ+
yssaỽd yny daruu idaỽ dis+
tryỽ haeach yr hoỻ ynys o|r
mor py gilyd. a ỻad y mei+
byon eiỻon a|r offeireit a|r
yscolheigyon. a|r cledyfeu ac
a|r flammeu yn eu ỻosgi. ac ue+
ỻy eu kywarsagu hyt y dae+
ar. a|r hynn a dianghei ona+
dunt fo a|wneynt y|r ỻe y kef+
fynt diogelỽch.
| « p 89v | p 90v » |