Breudwd Welsh Prose 1300-1425
Cymraeg

NLW MS. Peniarth 19 – page 91v

Brut y Brenhinoedd

91v

411

o goueint. gỽedy y renhit
yn seith rann. y bydei trych+
ant mynach ympob rann.
Sef oed eiryf hynny oỻ y·gyt
cant a dỽy vil. y·gyt a|e phri+
oryeit a|e phrelatyeit a|oed
yn ossodedic udunt. a hynny
oỻ yn buchedockau o lauur
eu dỽylaỽ. a dunaỽt yn|abat
arnadunt. gỽr enryued y
dysc oed hỽnnỽ yn|y keluydo+
deu. a|r dunaỽt hỽnnỽ pan
geissaỽd aỽstin darostyngedi+
gaeth y gan yr esgyb idaỽ ef
ac annoc udunt pregethu y+
gyt ac ef y|r saesson. ynteu a
dangosses drỽy amryuaelon
argumenneu. ac aỽdurdodeu
yr ysgrythur lan. hyt na dy+
lyynt ỽy darostỽng idaỽ ef.
kanys archescob a|oed udunt
e|hunein. a|bot y saeson yn
dỽyn tref eu tat y arnadunt
y dreis. ac ỽrth hynny diruaỽr
gas a|oed y·rygthunt. ac ny
dylyynt dodi messur ar eu
cret. na chedymdeithockau ac
ỽynt ar dim mỽy noc a|r cỽn.
ac ỽrth hynny Edylffet bren+
hin keint pan weles ef y
brytanyeit heb vfudhau y
aỽstin. ac yn tremygu y bre+
geth. Hagyr   vu ganthaỽ
hynny. ac an  noc a|wnaeth
edylfet y vrenhin yscot +  

412

lond. ac y|r brenhined ereiỻ by+
chein o|r saesson. kynnuỻaỽ ỻu
a dyuot y·gyt ac ef hyt yn|dinas
bangor y|dial ar dunaỽt ac ar
yr ysgolheigyon ereiỻ ygyt ac
ef a|e tremygassynt y eu distriỽ.
ac ỽrth hynny ỽynt yn gyttuun
a|doethant ygyt ac ef. a|ỻu dir+
uaỽr y veint ganthunt hyt
yg|kaer ỻeon y ỻe yd oed broch  ̷+
uael ysgithraỽc tywyssaỽc kaer
ỻeon. a hyt y dinas hỽnnỽ y
dathoedynt o bop gwlat yg|kym+
ry oỻ myneich aneirif niuer
o·nadunt a|didrifwyr. ac yn vỽ+
yaf o dinas bangor. a hynny
y wediaỽ dros Jechyt eu pobyl
a|e kenedyl. A gỽedy ymgynuỻ
y·gyt y deulu o bop parth dech+
reu ymlad a|wnaeth y saeson a
brochuael. yr hỽnn a oed lei y ni+
uer o varchogyon noc edelfet.
ac o|r diwed adaỽ y dinas a wna+
eth brochuel. ac nyt heb wne+
uthur diruaỽr aerua o|r gelyn+
yon kynn y ffo a gwedy kaffel
o edylfet y dinas a gỽybot yr
achachaỽs* y dathoedynt y
myneich hynny yno. Ef a er+
chis ymchoelut yr arueu yn|y
myneich. ac ueỻy yn|y
dyd hỽnnỽ deucant a
mil gan eu tagu ac eu ỻad.
ac o goron merthyrol+
yaeth a gaỽssant nefaỽl