Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 98v

Ystoria Carolo Magno: Rhamant Otfel

98v

410

1
buant hỽy hagen dim o|r collet deisyfyt
2
a deuth y chyarlys amheraỽdyr. 
3
P an ytoed chyarlys vrenhin freinc
4
duỽ gỽyl vil veib yn|y dinas a elỽir
5
paris. wedy ry gynnal o·honaỽ yno wyle  ̷+
6
u y nadolic yn ar·bennic anrydedus. a|r
7
deudec gogyfurd o ffreinc y·gyt ac ef
8
ac aneiryf o ieirll a|barỽnyeit a|marcho+
9
gyon urdaỽl a phob rei o·nadunt yn di+
10
grifhau y brenhin a|e niueroed. ac yn|y
11
digrifhau hyt y geỻynt oreu o gytuun+
12
deb hỽynt a|ossodyssant dadleu. ac yn
13
hỽnnỽ ỽynt a ymgydarnhayssant drỽy
14
gyflyet yd eynt y|ryuelu yn|erbyn Gar+
15
sii vrenhin yr yspaen. a hynny wedy dar+
16
fei vis ebriỻ. a|chael onadunt ỻysseuo+
17
ed neuỽyd a gỽeỻt ir y eu meirch
18
kyn kanu gospereu hagen yn|y dref
19
hỽynt a|glyỽssant chỽedleu ereiỻ ry
20
lad ugein mil oc eu freinc onyt a ystyry+
21
ỽys duỽ onadunt y gỽr a|wnathoed yr
22
holl vyt. sarassin o|r yspaen Otuel y enỽ
23
gỽr a|wedei yn anrydedus o bedeir|ford o
24
arderchogrỽyd pryt. a chedernit yn
25
arueu. a chenedyl. a doethineb. a|deuth
26
yn|genyat y|gan|garsi vrenhin. Ac a|varch+
27
occaỽys trỽy baris yny doeth hyt yn
28
ỻys y brenhin. ac a|disgynnỽys yn|y porth.
29
Ac odyno a|dyrchauaỽd y vynyd ar hyt
30
y gradeu tu a|r neuad. Ac Oger o denmarc
31
a Gỽaỻter o oreins. a Neimus dywyssa+
32
ỽc kadarn a|gyuaruuant ac|ef. ac yn+
33
teu a erchis udunt hỽy dangos Chyar+
34
lys idaỽ; ac a|uenegis udunt y uot ef
35
yn gennat y vrenhin ny|s carei ef o w  ̷+
36
erth vn bỽttỽn. A chyntaf yd|attebaỽd
37
gỽaỻter idaỽ. weldy|racko ef yn eisted
38
heb ef. y|gỽr kyuyslỽyt a|r varyf vaỽr
39
a|r wisc du ymdanaỽ. A|r gỽr yssyd yn eis+
40
ted ar y|neiỻ|laỽ a|r uanteỻ goch ysgar+
41
ỻa ym·danaỽ. Rolant y nei ef yỽ hỽnnỽ
42
Ac Oliuer iarỻ yỽ y gỽr ysyd yn eisted
43
ar y tu a·raỻ idaỽ kedymdeith Rolant.
44
A|r deudec gogyfurd yssyd yn eisted o|pob
45
parth udunt ỽynteu wedy hynny. Myn
46
Mahumet heb y sarassin beỻach mi a

411

1
atwen Chyarlys. A phoet tan drỽc a flam
2
ỽyỻt a|losco y uaryf. ac a hollto y gorf
3
drỽy gledyr y dỽyuronn hyt y sodleu. Ac
4
yna dyuot racdaỽ gyr bronn y brenhin
5
a|wnaeth   ual kynt a|dywedut ỽrthaỽ
6
ual hynn.  Chyarlys heb ef gỽaran+
7
daỽ arnaf vi. kenyat ỽyf vi y|r brenhin
8
cadarnhaf a|vu ei·ryoet yg|kyfreith
9
yr yspaen.  
10
gỽr nyt an +  
11
nerthỽys* di o dim. kanys ny|s dylyei
12
ỽrth y vlyghau o·honat. a ỻityaỽ Mahu+
13
met. A minheu y gỽr poet ual y credaf vi
14
yndaỽ ef a|th ladho di. ti a|th|oỻ gedymdei+
15
thas a|r niuer yssyd y|th gylch ac yn enỽe+
16
dic rolant dy nei. Gỽr pei ys caffỽnn. i. ef
17
ym|brỽydyr neu y ỻe y gaỻei vy march
18
rydec yn|y erbyn. a|m cledyf mi a|e gỽa+
19
nỽn yny vei yn ver trỽydaỽ. Sef a|w+
20
naeth Rolant yna chỽerthin ac edrych
21
ar y brenhin. ac odyna dyỽedut ỽrth y sa+
22
rascin ual hynn. ti a|elly dy˄wedut holl ewyỻys
23
heb ef yr aỽr honn heb y ludyas o neb o|r
24
freinc it. Dichaỽn heb·y chiarlys tra vo
25
da genhyt ti ỽrth uot yn|diogel idaỽ o|m|ple+
26
gyt i hyt ympenn yr ỽythnos. Ac yna
27
y|dywaỽt otuel. yn·uyt y|dywedỽch hynny
28
heb ef ỽrth na bu yn|dyn y bei arnaf. i. y o+
29
fyn ef tra gaffỽyf y cledyf hỽn ar uyg
30
clun curteus yỽ y enỽ. ỽrthaỽ y|m hurdỽ+
31
yt. i. yn uarchaỽc urdaỽl. ac nat oes etỽa
32
naỽ mis yr pan ledeis i penneu mil o freinc
33
ac ef. Pa tu oed hynny heb·y chyarlys
34
deuet y|gof yt. a|dyweit ymi. Mi a|e dyỽ+
35
edaf yỽch yn ỻaỽen heb·yr otuel. neur deth+
36
ynt wyth mis a|r|naỽuet yỽ hỽnn yr pan|dis+
37
trywyt ruuein dy dinas di ar·bennic. ac
38
o|r|hỽnn y|th elwit yn amheraỽdyr ohonaỽ.
39
Garsi vrenhin a|e varỽneit a|e kymerth
40
idaỽ. Ac yno y ỻas yrỽg gỽyr a|gỽraged
41
ugein mil. ac ychỽanec maỽr heuyt
42
ygyt a hynny. Ac y ffusteis inheu y saỽl
43
ohonunt hỽ˄y a|m cledyf hyt nat a daeth* yr
44
hỽyd o|m hardỽrn hyt ym·penn yr ỽythnos.
45
Ac yna y dywaỽt y freinc. gỽaethiroed
46
duỽ heb ỽy ueỻy dy|eni eiryoet. Ac estut