Breudwd Welsh Prose 1300-1425
Cymraeg

NLW MS. Peniarth 4 (The White Book of Rhydderch, part 2) – page 70r

Geraint

70r

413

ẏ deruẏneu. ac ẏ|r llẏs ẏ deuth+
ont. ac ẏd oed ẏn|ẏ llẏs udunt
diwalrỽẏd helaeth·ualch o amra+
ual anregẏon ac amẏlder gwi+
rodeu a didlaỽd wassanaeth ac
amrauaẏlon gerdeu a gvarẏ+
eu. a* o anrẏdet gereint ẏ gỽa  ̷ ̷+
hodet holl wẏrda ẏ kẏuoẏth ẏ
nos honno ẏ ẏmwelet a gereint.
a|r dẏt hỽnnỽ a dreulassant a|r
nos honno drỽẏ gẏmedrolder
o esmỽẏthdra. ac ẏn Jeueinctid
ẏ dẏt drannoẏth kẏuodi a oruc
erbin a dẏuẏnnu attaỽ ereint
a|r goreugỽẏr a doded* ẏ hebrỽng. a dẏ  ̷+
ỽedut ỽrth ereint gỽr amdrỽm oe  ̷+
daỽc vẏf. i. heb ef. a|thra elleis
i kẏnnal gẏnal* ẏ kẏuoẏth iti
ac ẏ mu|hun mi a|e kẏnhelleis.
a|thitheu gỽas ieuanc vẏt
ac ẏm|blodeu dẏ deured a|th
Jeuengtit ẏt vẏt kẏnhal dẏ
gẏuoeth weithon. Je heb·ẏ
gereint o|m bod. i. nẏ rodut ti
medẏant dẏ gẏuoeth y|m llaỽ
.i. ẏr aỽron. ac nẏ|m dẏgut
etwa o lẏs arthur. Y|th laỽ
di nu ẏ rodaf. i. a|chymmer
heuẏd hediỽ vrogaeth dẏ
wẏr. ac ẏna ẏ dẏwaỽt ~
Gỽalchmei. Jaỽnaf ẏỽ it lo+
nẏdu ẏr eircheid hediỽ. ac
ẏ·uorẏ kẏmmer vrogaeth dẏ
gẏuoeth. ac ẏna ẏ dẏuẏnnỽ+
ẏd ẏr eircheid ẏn un lle. ac
ẏna ẏ doeth cadẏrieith attunt
ẏ edrẏch eu aruedẏt ac ẏ o+
uẏn ẏ baỽb onadunt. beth
a eruẏnnẏnt. a|theulu arthur
a|dechreuỽẏs roti. ac ẏn|ẏ lle
ẏ doeth gỽẏr kernẏỽ ac ẏ

414

rodassant vẏnteu. ac nẏ bu
hir ẏ buont ẏn roti rac meint
brẏs paỽb onadunt ẏ roti. ac
o|r a doeth ẏ erchi da ẏno; nẏt
aeth neb ẏmdeith odẏno na  ̷ ̷+
mẏn gan ẏ uod. a|r dẏt hỽnnỽ
a|r nos honno a|dreulassant
drỽẏ gẏmedrolder o esmỽẏthdra
A|thrannoeth ẏn Jeuengtit ẏ
dẏt ẏd erchis erbin ẏ ereint
anuon kenhadeu ar ẏ wẏr ẏ
ouẏn utunt a oed divrthrỽm
ganthunt ẏ dẏuot ẏ gẏmrẏt
eu gỽrogaeth. ac a oed ganth+
unt ae bar ae eniwet o|dim
a|dottẏnt ẏn|ẏ erbẏn. Y Yna
ẏ gẏrraỽd Gereint kenadeu
ar wẏr kernẏỽ ẏ ouẏn uth+
unt hẏnny. y dẏwedassant
vẏnteu nad oed ganthunt
namẏn kẏflaỽnder o lẏwe+
nẏd a gogonẏant gan baỽb
onadunt am dẏuot gereint
ẏ gẏmrẏt eu gỽrogaeth Ac
ẏna ẏ kẏmerth ẏnteu gỽr+
ogaeth a oed ẏno onadunt
ac ẏno ẏ·gẏd ẏ buant ẏ drẏ+
det nos. a|thrannoeth ẏr aro+
uunaỽd teulu arthur ẏm+
deith. Rẏ ẏghẏrth ẏỽ ẏỽch
uẏnet ẏmdeith ettỽa arho+
vch ẏ·gẏt a mi ẏnẏ darffo
im gẏmrẏt gỽrogaeth uẏ
goreugỽẏr o|r a ergẏttẏo o+
nadunt dẏuod attaf. Ac
vẏnt a|drigassant ẏnẏ dar+
uu itaỽ ef hẏnnẏ ac ẏ
kẏchỽẏnnassant hỽẏ parth
a llẏs arthur. ac ẏna ẏd aeth
gereint eu hebrỽg ac ef ac
enẏt hẏt ẏn dẏganhỽẏr ac