NLW MS. Peniarth 19 – page 96v
Brut y Brenhinoedd
96v
431
ỻu maỽr ac erlit oswaỻt. A
brỽydraỽ ac ef yn|y ỻe a|elwit
bỽrne. Yna y kyrchaỽd pean+
da ef ac y ỻadaỽd.
A Gỽedy ỻad oswaỻt a|ỻaw+
er o vilioed y·gyt ac ef o|e
wyr. Oswi aelwyn y vraỽt yn+
teu a|doeth yn vrenhin yn|y le.
a hỽnnỽ a rodes ỻawer o eur ac
aryant y gatwaỻaỽn. ac a|gafas
tagnefed ganthaỽ. a gỽrhau i+
daỽ hefyt a|wnaeth. Ac ny bu
un gohir ỽynt a|gyuodassant
yn|y erbyn alvryt y vab e|hun
ac otwaỻt y nei uab y vraỽt. a
gỽedy na eỻynt sefyỻ yn|y er+
byn ỽynt a foassant hyt att
beanda y geissyaỽ nerth y gan
thaỽ. y oresgyn kyuoeth oswi
aelyn. ac ỽrth na lyuassei pean+
da torri y dagnefed a ry wnatho+
ed a chatwaỻaỽn. drỽy deyrnas
ynys brydein. ynteu a|dywaỽt
yny gaffei gennat kadwaỻaỽn
y ryuelu. na ryuelei ef ar|oswi
a|rodi kat ar uaes idaỽ. Ac ỽrth
hynny treilgweith pan yttoed
gadwaỻaỽn y sulgỽyn yn ỻun+
dein yn daly ỻys. ac yn gỽisgaỽ
koron y deyrnas am y|benn. a
holl tywyssogyon brytanyeit a
saesson y·gyt ac ef dyeithyr oswi
aelwyn e|hunan. peanda a doeth
att y brenhin ac a ovynnaỽd i+
daỽ pa achaỽs na dathoed oswi
432
aelwyn y|r ỻys yn annat vn
tywyssaỽc o|r saesson. Na wnn
heb y brenhin namyn o acha+
ỽs y vot yn glaf. Nyt yr hynny
arglỽyd heb·y peanda. namyn
y genadeu a|anuones hyt yn
germania yn ol saesson y|di+
al oswaỻt y vraỽt arnam ni
vi a|thi. Ac ygyt a hynny pe+
anda a|dywaỽt ry dorri o·honaỽ
ef e|hunan tagnefed y deyrnas
pan deholes aluryt y vab ac
otwaỻt y nei vab y vraỽt tyw+
yssaỽc northỽmbyrlỽnt. ac
ỽrth hynny dyro gennat ymi
o|e lad ef neu ynteu o|e dehol o|r
deyrnas yn hoỻaỽl. Ac ỽrth
hynny gỽedy medylyaỽ o|r
brenhin lawer ygkylch hynny.
ef a erchis y gyghorwyr edrych
beth a gyghorynt ỽy ygkylch
hynny. Ac ual yd oedynt veỻy
paỽb yn menegi y gyghor.
Maredud brenhin dyuet ym+
plith paỽb a|dywaỽt. Arglỽyd
vrenhin heb ef kanys buassei
aruaeth genhyt gỽrthlad hol*
genedyl y saesson o ynys bry+
dein. pa achaỽs weithyon y
gedy ditheu ỽynt y vuchedoc+
kau yn an plith ninneu yn
dagnefedus. ac ỽrth hynny ar+
glỽyd kanhatta udunt e|hun+
ein ryuelu y·rygthunt. Megys
a·gatuyd y distrywer ỽynt o
| « p 96r | p 97r » |