NLW MS. Peniarth 19 – page 11v
Ystoria Dared
11v
43
da genthi hi hynny o|r bei da
gan briaf y gỽr hi. a|thra vei hi
yn ymgyghori a phriaf erchi
a|oruc hi y|r gỽas ymchoelut
dra|e|gefyn. ac agamemnon a
ymchoeles a niuer maỽr gan+
thaỽ o logeu ygyt ac ef att y
ỻu. Ac ecuba a ymadrodes a|phri+
af am dadyl achelarwy. A phriaf
a dywaỽt na eỻit veỻy. nyt er
tybygu o·honaỽ ef na bei dei+
lỽg y achelarwy ymgyffelybu ac
ef. namyn kyt rodei ef y verch
idaỽ. a|e enkyl ef odyno nat
enkilyei y tywyssogyon ereiỻ
mỽy no chynt. ac ony bei hyn+
ny ynteu bot yn|drỽc ac yn en+
wir ganthaỽ ef rodi y verch y|ỽ
gelyn. ac ỽrth hynny o|r myn+
nei achelarwy hynny bei dragyw+
ydaỽl dagnefed y·rygthunt.
ac enkylyei y ỻu yn gyntaf. a
chadarnhau y dagnefed. ac o|r
gỽnelei hynny ynteu a rodei
y verch idaỽ ef. Ac veỻy anuon
a|wnaeth achelarwy y was att ecu+
ba ual yd oed ossodedic y·ryg+
thunt y wybot beth a gaỽssei
briaf yn|y gyghor am y ne+
ges ef. ac ecuba a adrodes oỻ
y|r gỽas yr hynn a gafas hi
gan briaf. a|r gỽas a|e datka+
naỽd y achelarwy. ac yna achelarwy a
gỽynaỽd na aỻei ỻudyas
hoỻ roec a|throea y ymlad
44
o achaỽs vn wreic. nyt amgen
noc elen vannaỽc. ac hyt yr
amser yd yttoedynt ỽy yn hyn+
ny a|r saỽl vilioed o dynyon a
ladyssit yno a bot eu rydit ỽy
yn rỽymedic. ac ỽrth hynny bot
yn reit gỽneuthur tagnefed. a
gỽasgaru y ỻu. ac yna y dar+
uu y vlỽydyn. a theruyn y gyg+
reir. a phalamides a dywyssy+
aỽd y lu y maes. ac a|e dysgaỽd.
a deiphebus a|doeth yn|y erbyn.
ac achelarỽy ynteu o|lit am y
wreic nyt aeth y|r vrỽydyr. a
phalamides a|gafas achaỽs
ac a|gyrchỽys deiphebus ac
a|e ỻadaỽd. ac ymlad a|gyuodes
y·rygthunt. a gyrchu* fo arna+
dunt o bop parth. a ỻawer o vi+
lioed a dygỽydassant. a phala+
mides a ymchoeles att y vydin
yn gyntaf. ac a|e hannoges y
ymlad yn|da. ac yn|y erbyn yn+
teu y doeth sarpedon yn wy+
chyr. a phalamides a|e ỻadaỽd
ef. ac ual y daruu idaỽ y lad.
ef a ymchoeles att y vydin att
y vydin yn ỻawen ac yn vaỽr+
vrydus ac yn ogonedus. ac
alexander a|e bỽryaỽd ef a saeth
ac a|e brathaỽd yn|y vynỽgyl.
A|gỽyr troea a|e hymchoelass+
ant ac a gyttaflassant ergyt+
yeu y|r rei ereiỻ. ac veỻy y ỻas
palamides. Ac ual y ỻas y
| « p 11r | p 12r » |