Breudwd Welsh Prose 1300-1425
Cymraeg

NLW MS. Peniarth 19 – page 104v

Brut y Tywysogion

104v

463

herald araỻ uab gotwin Jarỻ
a|oed vrenhin yna yn ỻoegyr
yn|dirybud diaryf. ac o deissys*+
syfyt ymlad drỽy wlataỽd* dỽyỻ
a|e trewis y|r ỻaỽr yny vu ua+
rỽ. a|r heralt hỽnnỽ a vuassei
Jarỻ yn gyntaf drỽy greu+
londer gỽedy marỽ edwart
vrenhin. a enniỻaỽd yn andy+
lyedus uchelder teyrnas loe+
gyr. a hỽnnỽ a yspeilỽyt o|e
deyrnas ac o|e vywyt y|gan
wilym bastard tywyssaỽc nor+
mandi. kyt bocsachei o|r vudu+
golyaeth kynno hynny. a|r
gỽilym hỽnnỽ drỽy diruaỽr
vrỽydyr a amdiffynnaỽd teyr+
nas loegyr o an·orchyfygedic
laỽ a|e vonhedickaf lu. ac yna
y bu weith mechen rỽg bledyn
a ruaỻaỽn veibyon kynvun.
a maredud ac Jthel veibyon
gruffud. Ac yna y dygỽydaỽd
meibyon gruffud. Jthel a|las
yn|y vrỽydyr. a maredud a vu
uarỽ o annwyt yn ffo. ac yno
y ỻas ruaỻaỽn uab kynuun.
Ac yna y|kynhelis bledyn uab
kynvun gỽyned a phowys. a
maredud uab owein uab etw+
in a gynhelis deheubarth.
Deng mlyned a thrugeint a

464

mil oed oet crist. pan las ma+
redud uab owein y gan gara+
daỽc uab gruffud uab Ryderch.
a|r freingk ar lan auon rymhi.
ac yna y ỻas macmael nimbo
clotuorussaf a chadarnaf vren+
hin y gỽydyl o deissyfyt vrỽy+
dyr. y gỽr a|oed aruthyr ỽrth y
elynyon. a hynaỽs o|e giwdaỽt+
wyr. a gỽar ỽrth bererinyon
a|dieithreit. Yna y diffeithaỽd
y freingk geredigyaỽn. a dy+
uet. a mynyỽ. a bangor a|dif+
feithỽyt y|gan y kenedloed. Ac
yna y bu varỽ bleiddut escob
mynyỽ. ac y kymerth sulien
yr escobaỽt. Yna yr eilweith y
diffeithaỽd y freingk geredigy+
aỽn. ac yna y ỻas bledyn uab
kynuun y|gan rys uab owein
drỽy dwyỻ dryc·ysprydolyon
pennaetheu. ac uchelwyr ys+
trat tywi. Y gỽr a|oed gỽedy gru+
ffud y vraỽt yn kynnal yn ar+
derchaỽc hoỻ deyrnas y bry+
tanyeit. ac yn|y|ol ynteu y gỽ+
ledychaỽd trahaearn uab ka+
radaỽc y gefynderỽ ar deyr+
nas y gỽyndyt. a rys uab
owein a ryderch uab karada+
ỽc a|gynhalyassant deheu+
barth. Ac yna yd ymladaỽd