Breudwd Welsh Prose 1300-1425
Cymraeg

NLW MS. Peniarth 4 (The White Book of Rhydderch, part 2) – page 82v

Culhwch ac Olwen

82v

463

rac ẏ decket paỽb a|debẏ  ̷+
gẏnt ẏ uod ẏn engẏl can  ̷+
horthỽẏ. a|chẏnwẏl sant
ẏ trẏdẏgỽr a dienghis o
gamlan. ef a ẏscarỽẏs di  ̷+
wethaf ac arthur ẏ ar hen  ̷+
groen ẏ uarch. ac uchdrẏt
mab erim. ac eus mab erim.
A henwas edeinaỽc mab
erim. a henbedestẏr mab
erim. a Scilti scaỽntroet
mab erim. Teir kẏned+
ẏf a oed ar ẏ trẏwẏr hẏn+
nẏ. henbedester nẏ chauas
eiroet a|e kẏfrettei o dẏn
nac ar uarch nar ar droet.
Henwas edeinaỽc nẏ allỽẏs
mil pedwar troedaỽc eiroet
ẏ ganhẏmdeith hẏd un erỽ
anoethach a uei bellach no
hẏnnẏ. Scilti ẏscaỽntroet
pan uei wẏn|hẏwl kerdet
ẏndaỽ vrth neges ẏ ar  ̷ ̷+
glỽẏd nẏ cheissỽẏs ford ei  ̷+
roet am gỽẏpei pẏ le ẏd
elei. Namẏn tra uei coet
ar uric ẏ coet ẏ kerdei.
A|thra uei uẏnẏd ar ulaen
ẏ kaỽn ẏ kerdei. ac ẏn hẏt
ẏ oes nẏ flẏgỽẏs konẏn dan
ẏ draet. anoethach torri
rac ẏ ẏskafned. Teithi
hen mab gỽẏnhan a|we  ̷ ̷+
 rẏskẏnnỽẏs mor ẏ kẏ  ̷ ̷+
uoeth. ac ẏ dihengis ẏnteu
o ureid ac ẏ doeth ar arth  ̷ ̷+
ur. a|chẏnedẏf a oed ar ẏ
gẏllell ẏr pan deuth ẏm+
ma nẏ|thrigỽẏs carn ar  ̷ ̷+

464

nei uẏth. ac vrth hẏnnẏ
ẏ tẏuỽẏs heint ẏndaỽ a
nẏchdaỽt hẏt tra uu uẏỽ.
ac o hẏnnẏ ẏ bu uarỽ. a|ch  ̷ ̷+
arnedẏr mab gouẏnẏon hen.
A  gẏsseuin
rẏssỽr arthur. A llẏgatrud
emẏs. A gỽrbothu hen ewẏth  ̷ ̷+
red arthur oedẏnt brodẏr
ẏ uam. Kuluanawẏt mab
gorẏon. A llennleaỽc vẏdel
o ben tir gamon. A dẏuẏnwal
moel. a dunart brenhin ẏ
gogled. Teẏrnon tỽr bliant
oedẏnt. a|thecuan glof.
a|thegẏr talgellaỽc. Gỽrdi+
ual mab ebrei. a Morgant hael.
Gỽẏstẏl mab nỽẏthon. A Run
mab nỽẏthon. a lluẏdeu mab
nỽẏthon. a gỽẏdre mab lluẏdeu
o wenabỽẏ merch kaỽ ẏ uam.
Hueil ẏ ewẏthẏr a|e gwant.
ac am hẏnnẏ ẏ bu gas rỽg
arthur a hueil am ẏr archoll.
Drem mab dremidẏd a
welei o gelli wic ẏ|gherniỽ
hẏt ẏm penn blathaon ẏm
predein pan drẏchauei ẏ
gỽẏdbedin ẏ bore gan ẏr
heul. ac eidoel mab ner.
a gluẏdẏn saer a|wnaeth
ehangwen neuad arthur
kẏnẏr keinuaruaỽc. kei
a dẏwedit ẏ uot ẏn uab
itaỽ ef a dẏwaỽd vrth ẏ
wreic osit rann imi o|th uab
ti uorỽẏn oer uẏth uẏd ẏ gal+
on. ac nẏ bẏd gỽres ẏn|ẏ dỽẏlaỽ.
Kẏnedef arall a uẏd arnaỽ