Breudwd Welsh Prose 1300-1425
Cymraeg

NLW MS. Peniarth 19 – page 105r

Brut y Tywysogion

105r

465

gruffud uab kynan wyr Jago.
a mon. ac y ỻadaỽd y gỽyndyt
gynwric uab ruallaỽn. Ac yna
y bu y vrỽydyr y|nghamdwr y+
rỽg goronỽy a ỻywelyn. mei+
byon kadỽgaỽn a charadaỽc
uab gruffud y·gyt ac ỽynt. a
rys uab owein. a ryderch uab
karadaỽc ygyt a|r rei hynny
heuyt. Yn|y vlỽydyn honno
y bu vrỽydyr bron yr erỽ y+
rỽg gruffud a thrahaearn.
ac yna y ỻas ryderch uab
karadaỽc y gan meirchaỽn
uab rys uab ryderch y gefyn+
derỽ drỽy dỽyỻ. Ac yna y bu
vrỽydyr gỽennottyỻ rỽng
ỻywelyn a meibyon kadỽga+
ỽn a rys uab owein a ryderch
uab karadaỽc y rei a oruu+
ant eilweith. Ac yna y bu
urỽydyr pỽỻ gỽdyc. ac yna
y goruu trahaearn brenhin
gỽyned. ac y dialaỽd gỽaet
bledyn uab kynuyn drỽy
rat duỽ. yr hỽnn a vu war+
af a thrugarockaf o|r bren+
hined. ac nyt argywedei y
neb o·ny chodit. A phan|god+
it o|e anuod y dialei ynteu
y godyant. Gwar oed ỽrth
y gereint. ac amdiffynnwr

466

ymdiueit a gỽeinyon. a gỽ+
edwon. a chedernyt y doeth.
ac enryded. a grỽndwal yr
eglỽysseu. a|didanỽch y gw+
ladoed a hael ỽrth baỽp. aru+
thyr yn ryuel a hegar ar
hedỽch. ac amdiffyn y baỽp.
Ac yna y dygỽydaỽd hoỻ
teulu rys. ac ynteu yn foaỽ+
dyr. megys karỽ ofnaỽc
ymlaen y milgỽn drỽy y
perthi a|r creigeu. ac yn diw+
ed y vlỽydyn honno y ỻas
rys uab howel y vraỽt y
gan garadaỽc uab gruffud
ac yna yd edewis sulyen y
escobaỽt ac y kymerth y+
vraham. Ac yna y dechreu+
aỽd rys uab tewdỽr wledy+
chu. ac y diffeithỽyt mynyỽ
yn druan y gan y kened+
loed. ac y bu varỽ y·vraham
escob mynyỽ. ac y kymerth
sulyen yr escobaỽt eilweith
o|e anuod. Ac yna y bu vrỽy+
dyr ym mynyd carn. ac y
ỻas trahaearn uab karada+
ỽc uab gruffud wyr y Jago.
a|r yscotteit gyt ac ef yn gan+
horthỽy idaỽ. ac y ỻas gỽrge+
neu uab seissyỻ drỽy dwyỻ
y|gan veibyon rys seis. Ac yna