Breudwd Welsh Prose 1300-1425
Cymraeg

NLW MS. Peniarth 19 – page 108r

Brut y Tywysogion

108r

477

Blỽydyn gỽedy hynny y|bu uarỽ
hu vras Jarỻ kaer ỻion ar ỽysc. ac
yn|y ol ynteu y dynessaaỽd roser y
vab kyt bei bychan y oet. Ac eissyoes
y brenhin a|e gossodes yn ỻe y dat
a* ochaỽs* meint y karei y dat. ac
yn|y vlỽydyn honno y bu uarỽ gro+
nỽy uab kadỽgaỽn ac owein uab
gruffud. Can mlyned a mil oed
oet crist. pan vu agkyttundeb rỽng
henri vrenhin. a Robert Jarỻ am+
mỽythic ac ernỽlf y vraỽt. gỽr a
gafas yn rann idaỽ. ac a|wnaeth
casteỻ penvro yn uaỽr·vrydus. A
phan gigleu y brenhin eu bot yn
gỽneuthur tỽyỻ yn|y erbyn megys
y deuth y chwedyl arnunt. eu gỽa+
haỽd attaỽ y wybot gỽirioned am
hynny a|oruc. ac ỽynteu heb aỻel
ymdiryet y|r brenhin a geissyas+
sant uod escussaỽ. A gỽedy gỽybot
ohonunt adnabot o|r brenhin eu
tỽyỻ ac eu brat. ny beidyassant ym+
dangos ger bron y gyndrycholder.
namyn achub a|orugant eu keder+
nyt. a galỽ porth o bop tu udunt. A
gỽahaỽd attunt y brytanyeit a|oed+
ynt darostygedigyon udunt yn
eu medyant ac eu pennaetheu. Nyt
amgen cadỽgaỽn. Jorwerth. a mare+
dud veibon kynuyn yn|borth ud+
unt a|e haruoỻ yn vaỽrvrydic enry+

478

dedus udunt a|orugant. Ac ad+
aỽ ỻawer o da udunt a rody
rodyon. a ỻawenhau eu gỽl
at o|rydit. Ac y|ghyfrỽng
hynny kadarnhau eu kes+
tyll. a|e kylchynu o fossyd
a muryoed. a pharattoi ỻa+
wer o ymborth. a chynuỻaỽ
marchogyon a rodi rody+
on udunt. Robert a|achu+
baỽd pedwar casteỻ. Nyt
amgen arỽndel. a blif. a
bryg. ac ynhyn. yr hỽnn
yd oed yr hoỻ tỽyỻ yndaỽ.
yr hỽn a rỽndwalassei yn
erbyn arch y brenhin. ac
amwythic. Ernỽlf a|achu  ̷+
baỽd pen·vro e|hun. A gỽe+
dy hynny kynuỻaỽ ỻuoed
a|orugant. a galỽ y bryta+
nyeit ygyt a gỽneuthur
ysglyfyaetheu. ac ymchoe+
lut adref. A phan yttoed+
ynt yn gỽneuthur y petheu
hynny y medylyaỽd ernỽlf
hedychu a|r|gỽydyl. ac|erby+
nyeit nerth y ganthunt. ac
anuon a|wnaeth kennadeu
hyt yn jwerdon. nyt amgen
geralt ystiwart a ỻawer
o rei ereiỻ. y erchi merch
murtart vrenhin yn briaỽt
idaỽ.