Breudwd Welsh Prose 1300-1425
Cymraeg

NLW MS. Peniarth 19 – page 110r

Brut y Tywysogion

110r

485

gronỽy drỽy dỽyỻ y gan y freingk
a|oedynt yn kadỽ ryt y gors. Gỽ+
gaỽn uab meuric y gỽr a|oed
yn meithryn mab y howel a|wn+
aeth y vrat val|hynn. Galỽ a|w+
naeth gỽgaỽn howel y ty a|e
wahaỽd. ac anuon y|r casteỻ a
galỽ y freingk attaỽ. a mene+
gi udunt eu teruynedic le ac
aros amser yn|y nos. ac ỽyn+
teu a|doethant amgylch pyl+
geint. a|chylchynu y dref a|r
ty yd oed howel yndaỽ a|orugant.
a|dodi gaỽr. ac ar yr aỽr honno
y|dihunaỽd howel yn dilesc a
cheissyaỽ y arueu. a dihunaỽ
y|gedymdeithyon. a|e gledyf a
daroed idaỽ y dodi ar benn y
wely. a|e waeỽ is y draet. a dy+
gassei gadỽgaỽn tra yttoed ef
yn kysgu. a howel a|geissyaỽd
y|gedymdeithyon ỽrth ymlad.
a thebygu eu bot yn baraỽt.
ac neur daroed udunt ffo ar
yr aỽr gyntaf o|r nos. Ac yna
y goruu arnaỽ ynteu ffo.
a|gỽgaỽn a|e hymlidyaỽd yn
graff yny delis megys y
hadaỽssei. A|phan doeth ke+
dymdeithyon kadỽgaỽn at+
taỽ. tagu howel a|wnaeth+
ant. ac yn varỽ haeach y

486

dugassant ef att y freingk. Ac
ỽynteu gỽedy ỻad y benn ef a
ymchoelassant y|r kasteỻ. Yn|y
ulỽydyn honno y gỽelet se+
ren enryued y ỻeuuer yn
anuon paladyr o·honei yn
ol y chefyn. ac o braffter co+
lofyn y meint a|diruaỽr o+
leuat idi yn darogan yr
hynn a vei rac ỻaỽ. kanys
henri amheraỽdyr ruuein
gỽedy diruaỽr vudugolyae+
theu. a chreuydussaf uuched
y grist a|orfowyssaỽd. a|e vab
gỽedy ynteu gỽedy kael
ỻawer o enryded ac eistedua
amherodraeth ruuein a|wna+
ethpỽyt yn amheraỽdyr. ac
yna yd anuones henri vren+
hin ỻoegyr marchogyon y
darostỽg normandi. a|chy+
hỽrd ac ỽynt a|wnaeth robert
Jarỻ o vethlem. A gỽedy
goruot arnadunt eu gyrru
ar|fo. a gỽedy na rymheynt
dim. anuon a|wnaethant
att y brenhin y geissyaỽ nerth
y ganthaỽ. ac yna y brenhin
e|hun gyt ac amylder o var+
chogyon. a|diruaỽr lu a uor+
dỽyaỽd drỽod. Ac yna yn di+
lesc y kyhyrdaỽd a|r Jarỻ ac