Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 13r

Brut y Brenhinoedd

13r

49

am ymgyuaruot. ac o ergit saeth llad lo+
crinus. ac yna y kymerth gỽendoleu ỻyw+
odraeth y deyrnas. ac mal yd|oed engirolya+
eth corineus y that erchi bodi esyỻt a|e me+
rch yn|yr auon honno. ac y dodet ar|yr auon
hafren o enỽ y vorỽyn yr hynny hyt hediỽ.
a phymthec mlyned y gỽledychỽys gỽendo+
leu wedy ỻad locrinus. a dec mlyned y bu+
assei locrinus yn vrenhin kyn y lad. a gỽe+
dy gỽelet o wendoleu Madaỽc y mab yn oe+
dran y gaỻei bot yn vrenhin. geỻỽg y vre+
nhinyaeth idaỽ a|ỽnaeth a chymryt oheni
hitheu kernyỽ yn ymborth idi. ac yn|yr
amser hỽnnỽ yd|oed samuel broffỽyt yn
Judea. a|siluius yn yr eidal. ac omyr etỽa
A  gỽedy vrdda +[ yn traethu y gathleu
ỽ Madaỽc yn vrenhin gỽreic a|gym+
erth a deu vab a vu idaỽ ohanei.
Sef oed enỽeu y rei hynny. Membyr. a Ma+
el. a deugein mlyned y bu vadaỽc yn gỽ+
ledychu drỽy duundeb a|hedỽch. a gỽedy
marỽ madaỽc teruysc a gyuodes yrỽg y
deu|vab am y kyuoeth. a Membyr eissoes
a|ỽnaeth dadleu a|e vraỽt ar vessur tagne+
uedu ac ef. ac yna gỽneuthur bratwyr
idaỽ a|e|lad. a gỽedy ỻad mael. creulonder
a gymerth membyr yndaỽ yny ladaỽd
hayach hoỻ dylyedogyon y deyrnas. rac o+
fyn treissaỽ o·nadunt arnaỽ. ac ymadaỽ
a|e wreic mam efraỽc cadarn y vab. a chy+
dyaỽ a|r gỽyr yn erbyn anyan yr hyn o+
ed gassach gan duỽ no|dim. ac val yd oed
yn hely diỽarnaỽt yn yr vgeinuet vlỽy+
dyn o|e arglỽydiaeth y ỽrth y gedymdeith+
on y myỽn glyn coedaỽc y deuthant am y
benn ỻuossogrỽyd o|vleideu kandeiraỽc. ac
A  gỽedy marỽ mem +[ y ỻadyssant ef.
byr yd|urdỽyt efraỽc y vab yn|vrenhin.
Y|gỽr kyntaf gỽedy brutus a aeth y
ffreinc a ỻyges gantaỽ. a|gỽedy ỻaỽer o
ymladeu a ỻad y bobyl. dyuot adref ac a+
mylder golut a|budugolyaeth gantaỽ a
ỽnaeth. a gỽedy hynny yd|adeilỽys di+
nas o|r parth draỽ y humbyr. ac y gelỽis
o|e enỽ ef kaer efraỽc. ac yn|yr amser hỽn+
nỽ yd|oed dauyd proffỽyt yn vrenhin yg

50

kerussalem. A siluius Latinus yn yr ei+
dal. agat. a natan. ac asaf yn|proffỽydi
yn|yr israel. ac odyna y daeth efrawc
ac yd|adeilỽys kaer alclut gyuerbyn ac
yscotlont. a chasteỻ mynyd yr hỽnn a|e+
lỽir yr aỽrhonn casteỻ y morynyon ar
Mynyd dolurus. a gỽedy hynny y ganet
idaỽ ugein meib. o vgein wraged a|oed
idaỽ. a|dec merchet ar|hugeint. a deu+
gein mlyned y bu yn gỽledychu. Sef
oed enỽeu y meibon. Brutus daryan
las oed y mab hynaf idaỽ. Maredud. Sei+
syỻ. Rys. Morud. Bleiddut. Jago. Bod+
lan. kyngar. yspladeu. Gỽaỽl. Dar+
dan. eidal. Juor. Ector. kyngu. Gereint.
Run. asser. Hỽel. a sef oed enỽeu y ver+
chet. Gloeỽgeing. Jgnogen. Eudaỽs.
Gỽenỻian. Gỽaỽrdyd. agharat. Gỽ+
endoleu. Tagỽystyl. Gorgon. Medlan.
Methael. Eurar. Maelure. Camedra.
Ragaỽ. Ecuba. Nestkein. Stadud.
Ebren. Blangan. auaỻach. angaes.
Galaes. teckaf morỽyn oed honno yn
vn ynys a hi. Gỽeiruil. Perwer. Eur+
drych. Edra. anor. Staydalt. Egron.
a|r rei hynny a anuones efraỽc at sil  ̷+
uius y gar oed yn vrenhin yn yr eidal.
ac y rodet yno y|wyr bonhedic dylyedo+
gyon. a|r meibon a aethant y germa+
nia. ac asser yn dyỽyssaỽc arnadunt.
a phorth y gan siluius gantunt. ac y
gorysgynassant a hi a|e phobyl. a|bru  ̷+
tus daryan las e|hun a|drigyỽys yn|yr
ynys hon. ỽrth lyỽyaỽ y kyuoeth gỽ+
edy y dat. a dec mlyned y gỽledychỽys
ynteu. ac yn ol brutus y deuth ỻeon
y vab ynteu. Gỽr a|garỽys hedỽch vu
hỽnnỽ. a gỽedy gỽelet o·honaỽ y gy+
uoeth yn|dagno·uedus ef a adeilỽys
dinas yg|gogled yr ynys. ac a|e|gelỽ+
is o|e enỽ e hun kaer ỻeon. ac yn  ̷
diỽed y oes y ỻesgỽys. a|r amser hỽnnỽ
yd|erchis selyf ap dauyd adeilat tem  ̷+
yl yg|kaerussalem. ac y deuth brenhines
saba y waran·daỽ y doethineb. ac y  ̷
deuth siluius epitus yn|ỻe y dat yn vre+
[ nhin.