NLW MS. Peniarth 5 (The White Book of Rhydderch, part 1) – page 58v
Purdan Padrig
58v
3
poenev hynny y|maent lleoed corffor+
aỽl yn|yr rei y|dyỽedir bot gỽahan ̷ ̷+
boenev. Y poenev mỽyhaf hagen a gre+
dir y|bot ar y|rei y gỽeisc y cabyl y
waeret. Diheu yỽ bot y|llaỽenedi+
gaetheu mỽyhaf ar y|rei y|nesseir
y arnunt trvy gyfyaỽnnder y|r lle
pennaf. Yn|y chymherued hagen y
mae petheu da. ath pe a|phetheu ̷ ̷
drỽc. yr hynn a ỽelir y|ỽeddu y|r dat+
kannedigaeth hỽnn yma. A|r peth
a gredir y vot vffernn ydan y|daear.
nev odis kyuet* y|daear megys car+
char. neu gastell tyỽyll mal y dyỽ+
eit rei. nyt vrdessir neb yn|y lle hỽn+
nỽ. A pharadỽys yr hỽnn yssyd yn|y
dỽyrein ar|y dayar yn|y lle y dyỽedir
bot eneitev ffydlonnyon gvedy ryd+
haer o boenev y|purdan yn kymryt
y digriuỽch gỽynuydedic. [ Seint
aỽstin a|dyỽeit am eneitev y|rei mei+
rỽ y bot o agheu hyt dydbraỽt gan
achỽaneccau vdunt yr hynn a|gyme+
ront megys y bo teilỽg vdunt. ae
y orffỽys. ae y boenev. Y gỽynvydedic
aỽstin. a seint gregori a|dyỽedant.
y|r eneitev hep gorfforoed gallu y po+
eni o gorfforaỽl boen yn|y tan. A lly+
ma val y kedyrnheir hynny yn hys+
bys. Ym poen y|purdan yn|yr honn y
purheir yr etholedigyon gỽedy ag+
heu. Diheu yỽ y poenir rei yn vỽy
noc ereill. rei yn llei megys y haed+
dont. Y boenn honno dihev yỽ na di+
gaỽn dynyon y synhỽyraỽ. canys
bychan y synhỽyrir y|poennev hyn+
ny y gan dynyon. eissoes yr eneitev
a|elont o|r corfforoed. ac elchỽyl o arch
duỽ a|ymhoelant y|r corfforoed. y gan
y|rei hynny y|datkenir neb ryỽ arỽ+
ydonev. Kyffelyb y|betheu corfforaỽl
y|dangossir petheu ysprydaỽl. canys
4
ony welit y|ryỽ betheu hynny y|gan
y|ryỽ eneitev hynny. diheu oed nat
adolygit y|gan yr eneitev a|uuchocceynt
yn|y corfforoed yn disymut a|ỽypynt
o betheu corfforaỽl e hunan. [ Odyna
ef a|dyỽedir yn|y chỽedyl hỽnn. gỽelet
petheu ysprydaỽl o|dyn marỽaỽl. ac
yn|y corfforaeth megys yn|y corfforaỽl
ffuryf. a|ryỽ. Y neb a|dyỽat y|chỽedyl
yni. ac yn|y ỽed y gỽybu yntev. mi a|e
dyỽedaf kynn diỽed y chỽedyl. ~
Padric sant maỽr a|dyỽedir pan bre*+
grethei ef geireu duỽ yn gyntaf
yn Jỽerddon gan oleuhau anryfedo+
deu gogonyant. canys ef a lauuryus
gallu o vỽystuilaỽl eneitev dynyon y
wlat honno y gan drỽc o aruthter poenev
vffernn. a|e chadarnhav yn daeoni trỽy
adaỽ lleỽenyd paradỽys vdunt. Gỽir a
dyỽat y datkanỽr a|geffylybỽys dyny+
on y ỽlat honno y vỽystuileit. Kanys
pan oeddỽn. i. yn|y ỽlat honno ef a|deuth
attaf|i kynn y pasc gỽr oedaỽc moel
gỽedy dygỽydaỽ y|ỽallt o heneint. a lles+
cu yn vaỽr. ac a|dyỽat na chymerassei
ef eiroet rinỽedeu corff crist a|e ỽaet.
ac yn|y dyd hỽnnỽ nyt amgen no|r dyd
nessaf y|r pasc y|mynnei ef y|gymryt.
a chyn gỽelei ef vy mot. i. yn vynach
ac yn offeirat y mynaỽd ef amlyccav
ymi y uuched ef trỽy gyffes hyt pan
allei nessaỽ a|rinỽed corff crist yn dio+
gel. a chanyt atỽannyat* ef ieith
y|ỽlat honno. mi a|gymereis y|gyffes
ef trỽy gyfyeithyd. a phan yttoed ef
yn gỽneuthur teruyn ar|y gyffes.
mi a|ouynheis idaỽ trỽy y kyfyeithyd
a ladasei dyn eiroet. Ynteu a|dyỽat
na ỽydat yn hyspys a|ladasei mỽy no
phum nyn. a|hynny yr anustruaỽ a
ladasei. a megys nat oed argyỽedus
ef y|hynny mor vychan a|ladasei. Yntev
| « p 58r | p 59r » |