NLW MS. Peniarth 19 – page 114v
Brut y Tywysogion
114v
503
govyn a|oruc y gadỽgaỽn
beth a|dywedei am hynny.
Ny|s|gỽn i arglỽyd he˄b|ef. Kan+
ny eỻy di heb y brenhin kadỽ
dy gyuoeth rac kedymdeith+
yon dy vab. hyt na ladont
vyg|gwyr J. Minneu a|e rodaf
ef yr eilweith y|r neb a|e kattỽo.
a thitheu a|drigyy ygyt a|mi
drỽy amot vyth na sethrych
dy briaỽt wlat dy hun. a|thi
a vydy ar vy ymborth i yny
gymerỽyf gyghor amdan+
at. Ac yna y|rodes y brenhin
idaỽ pedeir ar|hugeint peu+
nyd ygkyueir y dreul. ac yno
y trigyaỽd heb garchar ar+
naỽ. A phan gigleu owein
yspeilyaỽ y dat o|e|gyuoeth.
kyrchu Jwerdon a|orugant
ef a Madaỽc uab ridyt. ac od+
yna anuon a|oruc y brenhin
at gilbert uab rickert. yr
hỽnn oed dewr molyannus
gaỻuus. a|chyfeiỻt y|r bren+
hin. a|gỽr arderchaỽc oed
yn|y holl weithredoed y erchi
idaỽ dyuot attaỽ. ac ynteu
a|doeth. a|r brenhin a|dywa+
ỽt ỽrthaỽ. Yd oedut yn wastat
yn keissyaỽ rann o dir y
brytanyeit y gennyf|i. Mi a
rodaf ytt yr aỽr honn tir ka+
504
dỽgaỽn. dos a|goresgyn ef. A|e
gymryt a|oruc yn ỻawen. a
chynuỻaỽ ỻu. a dyuot hyt yng
keredigyaỽn. a|e goresgyn. ac
adeilyat deu gasteỻ yndi. vn
gyferbyn a ỻan badarn yn
ymyl aber ystỽyth. a|r ỻaỻ
yn ymyl aber teiui yn|y ỻe
a|elwir tingereint. y ỻe y grỽn+
dwalaỽd roser Jarỻ kynno
hynny gasteỻ. A gỽedy ychy+
dic o amser yd ymchoelaỽd
Madaỽc uab ridyt o Jwerdon.
heb aỻel godef andynolyon
uoesseu y gỽydyl. ac owein a
drigyaỽd yno dalym o amser.
a madaỽc a aeth y bowys. ac
nyt erbynnyỽyt yn hygar
nac yn ỻawen y gan Jorwerth
y ewythyr rac y gynnal yn
gylus y|gan y brenhin herỽyd
kyfreith a|drycweithret ot ym+
gyffredinei a|e nei o|dim. ac
ynteu yn wibiaỽdyr a|ochela+
ỽd kyndrycholder Jorwerth.
Jorwerth ynteu a|wnaeth kyf+
reith. hyt na lyuassei neb dyw+
edut dim ỽrthaỽ ef am vadaỽc.
na menegi dim y ỽrthaỽ na|e
welet nac na|welit. Yg|kyfrỽg
hynny aruaethu a|wnaeth ma+
daỽc gỽneuthur brat Jorwerth
y ewythyr. a daly kyueiỻyach
| « p 114r | p 115r » |