Breudwd Welsh Prose 1300-1425
Cymraeg

NLW MS. Peniarth 19 – page 118r

Brut y Tywysogion

118r

517

man* y rei hynny gwreic ryderch
uab teỽdỽr. oed hunud verch vle+
dyn uab kynuyn y penaf o r
brytanyeit gỽedy gruffud uab
llywelyn y rei oedynt vrodyr vn+
uam kanys agharat verch
varedud vrenhin y brytannyeit
oed eu mam eỻ deu ac owein
uab krydaỽc vab gwenllian
verch y dywededic vledyn y rei
a ỻawer o rei ereill a doethant
ygyt. a|gofyn a oruc y freingk
udunt a oedynt oll fydlonyon
y henri vrenhin ac atteb a wnae+
thant eu bot Dangossỽch chỽ+
itheu heb y freingk ar aỽch gỽ+
eithret yr hynn a dywedỽch ar
aỽch|tauaỽt reit vyd yỽch ca+
dỽ casteỻ caer vyrdin paỽb o+
honaỽch yn y ossodedic amser
ual|hynn Cadỽ y castell o|owein
uab cradaỽc bytheỽnos a|ryd+
erch ap tewdỽr bytheỽnos araỻ.
a|meredud uab ryderch uab teỽ+
dwr petheỽnos. ac y vledri uab
kediuor y gorchymynnỽyt cas+
teỻ robert laỽgan yn aber co+
fwy a gỽedy kyfansodi y peth+
eu hynny. Gruffud uab rys
a|pryteraỽd am anuon disgỽyle+
it y dorri y casteỻ neu y losgi.
a phan gafas amser adas ual
y gaỻei yn haỽd y kyrchaỽd y
casteỻ ac yna y|damchweinyaỽd
bot owein uab madaỽc yn kadỽ

518

yngkylch y castell ac yna y|duc
grufud uab rys kyrch nos am
benn y casteỻ. A phan gigleu
owein y kynhỽryf yn dyuot.
kyuot yn ebrỽyd ef a|e gedym+
deithyon a|wnaethant. Ac yn|y
ỻe y clyỽei yr aỽr ef a|gyrchaỽd
e|hun ymlaen y gedymdeith+
yon a|e vydin. gan debygu eu
bot yn|dyuot yn y|ol. ac ỽynt+
eu wedy y adaỽ ef e|hunan
a|ffoyssant. ac veỻy yna y|ỻas
ef. A gỽedy ỻosgi y casteỻ heb
uynet y mywn y|r tỽr yd ymcho+
elawd ac yspeileu ganthaỽ y|r
notaedigyon goedyd. Odyna
yd ymgynuỻassant attaỽ yn+
vytyon jeueingk y|gỽladoed
o pob tu. gan debygu y goruyd  ̷ ̷+
ei ar|bop peth o achaỽs y dam+
chwein hỽnnỽ. kanys ef a|los+
gassei gasteỻ a|oed y|gỽhyr. a ỻad
ỻawer o|wyr yndaỽ. Ac yna yd
edewis gỽilym o lundein a|e
gasteỻ rac y|ofyn ef a|e hoỻ a+
niueileit a|e oludoed. A|gỽedy
daruot hynny megys y dyweit
selyf. Drychafel a|wna yspryt
yn|erbyn cỽymp. Yna yd ar+
uaethaỽd yn chỽydedic o valch+
der. ac o|draha yr anosparthus
bobyl. a|r ynuyt giwdaỽt kyw+
eiryaỽ ynvytyon o|dyfet y
geredigyaỽn a chymer|yn gỽr+
thỽynebed y|r gyfyaỽnder ỽedy y