Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 127r

Hwsmonaeth

127r

524

y|ỻaỻ. ti a|e|gỽely yn|gysson ac yn
ỻỽydyannus yn amseraỽl megys
y gỽreido yr yt kynn gaeafraỽt. a+
chaỽs yỽ. o|r daỽ glaỽ o vyỽn yr w+
ythuet dyd. a|dyuot wedy hynny
dỽy nos neu|deir o rew. y reỽ a
gerda hyt yd|aeth y|dỽfyr. a hỽnnỽ
a ormeila ar yr hat gỽann issel.
Kleudir a|thir karregaỽc o wan+
nỽyn ar y|heu yn amseraỽl. kynn
mis maỽrth megys y kaffont any+
an y gayaf a|gỽreidaỽ yr hat. Tir
gỽlyb. gadel rycheu dỽfyn y adel y
dỽfyr y redec o·honaỽ ymeith. a|e
adel ynteu y|sychu kyn y heu.
Par chwynnu dy yt gỽedy gỽyl Jeu+
an. Sef achaỽs yỽ. o chwynnir
bymthec niwarnaỽt neu wyth
kynn gỽyl Jeuan ef a dyf tri ỻys+
sewyn yn|ỻe yr un. Par uedi dy
yt a|e|gynnuỻ yn gall. a|e dodi y
myỽn yscubaỽr didos. Pan|del yr
yt y|r yscubaỽr. keis ỽr kywir fyd+
laỽn a|gyfriuo y·rỽng y dyrnỽr
a|r kernorwyr. a|e rydhau att y ker+
norwyr yr yt yn ugeineu a|e benn
rac coỻi ar y|messur y myỽn ac y
maes yn|y vessuraỽ. Ac yn vn lles+
tyr y messurych y myỽn. messur
y maes. Na|werth do* sofyl y ar dy
dir. ac na|symut odyno. ony byd
reit ytt toi dy dei. kanys o|symudy
yr ychydic. ỻawer a goỻy. Symut
dy hat bop blỽydyn. kanys gỽeỻ
y kynnyd hat o|tir araỻ noc o|r tir e
hunan. a|phraỽf ual hynn. ard deu
rỽnn yn vnaỽr. a hea y neiỻ o|e hat
e|hun. a|r|ỻaỻ o|hat araỻ. Ac yna y
gỽybydy di uot yn|wir yr hynn u+
chot. Casgla dom yn|da. a dot prid
ar|y|dom do dra tho. kanys y prid a
geidỽ y|dom yn|barhaus. Par vn
weith bop pythewnos gỽassarnu
dy deueit. a|hynny o|brid|da yn gyn
gyntaf. ac ar uchaf y prid y gỽeỻt.

525

ar ny|bo reit itt o|th wellt. ystrea yn|y
ffaldeu a|r kyrteu y veithryn y tom. kyn
mis maỽrth par gỽasgaru y dom ygyt
a|e dodi yn|lle ny|del tes arnaỽ. a phan
elher y|dỽyn y dom y|r maes. gỽybyd
gỽneuthur o|r gỽeithwyr eu gỽeith yn
gỽbyl y dyd kyntaf ac yn gywir. Ac o
hynny allan beunyd yn yr un messur
o·ny|byd gantunt achaỽs kyfreitha+
ỽl hyt na|s gaỻỽynt. Tir gỽlyb teila
ef ym·ronn y eredic. a chywed dy dom
ar hin oer rac y losgi. Nac ard dy
dir teil yn ry|dỽfyn. namyn ard drỽy
y dom. kanys hỽy o|r hanner uyd
para y|dom o|e gymysgu a|r prid. noc
o|e adel e|hunan ar neiỻtu yn|y dayar.
Os marlu a|wney ard yn dỽfyn.
kanys y marl a dyrcheif o|anyan.
a|r dom a|ostỽng. Na theila yn ry
ebrỽyd. o·nyt eil brynery ar|uchaf
hynny. Edrych dy aniueileit rỽng
y pasc a|r sulgỽyn. a|phar uot y
bop un y diwaỻrỽyd megys y perth+
yno. ac y|dylyo. A brynych o aniuei+
leit trỽy y vlỽydyn y eu|gadu yn
ystor. pryn rỽng y pasc a|r sulgỽyn.
kanys goreu yỽ y newit yn|yr amser
hỽnnỽ arnunt. am|eu|bot yn|gulyon.
Dy ueirch kynn eu bot yn ry hen.
trafnitra ỽynt. a|phryn rei ieueinc
yn eu ỻe. Mynych edrych dy da.
kanys bo mynychaf yd edrychych
diwyttaf y gỽneir. Porth dy ychen
yn|da tra vont yn ỻauuryaỽ. ac na
cheis gantunt ormod gỽeith. kan+
ys o|r gỽanhaant anhaỽd vyd eu
dadebru. O|r byd aniueil claf ym plith
dy yscrybyl. symut ef odyno rac
ỻygru y rei ereiỻ. Moch na thrych+
ot na|chynnal o·ny bydant rywy+
aỽc. Moch gỽys yspada ỽynt. a
chystal uyd eu backyneu a|rei y
trychot o·nyt a|uo dogyn eu|gadel
y uagu. Nertha ỽynt y gayaf
pryt na aỻont glodyaỽ. a hefyt