NLW MS. Peniarth 19 – page 120r
Brut y Tywysogion
120r
525
ychydic o niuer ygyt ac ef. kyrchu
y coet o amgylch degwyr a phe+
dwar ugeint. ac ual yd|oedynt yn
edrych a|welynt oleu dynyon.
nachaf y gỽelynt oleu dynyon
yn kyrchu parth a chasteỻ kaer
vyrdin lle y daroed udunt gỽne+
uthur eu hedỽch. ac eu hymlit
a|wnaethant hyt y casteỻ. a gỽe+
dy eu daly yno. ymchoelut a|w+
naeth att y gedymdeithyon. Yg
kyfrỽgrỽg* hynny y damchwein+
yaỽd dyuot llu o|r flemhissyeit o
ros y gaer vyrdin yn erbyn mab
y brenhin a geralt ystiwart y+
gyt ac ỽynt. nachaf y rei a diag+
hyssei yn dyuot dan ỻef tu a|r
castell. ac yn menegi eu hyspeil+
yaỽ o owein uab kadỽgaỽn a|e
hanreithyaỽ. A phan gigleu y
flemhissyeit hynny. ennynnu
a|wnaethant o gassaf gyghorỽynt
yn erbyn owein o achaỽs y|my+
nych godyant a|wnaethant a|w+
nathoed kedymdeithyon owein
udunt kynno hynny. ac o annoc
geralt ystiwart. y gỽr y ỻosgassei
owein y gasteỻ. ac a|dugassei y
dreis nest y wreic a|e anreith. Y
ymlit a|orugant heb debygu bot
gỽrthỽynebed idaỽ. Owein a gym+
erth y hynt yn araf. Ac ỽynteu
gan y ymlit ef a doethant yn e+
brỽyd hyt y ỻe yd oed ef a|r anre+
526
ith ganthaỽ. A phan weles ke+
dymdeithyon owein. diruaỽr
luossogrỽyd yn eu hymlit.
Dywedut a|wnaethant ỽrthaỽ
ỻyma luossogrỽyd y|n ymlit
ni heb aỻu ym·wrthlad ac ỽynt.
Nac ofynheỽch heb achaỽs
heb ef. kanys bydinoed y flem+
hissyeit ynt. a gỽedy dywedut
hynny. eu kyrchu a|oruc. a diod+
ef y kyrch a|wnaethant yn
wraỽl. a gỽedy bỽrỽ saetheu
o bop tu udunt y syrthyaỽd ow+
ein yn vrathedic. A gỽedy y
dygỽydaỽ ef yd ymchoelaỽd
y gedymdeithyon ar fo. a phan
gigleu ỻywarch uab trahaearn
hynny. ymchoelut ef a|e|wyr
drachefyn a|wnaeth y wlat. A
gỽedy y|lad ef. y kynhalyaỽd
y vrodyr y rann o bowys. dyei+
thyr yr hynn a|dugassei owein
kyn·no hynny y gan varedud
uab bledyn. nyt amgen kerei+
nyaỽcn. yr hỽn oed eidaỽ madaỽc
uab ridyt kyn·no hynny. ac
enweu y vrodyr oed. Madaỽc
uab kadỽgaỽn. o wenỻian
verch rufud uab kynan. Ac
einyaỽn uab kadỽgaỽn. o
sanan verch dyfynwal. a|r try+
dyd oed wrgan uab kadỽgaỽn.
o eỻ·lyỽ verch gediuor uab goỻ+
wyn. y gỽr a vu bennaf arglỽyd
| « p 119v | p 120v » |