NLW MS. Peniarth 19 – page 120v
Brut y Tywysogion
120v
527
ar wlat dyuet. Pedwyryd oed
henri vab kadwgaỽn o|r frang+
kes uerch pictot tywyssaỽc
o|r freingk. ac o honno y bu
uab araỻ idaỽ a elwit gruf+
fud. Y chwechet oed varedud.
o euron verch hoedlyỽ uab
kadỽgaỽn uab elstan. A gỽe+
dy hynny yd ymaruoỻes ei+
nyaỽn uab kadỽgaỽn uab
bledyn. a gruffud uab mare+
dud uab bledyn ygyt y dỽyn
kyrch am|benn casteỻ uch+
trut uab etwin oed gefyn+
derỽ y vledyn vrenhin. Kan+
ys Jweryd mab uchtrut ac
owein veibyon etwin. a
bledyn uab kynvyn oedynt
vraỽt a chwaer undat ac
nyt vn·vam. Kanys aghar+
at verch varedud uab owein
oed vam vledyn. a chynvyn
uab gỽerstan oed eu tat eỻ
deu. a|r casteỻ a|dywedassam
ni oed yn|y ỻe a|elwit kymer
ym meiryonnyd. Kanys kadỽga+
ỽn uab bledyn a rodassei vei+
ryonnyd a chyueilyaỽc y
uchtrut uab etwin. dan am+
mot y vot yn gywir idaỽ ac
y veibyon. ac yn|ganhorthỽy
idaỽ yn erbyn y hoỻ elyn+
yon. ac ynteu oed wrthỽyne+
bwr ac ymladgar yn erbyn
kadỽgaỽn a|e veibyon. A gỽe+
528
dy coỻi owein heb debygu
gaỻu dim o veibyon cadỽga+
ỽn a|wnaeth y dywededic cas+
teỻ. Ac ỽynteu y rei a dywedas+
sam ni uchot drỽy lit a sorr
a|gyrchassant y casteỻ. ac a|e
ỻosgassant. a gỽedy fo rei o|r
gỽercheitweit a dyuot ereiỻ
attunt ỽynteu y hedỽch. achub
a|wnaethant veiryonnyd. a
cheueilyaỽc a phenỻyn a|e
rannu y·rygthunt. ac y ruf+
fud uab maredud y|doeth keuei+
lyaỽc a madaỽc hanner
penỻyn. a|r ranner* araỻ y
veibyon kadỽgaỽn uab bled+
yn. Yg|kygrỽg* hynny y ter+
uynaỽd y vlỽydyn y* vlin ac
yn atkas y|gan baỽp. Yn|y
vlỽydyn racwyneb y bu ua+
rỽ gilbert uab Rickart. a
henri vrenhin a|drigyaỽd yn
normandi o achaỽs bot ry+
uel y·rygthaỽ a brenhin fre+
ingk. ac ueỻy y|teruynaỽd y
vlỽydyn honno. Y vlỽydyn
rac·wyneb y magỽyt annu+
undeb y·rỽg howel uab Jthel
a|oed arglỽyd ar ros a rywyn+
nyaỽc a meibyon owein
uab etwin. Grinỽy a ridyt
a ỻywarch y vrodyr y rei
ereiỻ. a howel a anuones
kennadeu att varedud uab
bledyn a meibyon kadỽgaỽn
| « p 120r | p 121r » |