Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 129r

Saith Doethion Rhufain

129r

532

deruyd y titheu o lad dy uab o gu+
hudet ac annoc dy wreic. Ac yna y
tyngaỽd yr amheraỽdyr na ledit y
mab y|dyd hỽnnỽ. a gỽedy teruynu
eu kyghoreu ac eu dadleueu y|r neuad
y deuthant. A|phan wybu yr amherot+
res uot yn weỻ gan yr amheraỽdyr ym+
didan no bỽyta. Kyntaf ymdidan a|o+
ruc hi. gofyn idaỽ a|dihenydywyt y
mab. nado myn vyg|kret heb ef. Mi
a|ỽn heb hi panyỽ doethon rufein a be+
ris hynny. vn ansaỽd hagen y deruyd
ytti o|gredu udunt hỽy. ac y|daruu
gynt y|r|baed koet am y bugeil. Pa|de+
lỽ uu hynny heb yr amheraỽdyr. Myn
vyg|cret ny|s dywedaf o·ny rody|dy gret
ar|dihenydyaỽ y mab auory. Dihen+
nydyir myn uyg|kret heb|ef. ~ ~
L lyma y chỽedyl heb hi. Prenn
perffrỽyth bricaỽclas a|oed y my+
ỽn fforest yn|ffreinc. A|r|baed ny myn+
nei ffrỽyth prenn yn|y coet. namyn
ffrỽyth y prenn hỽnnỽ. a dydgỽeith
yd|arganuu y bugeil y prenn. a gỽe+
let y ffrỽyth yn|dec ac yn garueid ve+
lys aeduet. A|chynuỻaỽ coeleit o|r
ffrỽyth. ac ar hynny nachaf y|baed
yn|dyuot. ac ny chauas y bugeil o en+
nyt onyt drigyaỽ y vric y prenn rac
ofyn|y|baed a|e goeleit gantaỽ. a|r ba+
ed gỽedy na|chafas y frỽyth. megys
y|gordyfnassei. ffroeni ac ysgyrnygu
danned a|oruc. ac arganuot y bugeil
ym|bric y|prenn. a|thrỽy y|lit dechreu
diwreidaỽ y prenn. A|phan|welas y
bugeil hynny. geỻỽng y frỽyth y|r
baed a|oruc. A|r baed pan gafas dogyn
ef a gysgaỽd dan vric y prenn. ac ac
ef yn kysgu y disgyn y bugeil y|r ỻaỽr
ac a|dyr breuant y baed a chyỻeỻ.
Veỻy y|deruyd y|uaed rufein. ac y dy+
gir frỽyth yr|amherotraeth y gantaỽ.
Myn|vyg|cret heb yr amheraỽdyr ny byd
byỽ hỽy noc auory. Trannoeth trỽy
y lit kyrchu y dadleudy a|oruc yr am+
heraỽdyr. ac ar|hynt erchi dihenydyaỽ

533

y vab. Ac yna y kyfodes aỽgustus y
uynyd. a|dywedut ual|hynn. arglỽyd
heb ef ny wnel duỽ ytti wneuthur am
dy|uab. megys y gỽnaeth Jpokras am
y nei. Beth oed hynny. Myn|uyg|kret
na|s managaf. o·ny rody dy gret na
dihenydyer y mab hediỽ. Na|dihenydy+
ir myn vyg|cret. ~ ~ ~ ~
N ei uab chwaer oed y ipokras. a go+
reu ffusugỽr oed o|r byt. a gỽedy an+
uon kennat o vrenhin ugarie y erchi
y ipokras dyuot y iachau mab a|oed
idaỽ yn|glaf diobeith. ac ny|aỻaỽd
ef uynet namyn eỻỽg y nei yno. a|r
gỽas pan|doeth y|r ỻys. ef a|vyryaỽd
olỽc ar y brenhin a|r urenhines ac ar
y mab. A|gỽedy na|welas ef dim o an+
nyan y brenhin yn|y mab. gofyn a|wna+
eth y uam y mab pỽy oed y dat. kany
aỻei ef y uedeginyaethu ef yny wypei
anyan a|natur y|genedyl yd hanoed
o·honei. Ac yna y|dywaỽt hitheu y
gael ef o orderchat o Jarỻ nawern.
Ac yna y peris ef rodi kic ych Jeuanc
y|r mab yny uu hoỻiach. A gỽedy y
dyuot atref y gofynnaỽd y ewythyr
idaỽ pa|wed yd iachaaỽd y|mab. a chic
ych ieuanc heb ef. Os gỽir a|dywedy
di was heb ef o odineb y kaffat ef.
Gwir yỽ heb y|mab. A|phan|welas y
nei mor geluyd a hynny. medylyaỽ
a|oruc y|lad. ac erchi idaỽ dyuot y or+
ymdeith y·gyt ac ef. a gỽedy eu|dyuot
y le disathyr dirgeledic a|dywedut ỽrth
y|nei. Mi a|glywaf heb ef arogleu ỻys+
seu da. Minneu a|e clywaf heb y mab.
a|e mynny di ỽyntỽy. Mynnaf heb ef.
ac a|r mab yn|gostỽng y uedi y ỻysseu
y urathu a chyỻeỻ trỽydaỽ. yny dygỽ+
yd yn uarỽ y|r|ỻaỽr. Ac yna y caplaỽd
paỽp Jpokras ac yd emeỻdigỽyt. Ac
ueỻy arglỽyd amheraỽdyr y|deruyd y tith+
eu. ac yd emeỻtigir. o phery dihenydy+
aỽ dy|uab ac ef yn|wirion. Na|pharaf
myn vyg|cret heb ef. A|r nos honno
gỽedy daruot bỽyt. gofyn a|oruc yr