Breudwd Welsh Prose 1300-1425
Cymraeg

NLW MS. Peniarth 19 – page 122v

Brut y Tywysogion

122v

535

uab kynan. ac ymaruoỻ ac
ỽynt. Y vlỽydyn rac·wyneb
y ỻadaỽd grufud uab mare+
dud Jthel uab ridyt uab ble+
dyn yg|gỽyd maredud y|dat.
ac yn ol ychydic o amser
gỽedy hynny y ỻadaỽd kat+
walaỽdyr uab grufud uab
kynan y dri ewythyr. nyt
amgen gronỽy a ridyt. a
meilyr. meibyon owein uab
etwin. Kanys agharat uerch
owein uab etwin oed wreic
ruffud uab kynan. a honno
oed vam kadwaỻaỽn ac ow+
ein a|chadwalaỽdyr. a|ỻawer
o verchet. Yn|y vlỽydyn hon+
no y magỽyt teruysc y·rỽg
morgan a|maredud meiby+
on kadỽgaỽn uab bledyn.
Ac yn|y teruysc hỽnnỽ y ỻad+
aỽd morgan a|e laỽ e|hunan
varedud y vraỽt. Y vlỽydyn
rac·wyneb yd ymchoelaỽd
henri vrenhin o normandi.
gỽedy hedychu y·rygthaỽ
a|r neb y|buassei teruysc kyn+
no hynny. Y vlỽydyn rac·wy+
neb y gỽrthladỽyt grufud
uab rys o|r gyfran o dir a
rodassei y brenhin idaỽ. we+
dy y guhudaỽ yn wirion heb
y haedu o·honaỽ o|r freingk
a oedynt yn kytbressỽylaỽ
ac ef. Yn diwed y vlỽydyn

536

honno y bu uarỽ daniel uab
sulyen escob mynyỽ. y gỽr oed
gymodredwr y·rỽg gỽyned a
phowys yn|y teruysc a vei y+
rygthunt. ac nyt oed neb a|aỻei
gaffel bei nac agclot arnaỽ. ka+
nys tagnefedus oed a charedic
gan baỽp. ac archdiagon pow+
ys oed. Y vlỽydyn racwyneb
y bu varỽ grufud uab bledyn.
Ac yna y delit ỻywelyn uab
owein y|gan varedud uab ble+
dyn y ewythyr vraỽt y hendat.
a hỽnnỽ a|e rodes yn ỻaỽ baen
uab Jeuan. y gỽr a|e hanuones
ef y|ngharchar hyt yg|kasteỻ
bruch. Yn diwed y vlỽydyn hon+
no y bu uarỽ morgan uab ka+
dỽgaỽn yn cipris. yn ymchoe+
lut o gaerussalem gỽedy my+
net ohonaỽ a chroes y gaerus+
salem. o achaỽs ry lad o·honaỽ
kynno hynny varedud y vra+
ỽt. Y vlỽydyn gỽedy hynny y
gỽrthladỽyt maredud uab ỻy+
warch o|e wlat. Y gỽr a ladaỽd
mab meuric y gefynderỽ. ac
a|dalyaỽd meibyon griffri y
deu gefynderỽ ereiỻ. A Jeuaf
uab owein a|e gỽrthladaỽd
ynteu. ac yn|y diwed a|e ỻadaỽd.
Y vlỽydyn rac·wyneb y ỻas
Jorwerth uab ỻywarch y
gan lywelyn uab owein ym
powys. Ychydic wedy hynny