NLW MS. Peniarth 4 (The White Book of Rhydderch, part 2) – page 14r
Yr ail gainc
14r
53
am ẏch kennadỽri chỽi. O hẏn hẏt
ban del amgen nẏ cheffỽch ẏ gen ̷ ̷+
hẏf i attep. Je heb ỽẏnteu ẏr atteb
goreu a gaffom ninheu attat ti ẏ
doỽn ac ef ac aro ditheu ẏn ken ̷ ̷+
nadỽri ninheu. arhoaf heb ef o do ̷ ̷+
ỽch ẏn ehegẏr. Y kennadeu a|gẏrch ̷ ̷+
ẏssant racdu ac at uatholỽch ẏ doe ̷+
thant. arglỽẏd heb ỽẏ kẏỽeira at ̷+
tep a|uo gỽell at uendigeidỽran.
nẏ ỽarandaỽei dim o|r attep a aeth
ẏ genhẏm ni attaỽ ef. a|ỽẏr heb+
ẏ|matholỽch mae ẏch kẏnghor chỽi.
arglỽẏd heb ỽẏ nẏt oes
it gẏnghor namẏn un.
ni enghis ef ẏ mẏỽn tẏ eirẏoet
heb ỽy. gỽna tẏ heb ỽẏ o|ẏ anrẏ ̷+
ded ef ẏ|ganho ef a gỽẏr ẏnẏs ẏ
kedẏrn ẏn ẏ neill parth ẏ|r tẏ. a|thi ̷+
theu a|th lu ẏn ẏ parth arall. a do ̷+
ro dẏ urenhinaeth ẏn|ẏ eỽẏllus
a gỽra idaỽ. ac o enrẏded gỽneu ̷ ̷+
thur ẏ tẏ heb ỽẏ peth nẏ chauas
eirẏoet tẏ ẏ ganhei ẏndaỽ. ef a
tangnoueda a|thi. a|r kennadeu a
doethant a|r gennadỽri honno gan ̷ ̷+
tunt at uendigeiduran. ac ẏnteu
a gẏmerth gẏnghor. Sef a gauas
ẏn|ẏ gẏnghor kẏmrẏt hẏnnẏ.
a|thrỽẏ gẏnghor branuen uu hẏ ̷ ̷+
nnẏ oll. ac rac llẏgru ẏ|ỽlat oed
genti hitheu hẏnnẏ. E tangneued
a gẏỽeirỽẏt a|r tẏ a|adeilỽẏt ẏn
uaỽr ac ẏn braf. ac ẏstrẏỽ a|ỽna ̷ ̷+
eth ẏ|gỽẏdẏl. sef ẏstrẏỽ a|ỽnaet ̷ ̷+
hant. dodi guanas o bop parth
54
ẏ bop colouẏn o cant colouẏn oed
ẏn|ẏ tẏ. a|dodi bolẏ croẏn ar bop ̷ ̷
guanas a gỽr aruaỽc ẏm pob vn
o·honunt. Sef a|ỽnaeth efnẏssẏen
dẏuot ẏmlaen llu ẏnẏs ẏ kedẏ ̷ ̷+
rn ẏ mẏỽn ac edrẏch golẏgon or+
ỽẏllt antrugaraỽc ar hẏt ẏ tẏ.
ac arganuot ẏ bolẏeu crỽẏn a|ỽna+
eth ar hẏt ẏ pẏst. beth ẏssẏd ẏn|ẏ
bolẏ hỽnn heb ef ỽrth un o|r guẏ ̷ ̷+
dẏl. blaỽt eneit heb ef. Sef a ỽ ̷ ̷+
naeth ẏnteu ẏ deimlaỽ hẏt ban
gauas ẏ benn. a guascu ẏ benn.
ẏnẏ glẏỽ ẏ uẏssed ẏn ẏmanodi
ẏn|ẏ ureichell drỽẏ ẏr ascỽrn. ac
adaỽ hỽnnỽ a|dodi
ẏ laỽ ar un arall a gou ̷ ̷+
ẏn beth ẏssẏd ẏma. blaỽt medei
ẏ gỽẏdel. Sef a ỽnai ẏnteu ẏr
un guare a faỽb ohonunt. hẏt
nat edeỽis ef ỽr bẏỽ o|r hollỽẏr
o|r deu cannỽr eithẏr un. a dẏuot
at hỽnnỽ a|gouẏn beth ẏssẏd ẏ ̷+
ma. blaỽt eneit heb ẏ gỽẏdel.
Sef a ỽnaeth ẏnteu ẏ deimlaỽ
ef ẏnẏ gauas ẏ benn ac ual ẏ
guascassei benneu ẏ rei ereill
guascu penn hỽnnỽ. sef ẏ|clẏỽei
arueu am benn hỽnnỽ. nẏt ẏm+
edeỽis ef a|hỽnnỽ ẏnẏ ladaỽd.
ac ẏna canu englẏn. Yssit ẏn|ẏ
bolẏ hỽnn amrẏỽ ulaỽt keimeit
kẏnniuẏeit diskẏnneit ẏn trin
rac kẏdỽẏr cad baraỽt. ac ar
hẏnnẏ ẏ dothẏỽ ẏ niueroed
ẏ|r tẏ. ac ẏ doeth gỽẏr ẏnẏs iỽer+
| « p 13v | p 14v » |