Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 71v

Ystoria Carolo Magno: Chronicl Turpin

71v

53

dant y|vfern. Ac velly y|mae
amlỽc ragor an dedyf ni rac
yr einỽch chỽi. A chanyt edeỽ
edỽeinỽch chỽi creawdyr pob
peth. ac ny mynnỽch y adna  ̷+
bot ny dylyỽch|ithev na|thref+
tat. na dim nac yn|y nef nac
yn|y dayar. namyn ych|rann.
a|ch medyant yssyd ygyt a|di  ̷+
aỽl ac ygyt a mahumet ych
duỽ. Ac ỽrth hynny kymer
vedyd a|thi a|th genedyl a|byd
vyỽ. ae tithev ymlad y|m her  ̷+
byn a byd varỽ. Poet pell imi
kymryt bedyd heb·yr aigolant
ac ymdiwat a mahumet vyn
duỽ. i. holl·gyfuoethaỽc. namyn
ymlad a|thi. ac a|th genedyl.
adan yr amot hỽnn. Os gỽell
yn dedyf ni gann duỽ no|r ein+
ỽch chỽi. goruot ohonam ni. ar+
naỽch. Os einỽch chỽithev ysyd
orev. goruot ohonaỽch chỽith  ̷ ̷+
ev arnam nyhhev*. a bit yn wa  ̷+
radỽyd hyt y|dyd diỽethaf y|r
neb y|gorffer arnaỽ. ac yn gl  ̷ ̷+
ot tragyỽyd y|r|neb a orffo. Ac
yn|y·hỽanec y hynny os ar vy+
g|kenedyl. i. y|goruydir o diag+
haf vi yn vyỽ mi a|gymeraf
vedyd. A|hynny a|ganhadỽyt
o|bop parth. ac yn diannot yd
etholet vgein marchaỽc crista+
ỽn yn erbyn vgein o|r saraci  ̷+
nyeit. a|dechreu ymlad gann yr
amot hỽnnỽ y|mlas y vrỽdyr*

54

ac yn|y lle y llas y saracineit.
Odyna yd anuonet deugein
yn erbyn deugein. ac y llas
y saracinnyeit. Odyna yd
anuonet cant yn erbyn cant.
y|foes y cristonogyon drache+
uen. ac y|llas llaỽer ỽrth fo
onadunt. ac ofynhav y|ma+
ra rỽ. hynny a arỽydoccaei
pỽy bynnac a ymlado dros
fyd grist. na dyly yr neb ryỽ
berigyl ymhoelut drachefyn.
Ac val y llas y rei hynny o ym+
hoelut tracheuen velly y|byd
marỽ yn dybryt yn eu pecha  ̷+
ỽt y|cristonogyon a|ymhoelo
idaỽ. Os ỽyntev a|ym·ladant
yn|ỽraỽl. ỽyntev a|oruydant ar
eu gelyon. nyt amgen y dieuyl
a|ennyc y pechaỽt. ny cheiff co  ̷ ̷+
ron med yr ebostol nyt ymlad+
ho yn deduaỽl. Odyna yd an+
uonet deu·cant yn erbyn deu+
cant. ac y llas y saracinnyeit
oll. Odyna yd anu·onet mil
yn erbyn mil. ac y llas y sara+
cinnyeit oll. Ac yna ỽedy ym+
gyghreiraỽ o bop parth y doeth
aigoland at charlys y gyfa+
def bot yn ỽedyf ỽell dedyf y
cristonogyon noc vn y saraci+
nyeit. Ac odyna yd ymhoeles
ar|y genedyl e|hun. ac y|dyỽat
ỽrth y brenhined a|r tyỽysso  ̷+
gyon y|mynhei ef gymryt
bedyd. a gorchymyn y|baỽp o+