Breudwd Welsh Prose 1300-1425
Cymraeg

NLW MS. Peniarth 19 – page 123v

Brut y Tywysogion

123v

539

a chasteỻ aber ystỽyth. ac y
ỻosgassant. ac ygyt a howel
uab maredud. a madaỽc uab
Jtnerth. a deu uab howel. nyt
amgen maredud a rys a losgas+
sant gasteỻ Rickart dy lamar.
a chasteỻ dinnerth. a chasteỻ
kaer wedros. Ac odyna yd ym+
choelassant adref. Yn|diwed y
vlỽydyn honno y doethant eil+
weith y geredigyaỽn. ac ygyt ac
ỽynt amylder lu o etholedigy+
on ymladwyr. ual yn amgylch
chwe|mil o bedyt aduỽyn. a
dỽy vil o varchogyon ỻuryga+
ỽc. ac yn borth udunt y doeth
grufud uab rys. a howel uab
maredud o vrecheinyaỽc. a ma+
daỽc uab Jtnerth. a deu uab
howel uab maredud. A|r rei hynny
oỻ yn gyfun. a|gyweiryassant
eu|bydinoed y aber dyui. Ac yn
eu herbyn y doeth ystefyn gỽnsta+
byl. a robert uab martin. a mei+
byon geralt ystiwart. a|r hoỻ
flemhyssyeit. a|r hoỻ uarchogy+
on. a|r hoỻ freingk o aber ned
hyt yn aber dyui. A gỽedy kyr+
chu y vrỽydyr a dechreu ymlad
yn|greulaỽn o bop tu. y kymerth
y flemhyssyeit a|r normanyeit
eu fo herỽyd eu harueredic de+
uaỽt. A gỽedy ỻad rei ohonunt
a ỻosgi ereiỻ. a thrychu traet
meirch ereiỻ. a dỽyn ereiỻ yng

540

keithiwet. A bodi y rann vỽyaf o+
honunt. megys ynvydyon ar yr
auon. gỽedy coỻi amgylch teir
mil o|e gỽyr. yn drist ac yn aflaw+
en yd ymchoelassant y eu gỽlat.
A|gỽedy hynny yd ymchoelaỽd
owein a chadwalaỽdyr y eu gỽlat
yn hyfryt lawen gỽedy caffel y
vudugolyaeth. a chael diruaỽr
anreith o geith ac anreitheu
a gỽisgoed maỽrweirthyaỽc ac
arueu. Y vlỽydyn y bu uarỽ
grufud uab rys. ỻeuuer a che+
dernyt ac aduỽynder y deheu+
wyr. Y vlỽydyn honno y bu ua+
rỽ grufud uab kynan. brenhin
a phennadur a|thywyssaỽc ac am+
diffynnwr a hedychwr hoỻ gym+
ry. gỽedy ỻiaỽs berigleu mor
a|thir. Gỽedy an·eiryf anreitheu
a budugolyaetheu ryueloed.
Gỽedy goludoed eur ac aryant
a gỽisgoed maỽrweirth·yaỽc.
Gỽedy kynuỻaỽ y wyned y bri+
aỽt wlat e|hun y rei a|daroed
eu gỽasgaru kynno hynny y
amryuaelyon wladoed y gan
normanyeit. Gỽedy adeilyat
ỻawer o eglỽysseu yn|y amser
a|e kyssegru y|duỽ. Gỽedy gỽis+
gaỽ ymdanaỽ abit mynach. a
chymryt kymyn corf crist ac
oleỽ ac agenn. Yn|y vlỽydyn
honno y bu uarỽ Jeuan archof+
feiryat ỻan badarn y gỽr oed