Oxford Jesus College MS. 111 (The Red Book of Hergest) – page 131r
Saith Doethion Rhufain
131r
540
arch gỽeỻ y|r amheraỽdyr ac ymgyn+
nic yn|wyr idaỽ. Pa|wassanaeth
neu|pa|geluydyt a|wdaỽch chỽi.
pan|gymerỽyf|i chỽi yn wyr ym.
Ni a wdam heb ỽynt a|uo eur ac
aryant kudyedic y|th teyrnas.
a ni a|barỽn itt y gael o gỽbyl.
Eỽch chỽi heno gỽedy aỽch bỽyt
tu a|ch|ỻety. ac edrychỽch erbyn
auory a|vo eur kudyedic y|m|kyuo+
eth. ac o|r|byd menegỽch ym. ac
o chaffaf hynny yn wir. mi a|ch|ky+
meraf yn|anwyleit ym. Ac yme+
ith yd|aethant y ỻetty. A thrano+
eth y deuth y mab ieuaf hyt rac
bron yr amheraỽdyr. a dywedut
ry|gael ohonaỽ ef ar y|dewindaba+
eth bot barileit o eur yn ymyl
porth y|dinas yghud. Ac yna
yn|diannot y peris yr amheraỽdyr
uynet y geissaỽ hỽnnỽ. A gỽedy
y gael a|e|dỽyn idaỽ y kymerth
y gỽas yn anwyl idaỽ. A thran+
noeth y deuth y mab araỻ. a|dyỽ+
edut ry|gael ohonaỽ ef ar y vre+
udỽyt bot barileit o|eur yghud
yn|y porth araỻ y|r dinas. A|gỽ+
edy proui hynny a|e gael yn|wir.
credadỽy uu y gỽeisson. a hoff
gantaỽ o hynny aỻan. A|e kym+
ryt yn anwyleit idaỽ. Ac wyn+
teu yna a|dywedassant bot o eur
y·dan y golofyn. a|waredei y
deyrnas yn|dragywyd. ac yna
y dywaỽt senedwyr rufein.
o diwreidit y golofyn na bydei
gyn|gydarnet ruuein o hynny
aỻan. a chynt. Ac ny adaỽd chỽ+
ant eur ac aryant y|r amheraỽdyr
uot ỽrth gyghor y|gỽyr hynny.
Diwreidwyt y golofyn. a|hyn+
ny a tyrr y drych. a drỽc yd|a+
eth ar senedwyr ruuein hyn+
ny. Ac yn gyflym dyuot am
y benn a|e dala a|e rỽymaỽ a
chymeỻ arnaỽ yuet eur brỽt.
541
gan|dywedut ỽrthaỽ ual hynn. Eur
a whennycheist. eur a uynny. Veỻy
ny at dy|chwant ditheu y warandaỽ
doethon rufein. y rei yssyd y|th di+
hiryaỽ ac eureit barableu y gredu
uyg kyghoreu. i. am dihenydyaỽ dy
uab. yny wnelont dy agheu a|th|da+
doet yn dybryt. Myn|uyg|kret heb
ef ny byd byỽ eithyr hyt auory.
A thrannoeth y bore kyntaf peth
a|wnaeth ef erchi dihenydyaỽ y mab.
Ac yna y kyfodes kato hen gỽr kym+
hendoeth. a|dywedut ual hynn.
Arglỽyd amheraỽdyr. Nyt yn ol ym+
adrodyon ffalst kelwydaỽc a|glyỽho
dy glusteu y dyly uarnu. namyn
trỽy anmyned. a|cheissaỽ gỽirioned
y uarnu gỽir y·rỽng hen a ieuanc.
a chy|aghywiret vyd dy wreic itti.
yr honn yd|wyt yn|y charu ac yn|y
chredu. ac y bu wreic i|sirif o lesodo+
nia. Kato hen heb yr|amherawdyr pa wed
uu hynny. ỻyma vy ffyd na|s mana+
gaf ony rody dy|gret na|dihenydyer
y mab hediỽ. Na|dihenydyir myn uyg
cret heb|ef. ỻyma y chwedyl heb ef. ~
Y d oed gynt gỽas ieuanc o ruuein
yn syryf o lesodonia. a|diwarna+
ỽt. a|diwarnawt yd oed yn adu* pa+
ladyr. a|e wreic yn kytkam ac ef. ac ef
yn gỽare a hi. ac yn hynny ef a gyf+
aruu blaen y gyỻeỻ ef a|e ỻaỽ hi yny
doeth y gỽaet. a chyndrỽc yd aeth ar+
naỽ ef hynny. a|e vrathu e|hun a|wna+
eth y·dan y vron a|e|gyỻeỻ yny dygỽyd
yn varỽ y|r ỻaỽr. A gỽedy gỽneuthur
y gyweirdeb a|e wassanaeth yn|y ỻys.
ef a|ducpỽyt tu a|r ỻan y gladu. a ryfed
nat oed yssic penneu y|byssed rac ffes+
det y maedei y dỽylaỽ ygyt yn kỽynaỽ
y|gỽr. Vch oed bop|ỻef a|diaspedei noc
a oed o gorn a chloch dros wyneb yr
hoỻ dinas. A gỽedy cladu y gỽr a|chi+
lyaỽ paỽb o|r eglỽys. Y mam a|erchis
y|r unbennes dyuot gyt a|hi atref. Hi+
theu a tygaỽd y|r gỽr a|oed uch penn
| « p 130v | p 131v » |