NLW MS. Peniarth 19 – page 125r
Brut y Tywysogion
125r
545
yn|dyuot mor deissyfyt a hyn+
ny. gyrru caỻon yn|y gwyr
a|oruc a|e hannoc y ymlad. a|bot
yn|drech ganthaỽ y vryt no|e
oet. kanys kyt bei bychan y
oet. Eissyoes yd oed ganthaỽ
weithret marchaỽc. ac mal
angkrynedic dywyssaỽc yn
annoc y wyr y ymlad. ac yn
kyrchu y|elynyon yn arueu.
A|phan|weles y elynyon bycha+
net y niuer a oed yn amdiffyn
y|casteỻ o|e vyỽn. drychafel ys+
golyon ỽrth y muroed a|w+
naethant. ac ynteu a|odefaỽd
y|elynyon y ysgynnu tu a|r
bylcheu. ac yn|dilesc ef a|e wyr
a ymchoelassant yr yscolyon
yny syrthyassant y gelynyon
yn|y claỽd gan yrru fo ar y rei
ereiỻ. ac adaỽ ỻiaỽs o·honunt
yn veirỽ. a|r hyn a dangosses
idaỽ y detwyd dyghetuen rac
ỻaỽ ar|gaffel daỽn o·honaỽ ar
wledychu yn|y deheu. kanys
goruu ac ef ar lawer o wyr pro+
uedic yn ymladeu. ac|ynteu ac
ychydic o nerth gyt ac ef. Yn
diwed y vlỽydyn honno y bu
uarỽ run uab owein yn was
Jeuangk clotuorussaf o gene+
dyl y brytanyeit. yr hỽnn a
vagyssei voned y rieni yn arder+
chaỽc. kanys tec oed o furyf a
drych. a hynaỽs o ymadrodyon
546
A huaỽdyl ỽrth baỽp. Racwelaỽ+
dyr yn rodyon. vuyd ymplith
y dylwyth. Balch ymplith y*
estronyon. Terwyn a garỽ
ỽrth y elynyon. Digrif ỽrth
y gyueiỻyon. Hir y|dyat. Gỽynn
y liỽ. Pengrych melyn y waỻt.
hir y wyneb. Goleissyon y
lygeit ỻydanyon a ỻaweny+
on. Mynỽgyl hir praff. Dỽy+
vronn lydan. ystlys hir. Mor+
dỽydyd praffyon. Esgeired
hiryon. ac ody vch y draet yn
veinyon. Traet hiryon. a bys+
sed vnyaỽn oed idaỽ. A phan
doeth chwedyl y irat agheu
ef att y dat owein. ef a|godet ac
a|dristawyt yn gymeint ac
na aỻei dim y hyfrytau ef
na thegỽch teyrnas na digrif+
ỽch. na chlaear didanỽch gỽyr+
da. nac edrychedigaeth maỽr+
weirthogyon betheu namyn
duỽ racwelaỽdyr pop peth a
drugarhaaỽd o|e arueredic de+
uaỽt ỽrth genedyl y brytany+
eit rac y choỻi megys ỻog
heb lywyaỽdyr arnei. ac a
gedwis udunt owein yn dyw+
yssaỽc arnadunt. kanys kyt
kyrchassei andiodefedic dristit
vedỽl y tywyssaỽc. Eissyoes
ef a|e drychafaỽd deissefyt leỽ+
enyd drỽy racweledigaeth duỽ
kanys yd|oed nebun gasteỻ
| « p 124v | p 125v » |