Philadelphia MS. 8680 – page 34r
Brut y Brenhinoedd
34r
53
A Gỽedy geỻỽng ỻawer o
greu a gỽaet o bop parth.
o|r|diỽed y brytanyeit a|oruu+
ant gan lad rigỽlff a ỻaỽer
o|wyr ygyt ac ef. A|gỽedy
caffel o|r|brytanyeit y|uudu+
golyaeth. kyrchu y|dinasso+
ed a|orugant ac eu ỻosgi. a
gỽasgaru eu pobloed. Ac ny
orffowyssassant hyt pan daruu
udunt goresgyn hoỻ lychlyn
a denmarc. A|gỽedy daruot ˄hyny
ef a urdaỽd ỻeu uab kynuar
yn urenhin yn|ỻychlyn. ac
odyna yd|hỽylaỽd arthur
a|e lyghes hyt yn ffreinc.
A|gỽedy kyweiraỽ eu toruo+
oed dechreu anreithaỽ y|w+
lat o bop parth a|orugant.
Ac yn|yr amser hỽnnỽ yd
oed ffroỻo yn tywyssaỽc yn
ffreinc y dan les amheraỽdyr
ruvein yn ỻywyaỽ. A gỽedy
clybot o ffroỻo dyuodedigaeth
arthur. ef a|gynnuỻaỽd hoỻ
uarchogyon ffreinc. ac a|de+
54
uth y ymlad ac arthur.
ac ny aỻwys gỽrthỽynebu
idaỽ. Kanys gyt ac arthur
yd|oed hoỻ ieuenctit yr
ynyssed a|oresgynnassei.
Ac ỽrth hynny kymeint
o lu a|dywedit y uot gan+
taỽ. ac yd|oed anaỽd y un
tywyssaỽc. neu y neb y
erbynyaỽ. na goruot ar+
naỽ. Ac ygyt ac ef heuyt
yd|oed y rann oreu o ffre+
inc. Yr honn a|ry|wnatho+
ed y haelder yn rỽyme+
dic o|e garyat ynteu.
A|gỽedy gỽelet o ffroỻo
y|dygỽydaỽ ef yn yr rann
waethaf o|r ymlad. Yn|y
ỻe adaỽ y maes a|oruc y+
gyt ac ychydic o niuer
a ffo hyt ym|paris. ac y+
no kynnuỻaỽ y wasga+
redic bobyl attaỽ. a cha+
darnhau y gaer. a myn+
nu elchỽyl ymlad yn
erbyn arthur o ganhor+
| « p 33v | p 34v » |