Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 14r

Brut y Brenhinoedd

14r

53

1
deiỻa. Anuon kenadeu a|ỽnaeth o|e herchi
2
yn wreic idaỽ. a dyỽedut ỽrth y that y gena+
3
dỽri. ac ynteu a|dyỽaỽt y|rodei y verch idaỽ
4
ef heb argyfreu genti. kan daroed idaỽ ro+
5
di y gyuoeth a|e eur a|e aryant y|dỽy ver+
6
chet ereiỻ. a|phan|gigleu aganipus tec+
7
ket y vorỽyn. kyflaỽn vu o|e charyat. a
8
dyedut* a|wnaeth bot idaỽ ef digaỽn o eur
9
ac aryant. ac nat oed reit idaỽ ef ỽrth dim
10
namyn gỽreic delediỽ dylyedaỽc y kaffei
11
blant ohanei yn etiued a˄r y kyuoeth.
12
ac yn diannot y kadarnhaỽyt y briodas
13
A c ympen yspeit yg [ yrygtunt.
14
kylch diỽed oes lyr y goresgynnỽys
15
y dofyon y ran o|r kyuoeth a|gan+
16
halassei ef yn ỽraỽl drỽy hir o amser. ac y
17
rannassant yrygtunt yn deu hanner. ac
18
o gymodloned y kymerth maglaỽn tyỽ+
19
yssaỽc yr alban lyr attaỽ a deugein mar+
20
chaỽc y·gyt ac ef. rac bot yn geỽilid gan+
21
taỽ bot heb varchogyon yn|y|osgord. a
22
gỽedy bot ỻyr yn|y wed honno gyt a ma+
23
glaỽn. blyghau a|oruc cordeiỻa rac me+
24
int oed o varchogyon gyt a|e that. ac rac
25
eu gỽasanaethỽyr ỽynteu yn|teruysgu
26
y ỻys. a dyỽedut a|ỽnaeth ỽrth y gỽr bot
27
yn|digaỽn deg marchaỽc ar|hugeint gyt
28
a|e|that. a geỻỽg y rei ereiỻ ymdeith.
29
a gỽedy dyỽedut hynny ỽrth lyr. ỻidiaỽ
30
a|oruc. ac ymadaỽ a maglaỽn a|mynet hyt
31
at Jarỻ kernyỽ y daỽ y ỻaỻ. a|e erbyny+
32
eit o hỽnnỽ yn anrydedus. ac ny bu benn
33
y vlỽydyn yny|daruu teruysc y·rwg eu gỽ+
34
asanaethwyr. ac ỽrth hynny y sorres ra+
35
gua y verch vrthaỽ. ac erchi idaỽ eỻỽg
36
y varchogyon y|ỽrthaỽ eithyr pump mar+
37
chaỽc a|e gỽasanaethei. a|thristaỽ a|ỽna+
38
eth ỻyr yna yn vaỽr. a chychỽyn odyna
39
elchỽyl hyt at y verch yr hynaf idaỽ o
40
dybygu trugarhau ohonaei ỽrthaỽ o|e
41
gynnal a|e varchogyon ygyt ac ef. Sef
42
a|ỽnaeth hitheu drỽy y ỻit tygu y gyuoeth+
43
eu nef a|dayar. na|chaffei o·hir ony eỻyg+
44
ei y|hoỻ varchogyon y ỽrthaỽ eithyr
45
vn y·gyt ac ef a|e gỽasanaethei. a|dye*+
46
dut nat oed reit y wr kyuoet ac euo vn

54

1
lluossogrỽyd ygyt ac ef. na theulu na+
2
myn vn gỽr a|e goassanaethei. a gỽedy na
3
chaffei dim o|r a|geissei gan y verchet eỻỽg
4
y varchogyon a|ỽnaeth eithir vn y·gyt
5
ac ef. a gỽedy bot veỻy rynaỽd dỽyn
6
ar gof a|oruc y gyuoeth a|e deilygdaỽt a|e
7
anrydet a|e vedyant a|thristau yn vaỽr.
8
a medylyaỽ gofỽy y verch a|athoed y
9
freinc idaỽ. ac ovynhau hynny heuyt
10
a|ỽnaeth rac mor digaryat y geỻygas+
11
sei ef hi y ỽrthaỽ. ac eissoes ny aỻỽys
12
diodef y dianrydedu mal y daroed. a chy+
13
chỽ·yn tu a|ffreinc a|ỽnaeth. a|phan yto+
14
ed yn|mynet y|r ỻog ac na|ỽelei neb y·gyt
15
ac ef namyn ar y|drydyd. gan ỽylaỽ y  ̷
16
dyỽaỽt yr ymadraỽd hỽnn. ae chỽichỽi
17
tyghetuenneu pa le y kerdỽch chỽi dros
18
aỽch gnotaedic hynt. Pa achaỽs y ky  ̷+
19
ffroassaỽch chỽi vivi eiryoet y|ar vyg  ̷ ̷
20
gỽastat detwydyt. Kanys mỽy boen
21
yỽ koffau kyuoeth gỽedy coỻer. no
22
chyt diodef achenoctit heb ordyfneit
23
kyuoeth kyn no hynny. Mỽy boen yỽ
24
genyf i. yr|aỽr·hon goffav uyg|kyuoeth
25
a|m anryded yn|yr amser hỽnnỽ yn yr  ̷
26
hỽn yd|oed y saỽl gan mil o|varchogyon
27
y|m damgylchynu yn kerdet y·gyt a
28
mi. Pan vydỽn yn ymlad a|r kestyỻ ac
29
a|r|dinassoed. ac yn anreithaỽ kyvoeth
30
vyg|gelynyon. no diodef y poen a|r ache  ̷+
31
noctit a|ỽnaeth y gỽyr hynn y mi. y rei
32
a|uydynt yna dan vyn traen. Och vi
33
a|dỽyweu nef a|dayar pa|bryt y daỽ yr am+
34
ser y gaỻỽyf y talu elchỽyl yn|y gỽrthỽ+
35
yneb y|r gỽyr hynn. Och cordeiỻa vyg
36
karedic verch mor wir yỽ dy ymadraỽd
37
teu di. Pan dyỽedeist panyỽ val y|bei
38
vyg|gaỻu. a|m medyant. a|m kyuoeth.
39
a|m Jeuegtit panyỽ veỻy y karut ti vyui.
40
ac ỽrth hynny tra|vu vyg|kyuoeth. i. yn
41
gaỻu rodi rodyon paỽb a|m karei. ac
42
nyt mi a|gerynt namyn vy rodyon
43
a|m deuodeu a|m donyeu. ac ỽrth hynny
44
pan gilyỽys y|rodyon y foes y karyat.
45
ac ỽrth hynny pa ffuruf y|gaỻaf rac|ke+
46
ỽilyd adolỽyn nerth na|chanhorthỽy y