Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 135r

Breuddwyd Rhonabwy

135r

556

ac y doeth ronabỽy a chynnwric
vrychgoch gỽr o vaỽdỽy. a chadỽ+
gaỽn vras gỽr o voelure yg|kyn+
ỻeith y ty heilyngoch uab kadỽ+
gaỽn uab idon yn ran. A phan
doethant parth a|r ty. Sef y gỽel+
ynt hen neuad purdu tal unyaỽn.
a mỽc ohonei digaỽn y ueint. A
phan|doethant y myỽn y gỽelynt
laỽr pyllaỽc an·wastat. yn|y|ỻe y
bei vrynn arnaỽ. abreid y glynei
dyn arnaỽ rac ỻyfnet y|ỻaỽr gan
vissỽeil gỽarthec a|e trỽnc. yn|y ỻe
y bei bỽỻ dros vynỽgyl y troet y+
d|aei y|dyn gan gymysc dỽfyr a
thrỽnc y gỽarthec. a gỽrysc ke+
lyn yn amyl ar y|ỻaỽr. gỽedy ry
yssu o|r gỽarthec eu bric. A|phan
deuthant y kynted y ty y gỽelynt
partheu ỻychlyt goletlỽm. a
gỽrwrach* yn ryuelu ar y neiỻparth.
a|phan|de·elei annỽyt arnei y by+
ryei arffedeit o|r us am|penn y
tan hyt nat oed haỽd y dyn o|r
byt diodef y mỽc hỽnnỽ yn my+
net y myỽn y|dỽy ffroen. ac ar y
parth araỻ y|gỽelynt croen dinaỽ+
et melyn ar y parth. a blaenbren
oed gan vn onadunt a gaffei vy+
net ar y|croen hỽnnỽ. a|gỽedy
eu heisted gofyn a|orugant y|r|wrach
pa|du yd|oed dynyon y ty. ac ny
dywedei y wrach ỽrthunt namyn
gỽrthgloched. ac ar hynny nach+
af y dynyon yn dyuot. gỽr coch
goaruoel gogrispin. a|beich gỽ+
rysc ar y|gefyn. a|gỽreic veinlas
vechan. a chesseilỽrn genti hithev.
a glasressaỽu a|wnaethant ar y
gỽyr. a|chynneu tan gỽrysc udunt
a mynet y pobi a|oruc y wreic. a
dỽyn y bỽyt udunt. bara heid a
chaỽs a|glastỽfyr ỻefrith. ac ar
hynny nachaf dygyuor o wynt
a glaỽ hyt nat oed haỽd y neb
vynet y|r aghenedyl. ac rac an+

557

nesmỽythet gantunt eu kerdet
dyffygyaỽ a|orugant a mynet y
gysgu. A phan edrychỽyt y dyle
nyt oed arnei namyn byrweỻt dys+
dlyt chỽeinỻyt. a boneu gỽrysc
yn amyl trỽydaỽ. a gỽedy ry ussu
o|r dinewyt y meint gỽeỻt a oed
uch eu penneu ac is eu|traet ar+
nei. Breckan lỽytkoch galetlom
toỻ a dannỽyt arnei. a ỻenỻiein
vrastoỻ trychwanaỽc ar|uchaf y
vreckan. a gobennyd ỻetwac. a|thu+
det govudyr idaỽ ar warthaf y ỻen+
ỻiein. ac y gyscu yd|aethant. a
chyscu a disgynnỽys ar deu gedym+
deith ronabỽy yn trỽm. gỽedy y
goualu o|r chwein a|r an·nesmỽyth+
der. A ronabỽy hyt na aỻei na
chyscu na|gorffowys. medylyaỽ
a|oruc bot yn|ỻei boen idaỽ mynet
ar|groen y|dinawet melyn y|r parth
y gysgu. Ac yno y kysgỽys. Ac
yn|gytneit ac y daeth hun yn|y ly+
geit y rodet drych idaỽ y vot ef a|e
gedymdeithon yn kerdet ar traỽs
maes. argygroec a|e ohen a|e vryt
a|debygei y uot parth a ryt y groes
ar|hafren. Ac val yd|oed yn kerdet
y clywei tỽryf. a chynhebrỽyd y|r
tỽryf hỽnnỽ ny|s ry|glyỽssei eiryo+
et. Ac edrych a|oruc   dra|e ge+
fyn. Sef y gỽelei gỽraenc penn+
grych melyn. a|e varyf yn newyd
eiỻaỽ y ar varch melyn. Ac o penn
y|dỽygoes a|thal y deulin y waeret
yn las. a pheis o bali melyn am
y marchaỽc. wedy ry|wniaỽ ac
adaued glas. a chledyf eurdỽrn
ar|y   glun. a|gỽein o|gordwal
newyd idaỽ. A charrei o|ledyr ew+
ic. A|gỽaec erni o eur. Ac ar war+
thaf hynny ỻenn o pali melyn
wedy ry wniaỽ a|sidan glas. a go+
dreon y ỻenn las ac a|oed las o
wisc y marchaỽc a|e uarch a|oed
kyn|lasset a|oed kyn|lasset a deil y