Breudwd Welsh Prose 1300-1425
Cymraeg

NLW MS. Peniarth 19 – page 128r

Brut y Tywysogion

128r

557

Jorwerth uab owein vraỽt morgan
dir kaer ỻion a hoỻ gyuoeth ow+
ein. A gỽedy gỽneuthur hedỽch
o holl tywyssogyon kymry a|r
brenhin. Rys uab grufud e|hun+
an a|darparaỽd ryuelu ac ef.
A duunaỽ a|wnaeth hoỻ deheu+
barth a|e hoỻ annwyleit a|e
hoỻ da ganthunt hyt yg|koedyd
ystrat tywi. A phan|gigleu y
brenhin anuon a|oruc att rys.
y venegi idaỽ vot yn gronoach*
idaỽ vynet y lys y brenhin no
dỽyn ỻoegyr a chymry a freingk
am y benn. ac nat oed neb dyei+
thyr ynteu e|hun yn ymerbyn+
yeit a|r brenhin. A gỽedy mynet
yn|y gyghor ef a|e wyrda. ef a|aeth
y|lys y brenhin. ac yno y gor+
uu arnaỽ o|e anuod hedychu
a|r brenhin dan amot idaỽ gaf+
fel y cantref maỽr. a chantref
araỻ o|r a vynnei y brenhin y
rodi idaỽ yn gyfan heb y wasga+
ru. ac ny chynhelis y brenhin
ac ef hynny. namyn rodi dryll
o|dir yg|kyuoeth pob barỽn o
amryuaelon uarỽnyeit. a chyt
dyallei rys y dỽyỻ honno kym+
ryt a|wnaeth y ranneu hynny
a|e kynnal yn hedychaỽl. Ac
yg|kyfrỽg hynny kyt dyfrys+
syei roser Jarỻ clar mynet y
geredigyaỽn. Eissyoes ny|s|beid+
yei kynn hedychu rys a|r brenhin

558

A gỽedy hynny dyd·gỽeith
kyn kalan meheuin y doeth
y ystrat meuric. A thranno+
eth duỽ kalan meheuin yd
ystoryaỽd y casteỻ hỽnnw
a chasteỻ hỽmffre. a chasteỻ
aber dyui. a chasteỻ dineir. a
chasteỻ ỻan rystut. yng|kyf+
rỽng hynny y duc gwaỻter
cliffort anreith o gyuoeth rys
uab gruffud. ac y ỻadaỽd o|e
wyr y wlat nessaf idaỽ. kanys
ef bioed casteỻ ymdyfri. A
gỽedy daruot hynny yd an+
uones rys gennadeu att y bren+
hin y beri iaỽn idaỽ am hyny.
Ac yna yd ym·choelaỽd teulu
rys. ac y gasteỻ ỻan ymdyfri
y doeth rys attunt. ac y gores+
gynnaỽd y casteỻ. Yna y kyr+
chaỽd einyaỽn uab anaraỽt
braỽt y|r arglỽyd rys Jeuagk
o oet. a|gỽraỽl o nerth. ac am
welet o·honaỽ bot rys y|ewy+
thyr yn ryd o|r amot. ac o bop
ỻỽ o|r a|rodassei y|r brenhin
ac o achaỽs y vot ynteu yn
doluryaỽ kyfarsangedigaeth
y briaỽt genedyl gan dỽyỻ
y gan dryỻ y gelynyon Yna
y kyrchaỽd ynteu am ben casteỻ
hỽmffre. ac y lladaỽd y marcho+
gyon dewraf a|cheitweit y|cas+
teỻ o gỽbyl. ac y duc holl anre+
ith y casteỻ a|e hoỻ yspeil ganthaỽ