Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 137v

Breuddwyd Rhonabwy

137v

566

angerdaỽl. a|thuth e·brỽyd gantaỽ tu a|r ỻe
yd oed arthur yn|gỽare ac owein vchpenn
yr|ỽydbỽyỻ. ac adnabot a|orugant y vot
yn|ỻidiaỽc. A|chyuarch gweỻ eissoes y
owein a|oruc ef. a|dywedut idaỽ ry|daruot
ỻad y brein ar·bennickaf o·nadunt. ac ar
ny las o·nadunt ỽynt a vrathỽyt ac a|vriw+
yt yn|gymeint ac na|digaỽn yr vn o·nadunt
kychỽynnv y hadaned un gỽryt y ỽrth y
dayar. Arglỽyd heb·yr owein gỽahard dy
wyr. Gỽare heb|ef os mynny. Ac yna y
dyỽaỽt owein ỽrth y mackỽy. dos ragot ac
yn y|ỻe y gỽelych y brỽydyr galettaf. dyrchaf
yr ystondard y vynyd. ac a|vynno duỽ derffit.
Ac yna y kerdỽys y mackỽy racdaỽ hyt y
ỻe yd|oed galettaf y vrỽydyr ar y|brein. a|dyr+
chauel yr ystondard. Ac ual y dyrchefit y ky+
uodant ỽynteu y|r aỽyr yn|ỻidiaỽc angerda+
ỽl oraỽenus. y|eỻỽng gỽynt yn eu|hadaned
ac y vỽrỽ y lludet y|arnunt. A gỽedy kaf+
fel eu hangerd. ac eu|budugolyaeth. yn
ỻidyaỽc orawenus yn|gytneit y gostyg+
assant y|r llaỽr am|penn y|gỽyr. a|wnathoe+
dynt lit a|goueileint a choỻet udunt kyn
no hynny. Penneu rei a|dygynt. ỻyge+
it ereiỻ. a|chlusteu ereiỻ. a|breicheu ere+
iỻ. a|e kyuodi y|r awyr a|wneynt. a chyn+
nỽryf maỽr a uu yn|yr awyr gan asgeỻ+
wrych y brein gorawenus ac eu kogor.
a|chynnỽryf maỽr araỻ gan disgyryein
y|gỽyr. yn|eu brathu ac yn eu hanauu
ac yn|ỻad ereiỻ. a|chan aruthret uu
gan arthur. a|chan owein vch benn yr
wydbỽyỻ klybot y kynnỽryf. A|phan|e+
drychant y klywynt marchaỽc ar varch
erchlas yn|dyuot attunt. ỻiỽ enryued a
oed ar|y|uarch yn erchlas. a|r vreich de+
heu idaỽ yn purgoch. oc* o|penn y|goes+
seu hyt y|mynwes y|ewined y|garn yn|purue+
lyn idaỽ. y marchaỽc yn|gyweir a|e
varch o|arueu trymyon estronaỽl. Cỽn+
saỻt y varch o|r gorof vlaen idaỽ y vynyd
yn|syndal purgoch. Ac o|r gorof y|waeret
yn|syndal puruelyn. Cledyf eurdỽrn ma+
ỽr un min ar|glun y|gỽas. a gỽein bur+
las idaỽ newyd a sỽch ar y|wein o|lat+
tỽn yr yspaen. gỽregys y cledyf o gordỽal
ewyrdonic du. a throstreu goreureit arnaỽ.
a|gỽaec o asgỽrn elifant arnaỽ. a ba+

567

laỽc purdu ar y|waec. Helym eureit
ar|penn y marchaỽc. a mein maỽr+
weirthaỽc gỽyrthuaỽr yndi. ac ar
penn yr helym delỽ ỻeỽpart melyn+
rud. a deu vaen rudgochyon yn|y penn.
mal yd|oed aruthur y vilỽr yr kadar+
net vei y gaỻon edrych yn wyneb y
ỻewpart anghwaethach yn wyneb
y milỽr. Gỽaeỻ paladyrlas hirtrỽm
yn|y laỽ. ac o|e|dỽrn y vynyd yn rudgo+
ch. Penn y paladyr gan waet y
brein ac eu pluf. Dyuot a|oruc y
marchaỽc tu a|r|ỻe yd|oed arthur ac
owein vchpenn yr wydbỽyỻ. Ac ad+
nabot a|orugant y uot yn|ỻudedic
lityaỽcvlin yn dyuot attunt. Y ma+
kỽy a|gyuarchaỽd gỽeỻ y arthur ac
a|dywaỽt vot brein owein yn ỻad y
weisson bychein a|e vackỽyeu. Ac e+
drych a|oruc arthurthur ar owein. a
dywedut. gỽahard dy vrein. Arglỽ+
yd heb·yr owein gỽare dy chware.
a gỽare a|ỽnaethant. Ymchoelut a|o+
ruc y marchaỽc drachefyn tu a|r vrỽy+
dyr. ac ny|wahardỽyt y brein mỽy
no|chynt. a phan|yttoedynt gỽedy
gỽare talym. sef y klywynt kynnỽ+
ryf maỽr. a disgyryein gỽyr. a cho+
gor brein yn dỽyn y gỽyr yn|eu nyrth
y|r awyr ac yn eu hyscoluaethu ryd+
unt. ac yn eu|goỻỽng yn|dryỻeu y|r
ỻaỽr. Ac y|ỽrth y kynnỽryf y gỽelynt
uarchaỽc yn dyuot ar uarch kanw+
elỽ. a|r ureich asseu y|r march yn pur+
du hyt y|mynnỽes y garn. Y mar+
chaỽc yn|gyweir ef a|e varch o arueỽ
trymleisson maỽr. Cỽnsaỻt ymda+
naỽ o pali kaeraỽc melyn. a|godreon
y gỽnsaỻt yn las. kỽnsaỻt y|uarch
yn purdu. a|e odreon yn|puruelyn.
Ar glun y mackỽy yd|oed gledyf hir+
drỽm trichanaỽl. a|gỽein o|ledyr coch
ysgythredic idaỽ. a|r|gỽregis o hyd+
gen newydgoch. a throstreu eur
amyl arnaỽ. a|gỽaec o asgỽrn mor+
uil arnaỽ. a balaỽc purdu arnaỽ.
helym