NLW MS. Peniarth 19 – page 131r
Brut y Tywysogion
131r
569
y dibaỽt tywyssaỽc bỽrgỽin.
a Jarỻ flandrys. a ỻawer o
rei ereiỻ. pan wnaeth kymmot
a|r archescob hyt na wnaei
argywed idaỽ vyth. A gỽedy
clybot o alexander bap ry
lad yr archesgob. anuon ỻy+
thyreu att vrenhin freingk a|oruc
ac att y meicheu ereiỻ. a gor+
chymun udunt drỽy ysgym+
mundaỽt. Kymeỻ brenhin
ỻoegyr y dyuot y lys ruue+
in y wneuthur iaỽn am
ageu yr archescob. ac ỽrth
hynny an·esmỽythaỽ a|wnae+
thant o bop aruaeth ar y
dremygu ef. A phan weles hen+
ri vrenhin hynny dechreu gỽa+
du a|oruc hyt nat o|e gynghor
ef y ỻas yr archesgob. ac an+
uon kennadeu a|wnaeth att
y pab. y uenegi na aỻei ef vy+
net y ruuein drỽy yr achỽys+
son hynny. yg|kyfrỽg hynny
y kilyaỽd rann uaỽr o|r vlỽyd+
yn. a|thra yttoedit yn hynny
tu draỽ y|r mor. y kynuỻaỽd
yr arglỽyd rys uab gruffud
lu am ben owein keueilaỽc y
daỽ. ar vedyr y darostỽg. ka+
nys y gyniuer gỽeith y gaỻ+
ei owein gỽrth·ỽynebu y|r ar+
glỽyd rys y gỽrthỽynebei. A
rys a|e kymheỻaỽd ef y daros+
tỽg idaỽ. ac y kymerth seith
570
wystyl ganthaỽ. Y|ghyfrỽg
hynny ofynhau a|wnaeth y
brenhin yr ebostolaỽl ysgym+
mundaỽt. ac adaỽ gỽladoed
freingk ac ymchoelut y loe+
gyr. a|dywedut y mynnei
vynet y darostỽg Jwerdon.
Ac ỽrth hynny ymgynuỻaỽ
a|oruc attaỽ hoỻ tywyssogy+
on ỻoegyr a chymry. ac yna
y doeth attaỽ yr arglỽyd rys
o|r|ỻe yd|oed yn ỻỽyn danet
amgylch yr wyl y ganet yr
arglỽydes ueir. ac ymgyue+
iỻaỽ a|oruc a|r brenhin drỽy
adaỽ idaỽ drychan meirch
a phedeir|mil o ychen. a phe+
dwar gỽystyl ar|hugeint. A
gỽedy hynny y dynessaaỽd y
brenhin y deheubarth. ac yn
yr hynt honno ar auon wysc
y duc ganthaỽ Jorwerth uab
owein uab cradaỽc uab gruf+
fud. ac ỽrth hynny y distryỽ+
aỽd Jorwerth a|e deu uab owein
a howel. a anyssit idaỽ o agha+
rat uerch uchtrut esgob ỻan
daf. a morgan uab seisyỻ uab
dyfynwal o agharat verch
owein. chwaer y Jorwerth
uab owein. gyt a ỻawer o rei
ereiỻ. dref gaer ỻion ac y
ỻosget hyt y casteỻ. ac y dif+
feithaỽd y|wlat haeach o gw+
byl. ac yna y doeth y brenhin
| « p 130v | p 131v » |