Oxford Jesus College MS. 111 (The Red Book of Hergest) – page 138v
Breuddwyd Rhonabwy
138v
570
Howel uab emyr ỻydaỽ. Gỽilim uab
rỽyf freinc. a danet. Mab. oth. a goreu
custennin. a mabon Mab modron. a phe+
redur paladyr hir. A heueid|ỽn ỻen.
a thỽrch. mab. perif. Nerth Mab kadarn.
a gobrỽ. mab. ethel uordỽyt twyỻ. gỽeir
mab gỽestel. ac adỽy uab gỽereint.
Dyrstan mab taỻuch. Moryen manaỽc.
granwen mab ỻyr. a ỻacheu mab
arthur. a ỻaỽuroded uaryfaỽc. a cha+
dỽr iarỻ kernyỽ. Moruran eil tegit.
a ryaỽd eil morgant. a dyuyr uab a+
lun|dyuet. gỽryr gwalstot ieithoed.
adaon mab telyessin. a ỻara uab kas+
nat wledic. A ffleudur fflam. a|grei+
dyal gaỻ dofyd. Gilbert mab katgyf+
fro. Menỽ mab teirgỽaed. gyrthm+
ỽl wledic. Haỽrda uab karadaỽc vrei+
churas. Gildas mab kaỽ. karieith
mab seidi. a ỻawer o|wyr ỻychlyn a
denmarck. a ỻaỽer o wyr groec ygyt
ac ỽynt. A digaỽn o lu a|deuth y|r kyg+
hor hỽnnỽ. Jdaỽc heb·y ronabỽy.
Pỽy y gỽr gỽineu y deuthpỽyt attaỽ
gynneu. Run uab maelgỽn gỽyned
gỽr y mae o vreint idaỽ dyuot paỽp y
ymgyghor ac ef. Pa achaỽs y ducpỽyt
gỽas ky ieuanghet yg|kyghor gỽyr
ky·vurd a|r|rei racko. mal kadyrieith
mab|saidi. ỽrth nat oed ym|prydein
gỽr ỽrdarch y gyghor noc ef. ac ar hyn+
ny nachaf ueird yn|dyuot y datkanv
kerd y arthur. ac nyt oed dyn a adna+
pei y gerd honno. namyn kadyrieith
e|hun. eithyr y uot yn|uolyant y arthur.
Ac|ar|hynny nachaf pedeir assen ar|u+
geint ac eu|pynneu o|eur ac aryant
yn|dyuot. a|gỽr ỻudedicvlin ygyt a
phob un ohonunt yn|dỽyn teyrnget
y|arthur o|ynyssed groec. Yna yd er+
chis kadyrieith mab saidi rodi kyg+
reir y osla gyỻeỻwaỽr hyt ympenn
pythewnos a mis. a rodi yr assennoed
571
a|dathoed a|r teyrnget y|r beird. ac a|oed
arnunt yn|ỻe gobyr ymaros. ac yn o+
et y gygreir talu eu kanu udunt.
Ac ar hynny y trigywyt. Ronabỽy
heb Jdaỽc ponyt cam gwarauun y|r
gỽas ieuanc a rodei gyghor ky|helae+
thet a hỽnn vynet ygkyghor y arglỽ+
yd. Ac yna y kyuodes kei ac y dywaỽt.
pỽy bynnac a vynno kanlyn arthur.
bit heno y|ghernyỽ gyt ac ef. Ac ar
ny|s mynno. bit yn erbyn arthur
hyt yn oet y gygreir. ac rac meint y
kynnỽrỽf hỽnnỽ deffroi a|oruc rona+
bỽy. A|phan deffroes yd|oed ar groen
y dinawet melyn. gỽedy ry|gyscu o+
honaỽ teir nos a|thri dieu. a|r|ystorya honn
a|elwir breidwyt ronabỽy. a ỻyma yr
achaỽs na|ỽyr neb y vreidwyt. na bard
na chyfarwyd heb lyuyr. o achaỽs y
geniuer ỻiỽ a|oed ar|y|merch* a|hynny
o amrauael liw odidaỽc ar ar yr|aruev
ac eu kyweirdebeu. ac ar y|ỻenneu gỽ+
erthuaỽr a r|mein rinwedaỽl. ~
| « p 138r | p 139r » |