Breudwd Welsh Prose 1300-1425
Cymraeg

NLW MS. Peniarth 19 – page 134v

Brut y Tywysogion

134v

583

Y vlỽydyn rac·wyneb y bu
uarỽ henri Jeuaf vrenhin
ỻoegyr. ac y bu uarỽ Ric+
kart archescob keint. Yn|y
ulỽydyn rac·wyneb y bu
uarỽ ryderch abat y ty gỽ+
ynn. a Meuric abat y cỽm
hir. Y vlỽydyn racwyneb
amgylch y grawys y doeth
padriarch kaerussalem hyt
yn ỻoegyr. y eruyneit nerth
y gan y brenhin rac distryỽ o|r
Jdewon a|r sarassinyeit hoỻ
gaerussalem. a chyt ac amyl+
der o varchogyon a|phedyt
yd ymchoelaỽd drachefyn y
gaerussalem. Yn|y vlỽydyn
honno duỽ kalan mei y sym+
mudaỽd yr heul y ỻiỽ. ac y
dywaỽt rei vot arnei diffyc.
Y vlỽydyn honno y bu uarỽ
dauyd ˄abad ystrat flur. ac y bu
varỽ howel uab Jeuaf arglỽ+
yd arwystli. ac y cladỽyt yn
enrydedus yn ystrat flur.
Ac yna y bu uarỽ einyaỽn
uab kynan. Y vlỽydyn rac+
wyneb y bu uarỽ lucius bab.
ac yn|y le yd urdwyt y trydyd
urbanus yn bab. Yn|y vlỽyd+
yn honno amgylch mis gor+
fenhaf. yd aeth coueint ystrat
flur y red·ynyaỽc belen yg
gỽyned. Ac yna y bu uarỽ
pedyr abat yn nyffryn clỽyt

584

Ac yna y ỻas kadwaỻaỽn uab
rys yn dyuet. ac y cladwyt yn y
ty gỽynn. Y vlỽydyn honno y
bu uarỽ Jthel abat ystrat mar+
cheỻ. Ac yna y ỻas owein uab
madaỽc. gỽr maỽr y volyant.
kanys kadarn oed a thec. a
charedic a hael. ac adurnyeid
o voesseu da. y|gan deu uab ow+
ein keueilaỽc. Nyt amgen gỽ+
enỽynỽyn a chadwaỻaỽn. a
hynny drỽy nossaỽl vrat a
thỽyỻ. ˄y garrec ofa Ac yna y delit ỻywelyn
uab kadwaỻaỽn yn enwir y
gan y vrodyr. ac y tynnỽyt y
lygeit o|e ben. ac yna y diffei+
thaỽd maelgỽn uab rys din+
bych. Y gỽr oed darean a|che+
dernyt y|r hoỻ deheu. Kanys
egluraf oed y glot a thec. a
charedic oed gan baỽp. Kyt
bei kymhedraỽl y veint. Garỽ
oed ỽrth y elynyon. a|hygar ỽrth
y gedymdeithon. paraỽt y rod+
yon. Budugaỽl yn ryuel. a|r
hoỻ tywyssogyon kyt·amhino+
gyon ac ef a|e hergrynynt.
Kyffelyb y leỽ yn|y weithredoed.
ac megys keneu ỻeỽ aruthyr
yn|y helua. Y gỽr a ladaỽd ỻaw+
er o|r flandraswyr ac a|e gyrraỽd
ar fo. Y vlỽydyn rac·wyneb y
doeth y sarassinyeit a|r Jdew+
on y gaerusalem. ac y|dugas+
sant y groc ganthunt duỽ