Oxford Jesus College MS. 111 (The Red Book of Hergest) – page 148r
Enwau ac Anrhyfeddodau Ynys Prydain
148r
604
vyd idaỽ ~
Bedraỽt araỻ yssyd yn ynys prydein geyrllaỽ fford
lydan dan|draynen. a glaỽ a|daỽ idi. py dyn byn+
nac a orwedo yndi. os bychan vyd y|dyn. maỽr
uyd y vedraỽt. os maỽr vyd y|dyn ry uychan vyd
y vedraỽt ~ ~ ~ ~ ~ ~ ~ ~ ~ ~
Coet yssyd yn ynys prydein. ac yn|y coet y mae
maes maỽr. a holl aniueileit gỽyỻtyon y coet.
a|uydant bob duỽ kalan mei ar y maes hỽnnỽ.
yn un ffunyt a|phei bei varchnat neu brynu.
Maen yssyd ar uynyd yn ynys prydein. bych+
an yỽ y ueint. pỽy bynnac a geisso y dyrchauel.
na gỽan uo. na chadarn. haỽd uyd idaỽ y dyr+
chauel hyt ar y dỽy·vronn. ac yn uch ny|s dyr+
cheif neb. Sef yỽ hyt yr ynys honn. o|benn+
rynn blathaon ym|prydein. hyt ym|penn·rynn
pennwaed yg|kernyỽ. Sef yỽ hynny naỽ cant
miỻtir. Sef yỽ y ỻet o grugyỻ ym mon hyt
yn|sorram pump cant miỻtir yỽ hynny. Sef
a|dylyir y dala ỽrthi. coron a their taleith.
ac yn ỻundein gỽiscaỽ y goron. ac ym|penn+
rynn rioned yn|y gogled vn o|r taleitheu. ac
yn|aberffraỽ yr eil. ac yg|kernyỽ y dryded.
A their archescobaỽt yssyd yndi. Vn ym my+
nyỽ. a|r eil yg|keint. a|r dryded yg|kaer efraỽc. ~
| « p 147v | p 148v » |