Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 150v

Ystoria Carolo Magno: Pererindod Siarlymaen

150v

611

drỽy adaỽ idaỽ y vendyth. ac euegyl
tangneued. y brenhin a|e lu a|e·brỽyd+
assant y hynt. ac a|doethant yn agos
y gorstinabyl. val y gỽelynt y key  ̷+
ryd a|r kestyỻ. a|r muroed a|r neua+
deu. a|r ỻyssoed a|r eglỽysseu uchel
arbennic. a|r clochdyeu urdasseid
y·rygthunt a|r dinas wynt a|welynt
ac a|dywannassant ar weirglaỽd
diruaỽr y meint a|digrif edrych ar+
nei. o amryuael vlodeu ỻysseuoed. a
gỽasgaỽtwyd wedy ry|blannv yndi
yn vrdaseid. a gỽyd yn meithryn ỻony+
dỽch drỽy aroglev a Jechyt. ac aro+
gleu gỽedy eu hardhau ac eu teckau
yn|y chylch o·gylch. y plannwyd hydỽf
odidaỽc drỽy dechymic odidaỽc gywre+
inrỽyd. Yno yd|oedynt kyfrỽng rif
teir mil o vonhedigyon yn|gyn|har+
det o wisgoed maỽrweirthaỽc. val
kyt bei brenhin vei bob un o·nadunt
neu teyrn deleedaỽc. Rei o·nadunt yn
gware syeckyr. Ereiỻ yn gỽare
gỽydbỽyỻ. Ereiỻ yn arỽein gỽe+
ilch a|hebogeu ar eu|dwylaỽ. Ere+
iỻ yn ymdidan a morynnyon Jeu+
einc bonhedigeid. o verchet teyrned.
a diruaỽr riuedi yno o·nadunt y ve+
int vonhedigeidrỽyd honno a|ryved+
aỽd Chyarlymaen yn vaỽr. a|galỽ
attaỽ vn o|r gỽyrda. a|gofyn idaỽ pa|le
y gaỻei ef ymgaffel y ymdidan a|r bren+
hin oed arglỽyd ar y niuer bonhedi+
geid hỽnnỽ. kerdỽch ragoch yny we+
loch lenn o bali. wedy ry|dynnv ar be+
dwar piler o|eur. ac y·dan y ỻenn honno
y mae y brenhin a|ovynny di yn ere+
dic. a|r ỻenn yn|y diffryt rac gwres
yr heul. a bryssyaỽ a|oruc y brenhin y|r
ỻe y managassei y marchaỽc idaỽ.
ac yno y kauas hu urenhin yn|ỻa+
uuryaỽ. eredic yn vonhedigeid. Enry+
ued oed y aradyr. eur oed y|sỽch a|r
kỽỻtyr. Mein rinwedaỽl maỽrweir+
thaỽc oed yr Jeuawr. Ac nyt ar|y
draet yd ymlityei y brenhin yr ychenn.

612

namyn o|eisted y myỽn kadeir o eur.
a deu vul gadarn yn|y harỽein o bop
tu idi. yn diffleis didramgỽyd. ac ỽrth
y gadeir y·danei yd oed meinc o aryant
y gynnal traet y brenhin. Menic hard
gwedus am y dỽylaỽ a ractal eur am
y benn. o|e diffryt rac tragỽres yr heul.
ỻenn o bali uch y benn wedy ry dynnu
ar bedwar piler o eur a|oedynt ar bede+
ir bann y gadeir. yn|y laỽ yn ỻe yerthi
y gymeỻ yr y·chen y eredic yd|oed wi+
alen eur. Kyn vnyaỽnet y tynnei y
kỽysseu a|chyn|decket a|ỻinyeu a dynnit
ỽrth huyaỽdyr gyfyaỽn. Ac nyt yr bot
yn reit y|r brenhin yd|oed. namyn cof
oed gantaỽ y hanuot o etiued y gỽr
y dywetpỽyt ỽrthaỽ pan|y gyrrỽyt o
baradỽys. yn|chỽys a ỻauur dy gorff
a gnif dy gaỻon bit dy ymborth. adaf
oed hỽnnỽ. ac ual y deuth chyarlymae+
en yn dissyvyt att   y brenhin. kyuarch
gỽeỻ a|ỽnaeth pob un o·nadunt y gi+
lyd. ac y govynnỽys hu idaỽ pỽy oed.
ac o|ba|le pann|dathoed. a pha|achaws
oed o|e dyuotyat. a|pha|du y tynnei y
ỻu maỽr hỽnnỽ. Chyarlymaen ỽyf|i
ac o freinc pan ỽyf. a brenhin y ỻe hỽn+
nỽ wyf. Rolant vy nei yỽ hỽnn y
gỽas jeuanc clotuorussaf. Mi a|diolch+
af y duỽ heb·yr hu gỽelet o·honaf|i
yn|gynrychaỽl y brenhin y kiglef laỽ+
er o|weitheu y glot a|e volyant gan
a delei o freinc. a Mi a|adolygaf y
chỽi trigyaỽ y·gyt a|mi vlỽydyn.
val y gaỻom yn hynny o yspeit ym+
gedymdeithassu. ac ymadnabot. ac
ymrwymaỽ y|ghedymdeithas. a phann
eloch y ỽrthyf mi a|agoraf vy eur+
dei y·ỽch. y dỽyn gennỽch y|wch gỽ+
lat a aỻoch y gychỽynn o eur. ac yr
aỽr honn o|ch achaỽs chỽi mi a|eỻyg+
af yr ychen. ac a|deruynaf y gweith
kynn|y amser. Ac yna eỻỽng yr y+
chen a|oruc hu. ac esgynnv ar vul
hard uchel esmỽythdec gwastatualch
hydỽf. a|chyweirdeb tec brenhineid ar+