Breudwd Welsh Prose 1300-1425
Cymraeg

NLW MS. Peniarth 19 – page 143r

Brut y Tywysogion

143r

617

o ystrat tywi. casteỻ ỻan ymdyf+
ri. a deu gymỽt. nyt amgen
hirvryn. a maỻaen. a maenaỽr
vyduei. ac o geredigyaỽn deu
gymỽt. gỽinyonyd. a mab·wyn+
yon. Ac y rys Jeuangk ac y
owein y vraỽt meibyon grufud
uab rys y doeth casteỻ aber
teiui. a|chasteỻ nant yr aryant.
a|thri chantref o geredigyaỽn.
ac y rys gryc y doeth y cantref
maỽr oỻ dyeithyr maỻaen. a|r
cantref bychan dyeithyr hir+
vryn a myduei. ac idaỽ y doeth
kedweli a charnywyỻaỽn heuyt.
Y vlỽydyn honno yd hedycha+
ỽd gỽenwynỽyn arglỽyd pow+
ys. a Jeuan vrenhin ỻoegyr.
wedy tremygu y ỻỽ a|r aruoỻ
a|rodassei y dywyssogyon ỻoe+
gyr a chymry. a thorri yr wro*
dassei* y lywelyn uab Jorwerth.
a madeu y gỽystlon a rodassei
ar hynny. A gỽedy gỽybot o
lywelyn uab Jorwerth hynny.
kymryt arnaỽ yn orthrỽm a|w+
naeth. ac anuon attaỽ esgyb ac
abadeu a gỽyr ereiỻ maỽr eu
haỽdurdaỽt. a|r ỻythyreu a|r
syartraseu ganthunt. ac echres+
tyr yr aruoỻ a|r amot a|r|gỽroga+
eth yndunt. a ỻauuryaỽ o bop
medỽl a|charyat a gỽeithret y
alỽ drachefyn. A gỽedy na dy+
grynoei idaỽ hynny o dim dy+

618

gynuỻaỽ ỻu a|oruc. A galỽ
can mỽyaf tywyssogyon kym+
ry ygyt attaỽ. a chyrchu pow+
ys y ryuelu ar wenwynỽyn
a|e yrru ar ffo hyt yn sỽyd
gaer ỻeon. a goresgyn y gyuo+
eth oỻ idaỽ. Y vlỽydyn honno
y|doeth lowys y mab hynaf y
vrenhin freingk hyt yn ỻoegyr
gyt a ỻuossogrỽyd maỽr am+
gylch sul y drindaỽt. ac ofyn+
hau a|oruc Jeuan vrenhin y dy+
uotyat ef. a chadỽ a|oruc yr
aberoed a|r porthuaeu a|dirua+
ỽr gedernyt o wyr aruaỽc gyt
ac ef. A phan weles lyghes loỽ+
ys yn dynessau y|r tir. kymryt
y fo a|oruc tu a chaer wynt a
dyffryn hafren. Ac yna y tyn+
naỽd lowys tu a ỻundein. ac
yno yd aruoỻet yn enrydedus.
a chymryt a|oruc gỽrogaeth
y gan y Jeirỻ a|r barỽneit a|e
gỽahodassei. a dechreu talu eu
kyfreitheu y baỽp o·nadunt
A gỽedy y·chydic o dydyeu we+
dy hynny yd aeth tu a|chaer
wynt. A phan wybu Jeuan
vrenhin hynny ỻosgi y dref a|oruc.
A gỽedy kadarnhau y casteỻ
kilyaỽ ymeith a|wnaeth. ac
ymlad a|oruc lowys a|r casteỻ.
a chyn penn ynemaỽr o dydyeu
y casteỻ a gafas. a chyrchu a|oruc
Jeuan vrenhin ardal kymry. a|dyuot