Philadelphia MS. 8680 – page 36r
Brut y Brenhinoedd
36r
61
a|r tywyssogyon a|oedynt wyr
idaỽ o bop o|r a|oresgynnassei
ỽrth enrydedu gỽylua y sul+
gỽyn yn urenhinaỽl enry
enrydedus. Ac y atnewydu
kadarnhaf dagneued y·ryg+
tunt. A|gỽedy menegi o+
honaỽ y uedỽl y gyghorwyr
a|e annỽyleit. ef a|gauas yn|y
gyghor dala y lys yg|kaer
ỻion ar|wysc. Kanys o|r|dina+
soed kyuoethockaf oed ac a+
dassaf y|r ueint wylua honno.
Sef achaỽs oed. o|r|neiỻ|par+
th y|r dinas y redei yr auon
uonhedickaf honno wysc. ac
ar|hyt honno y doynt y bren+
hined a|delhynt dros y moro+
ed yn|y ỻongeu hyt y dinas.
ac o|r parth araỻ gỽeirglod+
yeu a fforesti yn|y theckau.
Ac ygyt a|hynny adeiladeu
a|ỻyssoed a|oedynt yndi o|e
myỽn. a thei eureit. megys
nat oed yn|y teyrnassoed tref
a|gynhebyckit y ruuein o|ry+
62
otres. namyn hi. Ac y+
gyt a hynny arderchaỽc
oed o dỽy eglỽys arbenhic.
vn ohonunt yn ardyrcha+
uedic yn enryded y uyl*
uerthyr. a chỽueint o we+
rydon yn|talu molyant
y duỽ yndi yn wastat dyd
a|nos yn enrydedus urdas+
seid. Araỻ a|oed yn enry+
ded y aaron kedymdeith
y merthyr hỽnnỽ. a|chỽ+
ueint yn honno o ganon+
wyr reolaỽdyr. Ac ygyt
a|hynny y dryded archesgo+
baỽt a phennaf yn ynys
prydein oed. Ac ygyt a hyn+
ny arderchaỽc oed o deu+
cant yscol o athraỽon a
doethon a ednepynt kerdet+
yat y syr. ac amryuaelon
geluydodeu ereiỻ. Kanys
yn|yr amser hỽnnỽ y kef+
fit yndi y seith geluydyt.
a|r rei hynny drỽy gerdet+
yat y syr a|uenegynt y|arthur
| « p 35v | p 36v » |