Breudwd Welsh Prose 1300-1425
Cymraeg

NLW MS. Peniarth 19 – page 144v

Brut y Tywysogion

144v

623

Jorwerth yn erbyn Reinald y
brewys. am dorri yr aruoỻ. ac
yd auaethaỽd* mynet a|e lu hyt
ym brecheinyaỽc. ac y kychw+
ynaỽd ar|uedyr ymlad ac aber
hodni. ac aruethu* y distryỽ oỻ.
ac yna yd hedychaỽd gỽyr y dref
a|ỻywelyn drỽy rys Jeuangk a
oed gymeredic gymodrodwr
y·rygthunt. gan rodi pump
gwystyl y lywelyn o vonhedi+
gyon y|dref ar dalu can morc
idaỽ. kanny eỻynt y wrthỽyne+
bu. ac odyna yd arwedaỽd y
lu y whyr dros y mynyd du yn
y ỻe y periglaỽd ỻawer o|sỽmereu.
ac yna y pebyỻyaỽd yn ỻan gi+
ỽc. A gỽedy gỽelet o reinald y
brewys y diffeithỽch yd oed lyỽ+
elyn yn|y wneuthur yn|y gy+
uoeth. ef a|gymerth chwech
marchaỽc urdaỽl gyt ac ef.
ac a doeth y ymrodi y lywelyn
wrth y ewyỻys. ac ynteu a rodes
casteỻ sein henyd idaỽ. a hỽnnỽ
a|orchymynnaỽd ỻywelyn dan
gadwryaeth rys gryc. A gỽedy
trigiaỽ yno y·chydic o dydyeu
arwein y vydinoed y·rygthaỽ
a|dyuet a|oruc yn erbyn y flan+
draswyr a|oedynt yn eruyneit
hedỽch y ganthaỽ. ac ny pheit+
yaỽd y tywyssaỽc a|e aruaeth
namyn tynnu y haỽlford a|oruc
a chyweiryaỽ y vydinoed yg+

624

kylch y dref ar|uedyr ymlad a|hi.
Ac yna yd aeth rys Jeuangk a
ỻeng o wyr y deheu gyt ac ef drỽy
avon gledyf. a dynessau tu a|r
dref a|wnaeth a|r niuer hỽnnỽ
ganthaỽ y ymlad y* ymlad* yn
gyntaf a hi. Ac yna y doeth Jor+
werth escob mynyỽ. a ỻawer o
greuydwyr eglỽyssic ygyt ac ef
att y tywyssaỽc. ac aruaethu fur+
yf tagnefed ac ef. Sef ffuryf
a|wnaethant rodi o·honunt y|r
tywyssaỽc ugein morc erbyn y
gỽyl vihagel nessaf. neu ỽynteu
a|wrheynt idaỽ erbyn hynny.
ac y kynhelynt y·danaỽ yn dra+
gywydaỽl. A gỽedy hynny yd|ym+
choelaỽd paỽb y wlat. ac yg|kyf+
rỽng hynny y traethỽyt am
degnefed* y·rỽg henri vrenhin
ỻoegys. a lowys uab brenhin
freingk. Sef ual y bu y dagne+
ued y·rygthunt. talu o henri
vrenhin. y Jeirỻ a barỽneit y
kyfreitheu a|r deuodeu y buas+
sei y ryueloed y·rygthunt ac
eu hachaỽs a Jeuan vrenhin.
a goỻỽg paỽb o|r carcharoryon
a|dalyssit o achaỽs y ryuel hỽnnỽ.
A thalu diruaỽr sỽmp o aryant
y lowys uab brenhin freingk. drỽy
dyngu o·honaỽ ynteu teyrnas
loegyr yn dragywydaỽl. Ac yna
gỽedy kael sỽmp o aryant. a
goỻỽng sentens ysgymundaỽt