Breudwd Welsh Prose 1300-1425
Cymraeg

NLW MS. Peniarth 19 – page 148r

Brut y Tywysogion

148r

637

eu hynt udunt ymchoelut a|wnae+
thant y|eu|gỽladoed. Y vlỽydyn
honno y bu uarỽ rys gryc yn
ỻan deilaỽ vaỽr. ac y cladỽyt ym
mynyỽ yn ymyl bed y|dat. Y vlỽ+
ydyn honno y gorffennaỽd mael+
gỽn vychan adeilyat casteỻ tref
ilan. yr hỽnn a|dechreuassei vaelgỽn
y dat kynno hynny. Y vlỽydyn
rac wyneb y brathỽyt rickert
Jarỻ penvro y|myỽn brỽydyr yn
Jwerdon. wedy y adaỽ o|e varcho+
gyon yn|dỽyỻodrus. a chynn penn
y vlỽydyn y bu uarỽ. Y vlỽydyn
honno y goỻygỽyt gruffud uab
ỻywelyn uab Jorwerth wedy y vot
yng|karchar chwech mlyned. Y
vlỽydyn honno y bu uarỽ kadw+
aỻaỽn uab maelgỽn o vaelenyd
yn|y cỽm hir. Y vlỽydyn rac·wy+
neb y bu varỽ owein vab gruffud
yn ystrat flur duỽ merchyr wedy
yr wythuet dyd o ystỽyỻ. ac y clad+
ỽyt ygyt a rys y vraỽt yg|ka+
bidyldy y myneich. Y vlỽydyn
honno y priodes henri vrenhin
verch Jarỻ prou˄ins. ac y gỽnaeth
y neithaỽr yn ỻundein y nadolic
wedy kynuỻaỽ esgyb a chan mỽ+
yaf Jeirỻ a barỽneit ỻoegyr
ygyt Y vlỽydyn rac wyneb y
bu varỽ madaỽc uab grufud
maelaỽr ac y cladỽyt yn enry+
dedus y manachlaỽc lann egỽes+
tyl yr hon a rỽndwalyssei e|hun

638

kynno hynny. Y vlỽydyn honno
y bu varỽ. owein vab madaỽc meredudd
uab rotpert o gedewein. Ac yna
y bu uarỽ esgob ỻundein. ac es+
gob kaer wyranghon. ac esgob lin+
col. Ac vn nos kynn nos nado+
lic y kyuodes diaerebus wynt
y dorri aneiryf o dei ac eglỽys+
eu. ac y essigaỽ y coedyd. a ỻad
ỻawer o|dynyon ac aniueileit.
y vlỽydyn honno y goỻygaỽd
y naỽuet gregori bab gadỽga+
ỽn esgob bangor o|e esgobaỽt
ac y kymerỽyt yn enrydedus
yn|y crefyd gỽyn ym manach+
laỽc dor. ac yno y bu varỽ ac
y cladỽyt. Ac yna y kafas gil+
bert Jarỻ penbris drỽy dỽyỻ
gasteỻ morgan vab howel ym
machein. A gỽedy y gadarn+
hau yd|atueraỽd drachefyn
rac ofyn ỻywelyn uab Jorwerth
Y vlỽydyn rac·wyneb y bu uarỽ
siwan verch Jeuan vrenhin gỽre+
ic ỻywelyn uab Jorwerth. ac y|clad+
ỽyt y|myỽn mynwent newyd
ar lan y traeth a gyssegrassei
howel esgob ỻan elỽy. ac o|e
hanryded hi yd adeilaỽd ỻew+
elyn uab Jorwerth yno van+
achlaỽc troetnoeth a|elwir llan
uaes ym mon. ac yna y bu
varỽ Jeuan Jarỻ kaer ỻeon
a chynwric vab yr|arglỽyd
rys. Y vlỽydyn rac wyneb tran+