Breudwd Welsh Prose 1300-1425
Cymraeg

NLW MS. Peniarth 19 – page 149v

Brut y Tywysogion

149v

643

bu uarỽ ralff mortymer. Ac
yn|y le y kyuodes roser y vab.
Y vlỽydyn rac·wyneb y bu ua+
rỽ howel esgob ỻan elỽy yn
ryt ychen. ac yno y cladỽyt. ac
yna y bu uarỽ esgob mynyỽ.
Y vlỽydyn honno yr vgeinuet
dyd o vis chwefraỽr y crynaỽd
y daear yn|aruthyr yn gyffre+
din ar draỽs yr hoỻ deyrnas.
Y vlỽydyn rac·wyneb y kym+
erth arderchaỽc vrenhin fre+
ingk a|e dri broder ac aneiryf
o luoed cristonogyon gyt ac
ỽynt eu hynt hyt yg|kaerus+
salem. ac am diwed y vlỽydyn
y mordỽyassant y mor maỽr.
Y vlỽydyn honno y kauas ow+
ein uab Rotpert gedewein y
dylyet. ac y kafas Rys vych+
an uab rys mechyỻ gasteỻ
karrec kennen drachefyn a
rodassei y vam drỽy dỽyỻ ym
medyant y freingk o|gas ar
y mab. Y vlỽydyn honno y kan+
hataỽd henri vrenhin y abat
ystrat flur. ac abat aber co+
nỽy gorff grufud uab ỻywe+
lyn. ac y|dugant ganthunt
o lundein y aber conỽy yn|y ỻe
y mae yn gorwed. Y vlỽydyn
rac·wyneb yd aeth lowys vren+
hin freingk a|e|dri broder a|r
vrenhines hyt yn|dinas da+
mieta. ac y rodes duỽ idaỽ y

644

dinas yn rỽyd wedy y adaỽ o|r
sarassinyeit. Yr haf rac·wyneb
yd ymchoelaỽd y dyghetuen yn
y gỽrthỽyneb. ac y delit y brenhin
y gan y sarassinyeit wedy ỻad
robert y vraỽt. ac amgylch deng
mil ar|hugeint o|r cristonogyon
a thros y oỻygdaỽt ef a|e he+
bryngyat ef a|e wyr hyt yn acrys
y goruu arnaỽ rodi damieta
drachefyn y|r sarassinyeit. Ac od+
yna y rodes duỽ idaỽ ynteu uu+
dugolyaeth y dial ar elynyon
crist y sarassinyeit. kanys ef a
anuones y deu vroder hyt yn
freingk y gynuỻaỽ nerth idaỽ a
sỽỻt a gỽyr aruaỽc. tra drickyei
ynteu a|r vrenhines yn acrys.
ac odyna yd eniỻaỽd ef dinas
damietta gan lad aneiryf o|r|sar+
D Eng mlyned a [ assinyeit.
deugein a|deucant a mil oed
oet crist pan vu varỽ brenhin
prydein. wedy adaỽ y vn mab yn
etiued idaỽ. Y vlỽydyn rac·wyneb
y bu uarỽ gỽladus du verch
ỻywelyn uab Jorwerth. ac yn
diwed y vlỽydyn honno y bu
varỽ morgan uab yr arglỽyd
rys. wedy kymryt abit y creuyd
ymdanaỽ yn ystrat flur. Y vlỽy+
dyn rac·wyneb y bu gymeint
gỽres yr heul. ac y sychaỽd yr
hoỻ daear ganthaỽ hyt na thyf+
aỽd dim frỽyth ar na choet na