Breudwd Welsh Prose 1300-1425
Cymraeg

NLW MS. Peniarth 19 – page 150v

Brut y Tywysogion

150v

647

haf y bu uarỽ thomas walis
esgob mynyỽ. Y vlỽydyn rac·wy+
neb y|doeth etwart uab henri
vrenhin Jarỻ kaer ỻion y edrych
y gestyll a|e dired yng|gỽyned. ac
yna y doeth dylyedogyon kym+
ry att lywelyn uab grufud we+
dy eu hyspeilyaỽ oc eu rydit
a|e keithiwaỽ. a menegi yn
gỽynuanus bot yn weỻ gan+
thunt eu llad dros eu rydit
myỽn ryuel. no godef eu sa+
thru gan estronyon drỽy gei+
thiwet. A chyffroi a|oruc ỻywelyn
gan eu dagreuoed. a thrỽy eu
hannoc ỽy a|e kyghor kyrchu
y beruedwlat. a|e goresgyn oll
kynn penn yr wythnos. a chyt
ac ef maredud uab rys gryc.
ac odyna y kymerth veiryon+
nyd idaỽ e|hun. a|r rann oed
eidaỽ etwart o geredigyaỽn.
ef a|e rodes y varedud vab ow+
ein. a bueỻt gyt a|hynny. a
thalu y varedud uab rys gryc
y gyuoeth. gan wrthlad rys
y nei o|e gyuoeth. a rodi y ky+
uoeth y varedud uab rys heb
gynhal dim idaỽ e|hun o|r tired
goresgyn oỻ. dyeithyr clot a
gobrỽy. ac odyna y goresgyn+
naỽd warthreinyon. y gan   
Roser mortymer yn|y laỽ   e
hun. ac yna y kysse  grỽyt
yr athro rys o ga  er rw y

648

gan y pab yn esgob ym mynyỽ.
Y vlỽydyn rac·wyneb y kyrchaỽd
ỻywelyn uab grufud. a maredud
uab rys. a maredud uab owein.
a ỻywer* o dylyedogyon ereiỻ y+
gyt ac ef y gyuoeth gruffud uab
gỽenỽynwyn. ac y goresgynaỽd
oỻ dyeithyr casteỻ y traỻỽng ga
ran o|dyffryn hafren. ac ychy+
dic o gaereinyaỽn. a|distriỽ a|w+
naeth gasteỻ bydydon. Yg|kyf+
rỽng hynny y kynullaỽd rys
vychan uab rys mechyỻ a|oed
yn ỻoegyr ar dehol. diruaỽr
borth a chedernyt o varchogy+
on a barỽneit ỻoegyr ygyt ac
ef. ac y doeth hyt yg|kaer vyr+
din. Ac odyna yn wythnos y sul+
gỽyn y duc y hynt y* hynt* y|di+
nefỽr. A|gỽedy dyuot y|myỽn y|r
casteỻ y delis y casteỻwyr ef.
a chyrchu a|wnaethant y ỻu. a
daly y barỽneit a|r marchogyon
urdolyon. a ỻad mỽy no dỽy uil
o|r ỻu. ac yna y kyrchaỽd y tyw+
yssogyon dyuet. a distryỽ a|ỽna+
ethant gasteỻ aber corran a ỻan
ystyphan ac arberth. a|r maen
clochaỽc. a ỻosgi y dref a|r|trefyd.
Y vlỽydyn rac·wyneb y goresgyn+
naỽd ỻywelyn uab grufud gemeis.
ac y kyuodes varedud a rys vy+
chan y nei. ac odyna yn gyfun
y kyrchassant drefdraeth. ac y
briwassant y casteỻ. ac odyno