Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 160r

Owain

160r

649

nu a|oruc owein o|e gyfrỽy. yny
uyd y·rydaỽ a cholof*. ac ymchoe  ̷+
lut penn y uarch parth a|r kasteỻ.
A pha ofut bynnac a|gafas ef a
deuth a|r iarỻ y borth y casteỻ. at
y|mackỽyeit. Ac y myỽn y deuth+
ant. ac owein a rodes y iarỻ yn
anrec y|r iarỻes. a dywedut ỽrthi.
wely|di yma yti bỽyth yr ireit
bendigedic. a|r|ỻu a beb·yỻywys
ygkylch y|kasteỻ. ac yr rodi by+
wyt y|r iarỻ y rodes ynteu y dỽy
iarỻaeth idi drachefyn. Ac yr
rydit idaỽ y rodes hanner y gy+
foeth e|hun. a|chỽbyl o|e heur a|e
haryant a|e thlysseu a|e gỽystlon
ar hynny. Ac ymeith yd|aeth
owein. a|e wahaỽd a|ỽnaeth yr
iarỻes idaỽ. ef a ˄e|hoỻ gyfoeth.
ac ny|mynnỽys owein namyn
kerdet racdaỽ eithafoed byt a di+
ffeithỽch. Ac ual yd|oed yn kerd+
det ef a|glywei disgrech uaỽr y
myỽn koet a|r eil a|r dryded. a
dyuot yno a|oruc owein. A phan
doeth yno. ef a|welei clocuryn
maỽr yg|kanaỽl y koet. a char+
rec lỽyt yn ystlys y bryn. a hoỻt
a|oed yn|y garrec. a sarff a oed
yn|yr hoỻt. a ỻeỽ purdu a oed yn
ymyl y|garrec. A phan geissei y
ỻeỽ vynet odyno y neidei y sarff
idaỽ o|e vrathu. Sef a|oruc owein
dispeilaỽ cledyf a nessau att y
garrec. Ac ual yd|oed y sarff yn
dyuot o|r garrec. y tharaỽ a oruc
owein a|chledyf yny vyd yn|deu
hanner. a sychu y gledyf. a dyfot
y|r fford ual kynt. Sef y gỽelei
y ỻeỽ yn|y ganlyn. Ac yn gỽare
yn|y gylch ual milgi a|uackei e|hun.
a|cherdet a|orugant ar hyt y|dyd
hyt ucher. A|phan uu amser gan
owein orffowys. disgynnu a|oruc.
a geỻỽng y uarch y myỽn dol go+
edaỽc wastat. a ỻad tan a|oruc.

650

A phan uu baraỽt y tan gan owein. yd
oed gan y ỻew dogon o gynnut. hyt ym+
penn teirnos. A difflannu a oruc y ỻeỽ
y ỽrthaỽ. Ac yn|y ỻe nachaf y ỻeỽ yn|dy+
uot attaỽ a chaeriwrch maỽr telediỽ gan+
taỽ. A|e vỽrỽ ger bronn owein. a mynet
am y tan ac ef. a chymryt a|oruc owein
y kaeriỽrch a|e vlighaỽ. a dodi golỽyth+
on ar uereu yg·kylch y tan. A rodi y iỽrch
namyn hynny y|r ỻeỽ o|e yssu. ac ual y+
d oed owein ueỻy ef a|glywei och uaỽr a|r
eil a|r dryded yn gyfagos idaỽ. A gofyn
a|oruc owein ae dyn bydaỽl. Je ys|gỽir heb
y dyn. Pỽy ỽyt titheu heb·yr owein. Di+
oer heb hi lunet ỽyf|i ỻaỽuorỽyn iar+
ỻes y ffynnaỽn. Beth a|wney di yma
heb·yr owein. Vyg karcharu heb hi yd
ydys. o achaỽs marchaỽc a|doeth o lys
arthur y uynnu y iarỻes yn priaỽt. ac
a|uu rynnaỽd gyt a|hi. ac yd aeth y drei+
glaỽ ỻys arthur. Ac ny doeth vyth dra+
chefyn. a chedymdeith ymi oed ef mỽy+
af a|garỽn o|r byt. Sef a|oruc deu we+
isson ystaueỻ y iarỻes y oganu ef a|e
alỽ yn|tỽyỻỽr. Sef y dywedeis i na aỻ+
ei y|deu gorff hỽy. amrysson a|e un corff
ef. Ac am hynny vyg|karcharu yn|y
ỻestyr maen. a|dywedut na|bydei vy
eneit y|m corff o·ny|delei ef y|m amdiffyn
i yn oet y dyd. Ac nyt peỻach yr oet
no thrennyd. ac nyt oes y mi neb
a|e|keissaỽ ef. Sef yỽ ynteu owein
uab uryen. A oed diheu gennyt titheu
pei gỽyppei y marchaỽc hỽnnỽ hynny y
deuei y|th amdiffyn. Diheu y·rof|i a|duỽ
heb hi. a|phan|uu dogyn poethet y go+
lỽython. eu rannu a|oruc owein yn deu
hanner y·ryngtaỽ a|r uorỽyn. a bỽyt+
ta a|orugant. a|gỽedy hynny ymdidan
yny vu dyd drannoeth. Trannoeth go+
fyn a|oruc owein y|r uorỽyn a|oed le
y gaỻei ef kaffel bỽyt a|ỻewenyd y
nos honno. Oes arglỽyd heb hi.
dos yna drỽod. a|cherda y fford gan
ystlys yr auon. Ac ympenn rynna+
ỽd ti a|wely gaer uaỽr. a|thyreu