Breudwd Welsh Prose 1300-1425
Cymraeg

NLW MS. Peniarth 19 – page 151r

Brut y Tywysogion

151r

649

y kymerassant uaredud uab ow+
ein gyt ac ỽynt. ac y kyrchas+
sant ros. ac y ỻosgassant y|wlat
oỻ dieithyr haỽlford. ac odyna
yd hỽylassant y wlat vorgan. A
gỽedy goresgyn a|chael casteỻ ỻan
geneu yd ymchoelassant adref
wedy ỻad ỻawer a|daly ereiỻ. Ac
yna y|bu uarỽ maelgỽn Jeuangk
ac y cladỽyt yn ystrat flur. Y|vlỽ+
ydyn honno amgylch gỽyl ueir
yn aỽst y doeth henri vrenhin a
ỻu maỽr ganthaỽ hyt yn tegan+
nỽy. ac yno y trigyaỽd hyt wyl
ueir y|medi. ac yna yd ymchoelaỽd
y loegyr. Yn|yr amser hỽnnỽ y
ỻosges eglỽys lann badarn uaỽr.
ac y kymydaỽd ỻywelyn uab gru+
fud. a grufud uab madaỽc. ac y
gyrraỽd grufud uab gỽenỽynwyn
ar dehol o|e gyuoeth. Y vlỽyd rac+
wyneb y rodes kynnuỻeitua o dy+
lyedogyon lỽ fydlonder y lywelyn
uab gruffud gan boen ac ysgym+
mynaỽt. ac ny chettwis mare+
dud uab rys y ỻỽ hỽnnỽ namyn
mynet yn|y erbyn yn aghywir.
Y vlỽydyn honno y bu deruysc
yn ỻoegyr y·rỽng yr estronyon
amgylch gỽyl Jeuan vedydywr.
Y vlỽydyn honno yd aeth dauyd
uab grufud. a maredud uab ow+
ein. a rys vychan. a rys mechyỻ
y ymdidan a maredud uab rys
ac a|phadric dy saỽs synysgal y

650

brenhin yng|kaer vyrdin hyt
yn emlyn. Pan|weles maredud
a|phadric y|gỽyr ereiỻ. torri
kygreir a|wnaethant a|e hach+
ub. Ac yna y ỻas padric. a
ỻawer o varchogyon a phedyt
ygyt ac ef. Yn diwed y vlỽydyn
honno y mordỽyaỽd henri vren+
hin y ymdidan a brenhin freingk.
T Rugein mlyned a ˄dau|chant
a mil oed oet crist. pan
aeth ỻywelyn vab grufud y vu+
eỻt. a|dỽyn bueỻt oỻ y|gan
roser y mortymer dyeithyr y
casteỻ. ac odyna drỽy ymdeith
ar|draỽs deheubarth. ac heb
wneuthur drỽc y neb yd
ymchoelaỽd y wyned. ac yn|y
ỻe y kafas gỽyr ỻywelyn o
gyrch nos heb vn ergyt ym+
lad gasteỻ bueỻt. A|gỽedy da+
ly y casteỻwyr. a chael y me+
irch a|r arueu a|r|dotrefyn. a|r
yspeil oỻ y distrywassant y
casteỻ. Ac yna y doeth owein
uab maredud o eluael y hed+
ỽch yr arglỽyd lywelyn. Y
vlỽydyn rac·wyneb y bu ua+
rỽ gỽladus verch rufud uab
ỻywelyn. gỽreic yr arglỽyd rys
uab rys mechyỻ. Ac yna am
galan gaeaf. y bu uarỽ owe+
in uab maredud arglỽyd ke+
dewein. Y vlỽydyn rac·wy+
neb y|bu uarỽ Jarỻ clar. Y