Breudwd Welsh Prose 1300-1425
Cymraeg

NLW MS. Peniarth 19 – page 151v

Brut y Tywysogion

151v

651

vlỽydyn honno amgylch
gỽyl ondras y doeth rei o
gyghor gỽyr maelenyd y|r
casteỻ newyd a|oed eidaỽ
roser mortymer ym mae+
lyenyd. A gỽedy dyuot y
myỽn drỽy dwyỻ y ỻadys+
sant y porthoryon. ac y|dal+
yssant howel uab meuric
a oed gỽnstabyl yno. a|e wre+
ic a|e veibyon a|e verchet.
a menegi hynny a|wnaeth+
ant y synysgal a chỽnsta+
byl yr arglỽyd lywelyn. A
bryssyaỽ a|oruc y rei hynny
yno y losgi y casteỻ. A|phan
gigleu y dywededic rosser hyn+
ny. dyuot a wnaeth a|diruaỽr
gedernyt yn borth idaỽ. hyt
y|dywededic gasteỻ. a phebyỻ+
yaỽ o vyỽn y muroed ychy+
dic o dydyeu. A phan wybu ly+
welyn hynny. kynuỻaỽ ỻu a|o+
ruc a dyuot yn|y erbyn y vae+
lenyd. A|gỽedy enniỻ deu gas+
teỻ. rodi kennat a|wnaeth y
rosser mortymer y ymchoelut
drachefyn. Ac ynteu drỽy annoc
gỽyrda brecheinyaỽc a|aeth y
vrecheinyaỽc. A|gỽedy kym+
ryt gỽrogaeth y wlat yd ym+
choelaỽd y wyned. Y vlỽydyn
rac·wyneb y kyrchaỽd Jon ys+
trỽng Jeuangk a|oed vaeli yng
kasteỻ baldwin gyrch nos a

652

diruaỽr lu ganthaỽ ar draỽs
keri a|chedewein. A gỽedy kynuỻ+
aỽ diruaỽr anreith o·honaỽ ym+
choelut a|oruc drachefyn. A pan
gigleu y kymry hynny y ym+
lit a|wnaethant. a ỻad y dyd hỽn+
nỽ o|r saesson mỽy no deudec|kant
y·rỽng a|las ar y meyssyd. ac yn
yscubaỽr aber miỽl. ac yn|y ỻe
wedy hynny y ỻosges Jon ystrỽg
yr yscubaỽr achaỽs y ỻadua
honno. Ac ychydic wedy hynny
y ỻas y kymry yn ymyl colun+
ỽy. Yn yr amser hỽnnỽ yd oed et+
wart yn ymdeith ardal gỽyned.
ac yn ỻosgi rei o|r trefyd. A gỽe+
dy hynny yd ymchoelaỽd y loe+
gyr. Ac yna o annoc y kythreul
yd ymedewis dauyd a chedymdei+
thyas ỻywelyn y vraỽt. ac yd
aeth y loegyr a|rei o|e aruoỻwyr
y·gyt ac ef. a|r amser hỽnnỽ y
kyuodes barỽnyeit ỻoegyr. a
rei o|r Jeirỻ y·gyt a|r kymry
yn erbyn etwart vrenhin a|r es  ̷+
tronyon. ac aruaethu eu gỽr+
thlad oc eu plith ac o|hoỻ loe+
gyr. a|darostỽg y|dinassoed ke+
dyrn o·nadunt. a|distryỽ y kes+
tyll. a ỻosgi y ỻyssoed. Ac yna
y distrywaỽd ỻywelyn y kestyỻ
a oed yg|gỽyned yn|y gyuoeth.
Nyt amgen deganỽy. a chaer
faelan. a gruffud uab gỽenỽyn+
wyn a|distrywaỽd gasteỻ yr wyd+
gruc.