Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 163r

Peredur

163r

661

mỽyn o|r|llys a vyd arnaỽ gan y mar+
chaỽc. ac aglot dragywydaỽl y arthur
a|e vilwyr. Os y lad a derỽ yr aglot a ger+
da val kynt. a|e|pechaỽt arnaỽ ynteu.
yn ychwannec. a ỻyma vy ffyd yd|af|i.
y wybot py gyfranc yỽ yr eidaỽ ef. ac y
doeth owein y|r weirglaỽd. Sef y gỽelei
owein peredur yn|ỻusgaỽ y gỽr ar hyt y
weirglaỽd. Beth a|wney di ueỻy heb
owein. Ny|daỽ vyth heb·y peredur y beis
hayarn y amdanaỽ. tym* yỽ gennyf pa+
ny o·honaỽ e|hunan pan henyỽ. Yna y
dioscles owein yr arueu a|r|diỻat. ỻyma
eneit heb ef uarch ac arueu gweỻ. no|r
rei ereiỻ. a chymer yn ỻaỽen ỽynt. a
dyret ygyt a|mi hyt att arthur y|th|dur*+
daỽ yn varchaỽc urdaỽl. kanys ti a|e|dy+
lyy. Ny chatỽyf vy wneb* ot af heb·y pe+
redur. namyn dỽc di y|gorflỽch y|gen+
nyf i y|wenhwyuar. a|dywet y arthur
pa|le|bynnac y bỽyf|i gỽr idaỽ vydaf. ac
o|gaỻaf ỻes a|gỽassanaeth idaỽ mi a|e
gỽnaf. a|dywet na deuaf y|lys vyth
yny ymgaffỽyf a|r|gỽr|hir yssyd yno
y|dial sarhaet y kor a|r gorres. Yna y
deuth owein drachefyn y|r ỻys. a|me+
negi y gyfranc y arthur a gỽenhỽuar.
ac y baỽp o|r teulu a|r bygỽth ar gei.
Ac ynteu peredur a gychỽynnỽys yme+
ith. ac ual y|byd yn kerdet. ỻyma uar+
chaỽc yn|kyuaruot ac ef. Pa|le pan deu+
y di heb y marchaỽc. pan|deuaf o|lys
arthur heb·y|peredur. ae gỽr y|arthur
ỽyt ti heb ef. Je myn|vyg|kret heb·y
peredur. Jaỽn|ỻe yd|wyt yn ymardelỽ ac
arthur. Paham heb·y peredur. Mi a|e dy+
wedaf itt heb ef. ˄herwr ar arthur vum eiry+
oet. ac a|gehyrdỽys a|mi yn wyr idaỽ
mi a|e ỻedeis. Ny bu hỽy yryngtunt
no|hynny ymwan a|orugant. ac ny
bu hir yny byryaỽd peredur ef dros pe+
drein y varch y|r ỻaỽr. Naỽd a|erchis
y marchaỽc idaỽ. naỽd a geffy heb·y
peredur. gan rodi dy lỽ ar vynet y lys arthur.
a menegi y|arthur mae mi a|th vyry+
wys yr enryded a gỽassanaeth idaỽ ef.

662

a manac na deuaf vyth y lys yny
gaffỽyf dial sarhaet y corr a|r gorres.
a|r marchaỽc a rodes y gret ar hynny.
ac a gychwynnwys racdaỽ y|lys arthur.
ac a|oruc hynny. a|r bygỽth ar|gei.
ac ynteu peredur a|gychỽynnỽys racdaỽ.
ac yn|yr vn wythnos ef a|gyfaruu ac ef.
vn marchaỽc ar|bymthec. ac ef. peredur. a|e
byrywys yn|gywelydyus. ac a|aeth+
ant y lys arthur. a|r vn ryỽ ymadraỽd
gantunt ac a|dothoed gan y marchaỽc
kyntaf. a|r vn bygỽth gan peredur. ar gei.
a cheryd a|gauas kei gan arthur.
a|goualus uu ynteu gei am|hynny.
Ynteu peredur a|gychwynnỽys racdaỽ.
Sef y|deuth y goet maỽr ynyal. ac yn
ystlys y coet yd|oed ỻynn. ac ar y|tu a+
raỻ yd oed kaer dec. ar|lann y|ỻyn y
gỽelei gỽr gynỻwyt* telediw yn eis+
ted ar obennyd o bali. a|gỽisc o bali
ymdanaỽ. a|gỽeisson yn pyscotta ar
y|ỻynn honno. val y|gwelas y|gỽr gỽ+
ynỻỽyt peredur. yn|dyuot. kyuodi a|oruc
tu a|r|gaer. a chloff oed yr hen ỽr.
Ynteu peredur. a|gyrchwys y|ỻys a|r porth.
a|oed yn agoret. ac y|r neuad y|deuth.
Ac yd|oed y gỽr gỽynỻỽyt yn eisted ar
o·bennyd. a ffyryfdan maỽr yn|ỻosgi
rac y|vron. a|chyfodi a|oruc y|teulu a|r
niuer yn erbyn. peredur. a|e|diarchenu. ac
erchi a|wnaeth y gwr y|r mackỽy eis+
ted ar tal y gobennyd. a|chyt·eisted ac
ymdidan a|orugant. A|phan vu amser
gossot byrdeu a mynet y vỽyta. Ac ar
y|neiỻlaỽ y|r gỽr bioed y|ỻys yd|oed peredur.
yn|eisted. Gwedy daruot bỽyta. go+
vyn a|oruc y gỽr y|pereredur. a|wyd+
at ỻad a|chledyf yn|da. na ỽn heb·y
peredur pei kaffỽn dysc na|s|gỽypỽn.
a wypei chware a ffonn a|tharyan
yn|da. ef a|wybydei ymlad a|chledyf.
Deu vab oed y|r gỽr. gỽas melyn
a|gwas gỽineu. kyfodỽch weisson
heb ef y chware a ffynn. ac a|thary+
aneu. Ac yna y chware a ffynn
yd|aethant. Dywet eneit heb y