Breudwd Welsh Prose 1300-1425
Cymraeg

NLW MS. Peniarth 19 – page 153v

Brut y Saeson

153v

667

o bedeir ran ar|hugeint. a honno
a|e|dysgei ef am y wassanaeth
bop aỽr. Ef a|wnaeth kyfrei+
theu y saesson. ac ef y gymeint
o hedỽch yn|y deyrnas. a|pheri
crogi modrỽyeu ar hyt yr he+
olyd a|r plassoed. ac nyt oed neb
a|lyuassei eu|kymryt. Hanner
y|damchweineu ef a|r|da o|r a
gaffei yn gyfyaỽn a rodei y|r
manachlogoed. a|e ardretheu
a rannei yn deu hanner. a|r
rann gyntaf a rannei yn deir
rann. ac vn a|rodei y wassanae+
thwyr e|hun. a|r ỻaỻ y weith+
wyr newydyon eglỽysseu. a|r
dryded rann y aỻtudyon ac y
wyr dieithyr. Yr eil rann o|r ar+
dretheu a rannei ef yn bedeir
rann. Y rann gyntaf a|rodei y
reidussyon. a|r eil y vanachloc+
oed. a|r dryded y yscolheigyon ys+
gol. a|r bedwyred rann y eglỽ+
ysseu tramor. Efo a ossodes y
degemeu a|r canuedeu y ruuein
ac y seint thomas o|r Jndia
drỽy sigillin escob sarỽm. yr
hỽn a|dugassei o|r india ỻiaỽs
o vein gỽerth·uaỽr. a rann o
brenn y groc a|anuonassei ef
y|r brenhin y gan varthin bab.
Ef a adeilyaỽd manachlaỽc
yn adelingia. ac araỻ yn win+
tỽn. ac araỻ yn yscafftỽn. yn|y
ỻe y bu elgin y verch ef yn aba+
des

668

Jdaỽ ef y ganet mab a elwit etw+
art. a phump merchet. vn oho+
nunt a vu amherodres. Yr eil a
vu vrenhines yn freingk. Y dry+
ded a vu vrenhines yn ysgotlont.
a duỽ* o·nadunt a vuant vana+
U n vlỽydyn a naỽ [ chesseu.
cant oed oet crist. pan|wle  ̷+
dychaỽd etwart vab alvryt. a
hỽnnỽ a|oresgynnaỽd denmarc.
Js oed no|e dat herwyd keluydyt.
ac vch noc ef herỽyd gaỻu a
medyant. Nyt aeth y ryuel ei+
ryoet ny orffei. ac idaỽ y bu bum
meib. a phump merchet. ac enỽeu
y meibyon oedynt edylstan. al+
vryt. Etwin. Etmỽnt. Etryt. ac edi
y verch a rodes ef yn wreic y
chyarlys vrenhin freingk. a|dys+
gu ỻythyr a beris ef y veibyon
ac y|ỽ verchet. ac odyna y peris ef
y veibyon dysgu ỻywodraetheu y
teyrnassoed. ac y|ỽ verchet y peris
ef aruer o gogeil a gỽerthyt a
nyt·wyd. a dysgu nydu a gỽniaỽ
G wedy hỽnnỽ y [ udunt.
gỽledychaỽd edylstan y
uab ynteu. yr hỽnn a gaỽssodit
o orderchyat. Hỽnnỽ dewr a do+
eth oed. ac ef a|gymerth yn
dreth o wyned. ugein punt o
eur. a thrychan|punt o aryant.
ac ugein mil o warthec. ac un
o|e chwioryd a rodes ef y vrenhin
northhỽmbyrlỽnt. A gỽedy marỽ