Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 171r

Peredur

171r

693

1
racdaỽ. ac y deuth y dyffryn yr avon. ac y kyfaruu
2
ac ef niuer o|wyr yn mynet y hela. Ac ef a|welei
3
ymplith y niuer gỽr urdedic. a chyuarch idaỽ
4
a|oruc peredur. Dewis vnbenn ae|ti a|elych y|r
5
ỻys. ae titheu a|delych gyt a|mi y hela. ae minneu
6
a yrro vn o|r teulu y|th|orchymun y verch yssyd
7
im yno. y gymryt bỽyt a|ỻynn yny delỽyf o he+
8
la. ac o|r byd dy negesseu hyt y gaỻwyf i eu kaf+
9
fel ti a|e keffy yn|ỻawen. a|gyrru a|wnaeth y
10
brenhin gỽas byrr·uelyn gyt ac ef. A phan|doe+
11
thant y|r ỻys yd|oed yr vnbennes gỽedy kyfo+
12
di ac yn mynet y ymolchi. ac y|deuth peredur
13
racdaỽ. ac y|gressawaỽd hi peredur yn|ỻaw+
14
en. a|e gynnỽys ar y neiỻ|laỽ. a chymryt eu
15
eu|kinyaỽ a|orugant. a pheth bynnac a|dyw+
16
ettei peredur ỽrthi. chwerthin a|wnay hitheu
17
yn|vchel. mal y|clywei paỽp o|r|ỻys. Ac yna y
18
dywaỽt y gỽas byr·uelyn ỽrth yr unbennes.
19
Myn|vyg|cret heb ef o|r bu ỽr itti eiryoet y mac+
20
kỽy hỽnn a|uu. ac ony bu ỽr itt y|mae dy|vryt
21
a|th vedỽl arnaỽ. A|r gỽas byr uelyn a|aeth
22
parth ac att y brenhin. ac a|dywaỽt mae te+
23
byckaf oed gantaỽ bot y mackỽy a|gyuaruu
24
ac ef yn|wr o|e verch. ac o·nyt gỽr mi a|deby+
25
gaf y|byt gỽr idi yn|y ỻe o·nyt ymogely rac+
26
daỽ. Mae dy|gyghor di was heb y brenhin.
27
Kyghor yỽ gennyf eỻỽng dewrwyr am y
28
benn|a|e|dala yny wypych diheurỽyd am
29
hynny. ac ynteu a|eỻynghaỽd gỽyr am
30
benn peredur o|e dala. ac y|dodi y|myỽn|ge+
31
ol. a|r vorỽyn|a|doeth yn erbynn y that ac
32
a|ovynnaỽd idaỽ. py|achaỽs y parassei
33
carcharu y mackỽy o|lys arthur. Dioer
34
heb ynteu ny byd ryd heno nac auory na thren+
35
hyd. ac ny daỽ o|r|ỻe y|mae. Ny ỽrth·neuaỽd hi
36
ar y|brenhin yr hynn a|dywaỽt. a|dyuot att y
37
mackỽy. ae anigryf gennyt ti dy uot yma.
38
Ny|m|torrei i kynny|beỽn. Ny byd gwaeth
39
dy wely a|th|ansaỽd noc un y brenhin. A|r
40
kerdeu goreu yn|y ỻys ti a|e keffy ỽrth dy
41
gyghor. a|phei didanach gennyt titheu no
42
chynt vot vyng|gỽely i yma. y ymdidan a
43
thi ti a|e kaffut yn|ỻawen. Ny wrthneuaf|i
44
hynny heb·y peredur. Ef a|uu yg|karchar
45
y nos honno. a|r uorỽyn a|gywiraỽd yr hynn
46
a|adaỽssei idaỽ. a|th˄rannoeth y clywei peredur

694

1
kynnỽryf yn|y dinas. Oia|vorỽyn dec py gyn+
2
nỽryf yỽ hỽnn heb·y peredur. ỻu y brenhin a|e
3
aỻu yssyd yn|dyuot y|r dinas honn hediỽ.
4
Beth a vynnant hỽy ueỻy. Jarỻ yssyd yn
5
agos yma a|dỽy iarỻaeth idaỽ. a chy gadarn+
6
et yỽ a|brenhin. a chfranc* a vyd y·rygtunt
7
hediỽ. adolỽyn yỽ gennyf|i yti heb·y peredur
8
peri ymi varch ac arueu y vynet y|disgỽyl
9
ar y gyfranc. ar vyg|kywirdeb ynheu dyuot
10
y|m carchar drachevyn. Yn|ỻawen heb hitheu
11
mi a|baraf itt varch ac arueu. a hi a|rodes
12
idaỽ march ac arueu a chỽnsaỻt purgoch
13
ar|uchaf y arueu. a tharyan uelen ar y ysgỽ+
14
yd. a dyuot y|r gyfranc a|wnaeth. ac a|gyfar+
15
uu ac ef o|wyr yr iarỻ y|dyd hỽnnỽ ef a|e byr+
16
yaỽd oỻ y|r ỻaỽr. ac ef a|doeth drachevyn y
17
garchar. Govyn|chwedleu a|wnaeth y vorỽ+
18
yn y peredur. ac ny dywaỽt ef vn geir ỽrthi.
19
a|hitheu a|aeth y ofyn chwedleu y that. a
20
govyn|a|wnaeth pỽy a|uuassei oreu o|e deulu.
21
Ynteu a|dywaỽt na|s atwaenat. gwr oed
22
a|chỽnsaỻt coch ar|uchaf y arueu a|tharyan
23
velen ar y ysgỽyd. a|gowenu a|wneth hitheu.
24
a|dyuot y|r|ỻe yd|oed peredur. a|da vu y barch y
25
nos honno. a thri dieu ar un|tu y|ỻadaỽd peredur
26
wyr yr iarỻ. A|chynn caffel o neb wybot pỽy
27
vei y|doey y garchar dracheuyn. A|r pedwyr+
28
yd dyd y ỻadaỽd peredur y iarỻ e|hunan. a|dyuot
29
a|oruc y vorwyn yn erbyn y|that. a|govyn chỽ+
30
edleu idaỽ. Chwedleu da heb y brenhin. ỻad
31
yr iarỻ. a minneu bieu y|dỽy iarỻaeth. a|ỽ+
32
dost ti arglỽyd pỽy a|e ỻadaỽd ef. Gỽn heb y
33
brenhin. Marchaỽc y cỽnsaỻt coch a|r taryan
34
uelen a|e ỻadaỽd. Arglỽyd heb hi miui a|ỽn pỽy
35
yỽ hỽnnỽ. Yr|duỽ heb·yr ynteu pỽy yỽ ef. arglỽ+
36
yd heb hi y marchaỽc yssyd yg|karchar gennyt
37
yỽ hỽnnỽ. Ynteu a|doeth hyt ỻe yd|oed peredur.
38
a chyuarch gỽeỻ idaỽ a|wnaeth. a|dywedut
39
idaỽ y|gỽassanaeth a|wnathoeth y talei idaỽ
40
megys y mynnei e|hun. a phan|aethpỽyt y
41
vỽyta. peredur a|dodet ar neiỻ laỽ y brenhin.
42
a|r uorỽyn y parth araỻ y peredur. Mi a rodaf itt
43
heb y|brenhin vym merch yn|briaỽt a|hanner
44
vym|brenhinyaeth genthi. a|r|dỽy iarỻaeth a
45
rodaf itt y|th gyuarỽs. arglỽyd duỽ a|dalho itt
46
heb·y peredur. ny|deuthum i yma yr gỽreicka.