Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 75v

Ystoria Carolo Magno: Chronicl Turpin

75v

69

y|gymryt tal eu gỽeithredoed
mal y gỽnel paỽb nac yn drỽc  ̷ ̷
nac yn da. Duỽ o|r plenhigin a|ỽ  ̷ ̷+
na tyuu y prenn yn vchel. a|r  ̷
gronyn gỽenith ỽedy dreỽho y+
n|y dayar a|e varỽ. a|e gỽna y|ty  ̷+
uu ac y frỽythaỽ y|vyỽ drache+
uen. Yntev a ỽna kyuodi paỽb
yn|y dyd diỽethaf o veirỽ y|vyỽyt.
Edrych ar anyan y lleỽ canys y
lleỽ o|vreuerat a|vyỽhaa y ga+
nawon y trydydyd ỽedy y ganer
yn veirỽ. Pa ryued yỽ kyuodi o
duỽ tab* y vab yntev y trydydyd
o veirỽ. Ac ny dyly bot yn ryfed
gyuodi mab duỽ o varỽ pan gy+
uottỽynt llaỽer o veirỽ kynn
oc yntev. Canys elias ac eli  ̷ ̷+
seus a|ỽnaethant vyỽ o|veirỽ.
haỽs oed y|duỽ tat y|gyuodi
yntev. yr hỽnn a gyuodes llaỽ  ̷+
er o veirỽ kynn y|diodef. haỽd
uu idaỽ e|hun y|gyuodi o veirỽ.
Ac ny allei aghev atal hỽnnỽ
yr hỽnn y|ffy agheu racdaỽ ac
o|e ymadraỽd y kyuyt tỽrỽf y
meirỽ. Mi a|ỽelaf yn dogyn a  ̷
dyỽedy heb y caỽr. pa delỽ y dys  ̷+
gynnaỽd yntev ar y|nefoed. ny
ỽn dim y|ỽrthaỽ. Yr hỽnn a|dis+
gynnỽys yn haỽd o nef. a ysgyn  ̷+
nỽys yn haỽd ar|y|nef. a|r hỽn
a|gyuodes trỽydaỽ e|hun. haỽd
yd ysgynnỽys ar|y nef. kymer
aggreifft o laỽer o bethev. Rot
y velyn. y vann a vo issaf yr aỽr

70

honn. a vyd vchaf yr oric honno.
A|r ederyn yn|yr aỽyr ky·hyt
ac y disgynno a|ysgynn. O dis+
gynny dithev o|le vchel y le
isel ti a|elly ymhoelut dra·che+
uen hyt y lle y disgynneist|i o+
honnaỽ. Doe y kyuodes yr he+
ul yn|y dỽyrein. ac y dygỽydỽys
yn|y gorlleỽin. a hediỽ y kyuo+
des yn|yr vn lle. ac y·d|aeth doe
ohonaỽ. ỽrth hynny o|r lle y do+
eth mab duỽ o nef yd ymhoe+
les dracheuen. wrth hynny heb
y caỽr mynhev a|ymladaf a thy+
di. gan amot os gỽir dy fyd
di goruot arnaf|i. Os geuaỽc
hitheu goruot arnat tithev.
a|bit yn waradỽyd tragyỽyd+
aỽl y genedyl y|neb y gorffer ar+
naỽ. ac y|r budugaỽl. yn voly  ̷+
ant. ac enreded tragyỽyd. a|bit
velly heb·y rolond. a|r amot
hỽnnỽ a|gadarnhỽyt* o|bop parth.
a|chyrchu y|pagan a oruc ro  ̷ ̷+
lond yn diannot. a cheissaỽ ro+
lond a|oruc yntev a|e gledyf.
a|neidaỽ a|oruc rolond ar tu
assev idaỽ ac erbyn y cledyf
ar|y|trosaỽl. a gỽedy torri y*
trossaỽl rolond. y gyrchu a or  ̷+
uc y caỽr. ac ymauel ac ef
a|e taraỽ y·rygtaỽ a|r dayar
yn diannot. Ac yna yd adna+
bu rolond nat oed idaỽ ford y
ymdiag. dechreu galỽ ar vab
y|wynvydedic ỽyry a|ỽnaeth.