Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 177v

Y gainc gyntaf

177v

719

1
bu uuscreỻach gỽr ar y synnwyr e hun noc ry
2
uuost ti. arglỽydes heb ef ny wydỽn i pỽy oed ef.
3
ỻyna y gỽr y mynnassit uy rodi i idaỽ o|m|han+
4
uod heb hi. gỽaỽl uab clut gỽr tormynnaỽc kyuoe+
5
thaỽc. a chan derw itt dywedut y|geir a|dywedeist
6
dyro vi idaỽ rac aglot itt. arglỽydes heb ef ny
7
ỽn i pa|ryỽ atteb yỽ hỽnnỽ. ny aỻaf|i arnaf a|dyw+
8
edy|di vyth. Dyro di vi idaỽ ef heb hi a|mi a|wnaf
9
na chaffo ef viui vyth. Pa ffuryf vyd hynny heb+
10
y pỽyỻ. Mi a rodaf y|th laỽ got vechan heb hi a|cha+
11
dỽ honno yn|da. Ac ef a|eirch y|wled a|r|arlỽy a|r
12
darmerth. ac nyt oes y|th uedyant ti hynny. a
13
miui a|rodaf y|wled y|r niueroed a|r teulu heb hi.
14
a hỽnnỽ uyd dy atteb am hynny. amdanaf yn+
15
neu heb hi mi a|wnaf oet ac ef vlỽydyn y heno
16
y gyscu gennyf. ac ympenn y vlỽydyn heb hi
17
byd ditheu a|r got honn gennyt ar dy ganuet
18
marchaỽc yn|y berỻan uchot. a|phan uo ef ar
19
ganaỽl y|digrifvỽch a|e gyfedach. dyret titheu dy
20
hun y myỽn a|diỻat reudus ymdanat a|r got y|th
21
laỽ heb hi. ac nac arch dim namyn ỻoneit y got o
22
vỽyt. a minneu a|baraf heb hi pei dottit yssyd yn|y
23
seith cantref hynn o vwyt a ỻynn yndi. na bo ỻaỽ+
24
nach no chynt. A gỽedy byryer ỻawer yndi. ef a|o+
25
vyn itt a|vyd ỻaỽn|dy got ti vyth. Dywet titheu
26
na|vyd o·ny chyvyt dylyedaỽc tra|chyuoethaỽc a
27
gỽascu a|e deutroet y bỽyt yn|y got. a dywedut diga+
28
ỽn a|dodet yman. a minneu a|baraf idaỽ ef vynet y
29
seghi y bỽyt yn|y got. A|phan el ef tro ditheu y got
30
yny el ef dros y penn yn|y got. ac yna ỻad glỽm ar
31
garreyeu y got. a|bit corn canu da am dy vynỽgyl.
32
a|phan uo ef yn rỽymedic yn|y got. dot titheu lef ar
33
dy gorn. a|bit hynny yn arwyd y·rot a|th uarchogy+
34
on. Pan glywhont ỻef dy gorn disgynnent ỽyn+
35
teu am benn y ỻys. Arglwyd heb·y gỽaỽl madỽs
36
oed ymi kaffel atteb am a|ercheis. Kymeint ac a|er+
37
cheist heb·y pỽyỻ o|r a uo y|m medyant i ti a|e keffy.
38
Eneit heb hitheu riannon am y wled a|r dapar*
39
yssyd yma. hỽnnỽ a|rodeis i y wyr dyuet a|r teulu
40
a|r niueroed yssyd yma. hỽnnỽ nyt adawaf|i y rodi
41
y neb. blỽydyn y heno y|byd gỽled darparedic yn|y
42
ỻys honn y titheu eneit y gyscu gennyf ynheu.
43
Gỽaỽl a gerdaỽd ryngthaỽ a|e gyuoeth. Pỽyỻ yn+
44
teu a|doeth y|dyuet. a|r vlỽydyn honno a dreulỽys
45
paỽb o·honunt hyt oet y wled oed yn|ỻys eueyd
46
hen. Gỽaỽl uab clut a|doeth parth a|r wled a|oed dar+

720

1
paredic idaỽ. A chyrchu y ỻys a|wnaeth. a ỻawen
2
uuỽyt ỽrthaỽ. Pỽyỻ ynteu penn annỽuyn a|do+
3
eth y|r berỻan ar y ganuet marchaỽc ual y gorch+
4
ymynnassei riannon idaỽ. a|r got ganthaỽ. Gỽis+
5
caỽ bratteu trymyon ymdanaỽ a|wnaeth pỽyỻ
6
a|ỻoppaneu maỽr am y|traet. A|phan wybu y|vot
7
ar dechreu kyuedach wedy bỽyta. dyuot racdaỽ y|r
8
neuad. a gỽedy y dyuot y gynted y neuad. kyf+
9
uarch gỽeỻ a|wnaeth y waỽl uab clut. a|e gedym+
10
deithon o|wyr a|gỽraged. duỽ a rodo da ytt heb·y gỽ+
11
aỽl a|graessaỽ duỽ ỽrthyt. arglỽyd heb ynteu duỽ
12
a|dalo itt. negessaỽl ỽyf ỽrthyt. Craessaỽ ỽrth dy
13
neges heb ef. ac os arch gyfuartal a|erchy ymi
14
yn|ỻawen ti a|e keffy. Kyfuartal arglỽyd heb
15
ynteu nyt archaf onyt rac eisseu. Sef arch
16
a|archaf lloneit y got uechan a|wely di o|vỽyt.
17
Arch didraha yỽ honno heb ef a|thi a|e keffy yn ỻaw+
18
en. Dygỽch vỽyt idaỽ heb ef. Riuedi maỽr o
19
sỽydwyr a gyuodassant y uynyd. a|dechreu ỻe+
20
nwi y got. Ac yr a|uyrit yndi ny bydei laỽnach
21
no chynt. Eneit heb·y gỽaỽl a|vyd llaỽn dy got ti
22
vyth. Na|uyd y·rof a duỽ heb ynteu yr a dotter
23
yndi vyth. ony chyuyt dylyedaỽc tir a|dayar a
24
chyuoeth a|senghi a|e deu troet y bỽyt yn|y got.
25
a|dywedut digaỽn a dodet yma. a gennat heb+
26
y riannon kyuot y uynyd ar vyrr ỽrth waỽl
27
uab clut. Kyuodaf yn ỻawen heb ef. a|chyuo+
28
di y uynyd a|oruc a|dodi y deutroet yn|y got.
29
a|throi o bỽyỻ y got yny vyd gỽaỽl dros y benn
30
yn|y got. ac yn|gyflym kaeu y got a|ỻad clỽm ar
31
y carreyeu. a|dodi ỻef ar y gorn. Ac ar hynny
32
ỻyma y teulu am|penn y ỻys. ac yna kymryt
33
paỽp o|r niuer a|doeth ygyt a|gỽaỽl. a|e|dodi
34
yn|y garchar e|hun. A|bỽrỽ y bratteu a|r ỻop+
35
paneu a|r yspeil didestyl y amdanaỽ a|oruc pỽyll.
36
Ac ual y delei bob un o|e niuer ynteu y myỽn
37
y traỽei dyrnaỽt ar y got. ac y gouynnei beth
38
yssyd yman. Broch medynt ỽynteu. Sef kyf+
39
ryỽ chỽare a|wneynt. taraỽ a|wnaei bop|vn
40
dyrnaỽt ar|y got. ae a|e|droet ae a|throssaỽl.
41
Ac ueỻy gỽare a|r got a|wnaethant. Paỽb
42
ual|y delei a|o·vynnei pa chware a|wneỽch chỽi
43
ueỻy. Gỽare broch yg|cot medynt wynteu.
44
ac yna gyntaf y gỽarywyt broch yg|cot. Ar+
45
glỽyd heb y gỽr o|r got pei gỽarandaỽut uiui
46
nyt oed dihenyd arnaf vy|ỻad y|myỽn cot.