Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 182r

Yr ail gainc

182r

736

1
doeth gỽyr o ynys Jwerdon y|r ty o|r neiỻ parth.
2
a gỽyr o ynys y kedyrn o|r parth araỻ. ac yn gyn
3
ebrỽydet ac yd eistedassant y bu duundeb y+
4
ryngtunt. Ac yd estynnỽyt y urenhinyaeth
5
y|r mab. Ac yna gỽedy daruot y dangued*
6
galỽ o vendigeituran y mab attaỽ. y|gan
7
vendigeituran y kyrchaỽd y mab att vanyỽ+
8
ydan. a phaỽb o|r a|e gỽelei yn|y garu. y|gan
9
uanaỽydan y gelwis nyssyen uab eurosswyd
10
y mab attaỽ. Y mab a|aeth attaỽ yn|diryon.
11
Paham heb·yr efnyssyn. na daỽ uy nei uab
12
vy chwaer attaf|i. kynny bei urenhin ar iwer+
13
don da oed gennyf|i ymdirioni a|r mab. aet
14
yn|ỻaỽen heb·y bendigeituran. Y mab a|aeth
15
attaỽ yn|ỻaỽen. Y duỽ y|dygaf vyng|kyffes
16
heb ynteu yn|y uedỽl. ys anhebic a|gyflauan
17
gan y|tylỽyth y gỽneuthur a|ỽnaf|i yr aỽrhonn.
18
a chyuodi y uynyd a chymryt y mab herỽyd
19
y|draet. Ac heb ohir kynn kael o|dyn yn|y ty
20
gauael arnaỽ yny want y mab yn|wysc y
21
benn yn|y gynneu tan. A phan|welas bran+
22
wenn y mab yn|boeth yn|y tan. Hi a gyngyt*+
23
ywys bỽrỽ neit yn|y tan o|r|ỻe yd oed yn eisted
24
rỽng y deu uroduer. a chael o uendigeituran
25
hi yn|y neiỻlaỽ. a|e taryan yn|y ỻaỽ araỻ.
26
Ac yna ymgyuoc* o baỽp ar hyt y ty. a|ỻyna
27
y godỽrd mỽyhaf a uu gan niuer un|ty.
28
paỽb yn kymryt y arueu. Ac yna y dywaỽt
29
Mordỽyd tyỻyon. Gwern gỽngỽch uiỽch uor+
30
dwyt tyỻyon. ac yny aeth paỽp ympenn y
31
arueu. y kynhellis bendigeituran vranwen
32
y·rỽng y daryan a|e yscỽyd. Ac yna y dech+
33
reuis y|gỽydyl kynneu tan dan y peir dat+
34
eni. ac yna y|byryỽt y kalaned yn|y peir. yny
35
uei yn|ỻaỽn. ac y kyuodynt drannoeth yn
36
wyr ymlad yn gystal a|chynt eithyr na eỻ+
37
ynt dywedut. ac yna pan welas efnyssyn
38
y kalaned heb eni yn vn ỻe o wyr ynys y
39
kedyrn y|dywaỽt yn|y uedỽl. Oi a|duỽ heb ef
40
gỽae vi vy|mot yn achaỽs y|r wydwic honn o
41
wyr ynys y|kedyrn. A meuyl ym heb ef o+
42
ny cheissaf|i waret rac hynn. ac ymedyryaỽ
43
ymplith calaned y gỽydyl. a dyuot deu wy+
44
del uonỻỽm idaỽ a|e vỽrỽ yn|y peir yn rith gỽy+
45
del. Ymestynnu idaỽ ynteu yn|y peir yny
46
tyrr y peir yn pedwar|dryỻ. ac yny tyrr y

737

1
gallon ynteu. ac o hynny y bu y meint goruot
2
a uu y wyr ynys y|kedyrn. Ny bu oruot o|hynny
3
eithyr dianc seithwyr a brathu bendigeituran
4
yn|y troet a|gỽenỽynwaeỽ. Sef seith wyr a
5
dihengis. Pryderi. Manaỽydan. Gliuieri.
6
Eil taran. Talyessin. ac ynaỽc grudyeu uab
7
muryel. Heilyn uab gỽynn hen. ac yna y pe+
8
ris bendigeituran ỻad y benn. a chymerỽch
9
chỽi y penn heb ef a|dygỽch hyt y gỽynurynn
10
yn llundein. a|chledỽch yno ef a|e wyneb ar fre+
11
inc. a|chỽi a vydỽch ar y fford yn|hir. yn hard+
12
lech y bydỽch seith mlyned ar ginyaỽ. ac adar
13
riannon yn canu yỽch. a|r penn a|uyd kystal
14
gennỽch y gedymdeithas ac y|bu oreu gennỽch
15
pan uu arnaf i eiryoet. ac yg|gỽales ym|pen+
16
uro y|bydỽch pedwarugeint mlyned. ac yny
17
agoroch y drỽs parth ac aber henueleu* y
18
tu a chernyỽ y geỻỽch uot yno. a|r penn yn|di+
19
lỽgyr gennỽch. ac o|r|pann agoroch y drỽs
20
hỽnnỽ ny eỻỽch uot yno. kyrchỽch lundein y
21
gladu y penn. a|chyrchỽch chỽi ragoch drỽod.
22
ac yna y ỻas y benn ef. ac y kychỽynnassant
23
a|r penn gantunt drỽod y seithwyr hynny.
24
a branwen yn|ỽythuet. Ac y aber alaỽ yn|tal
25
ebolyon y|doethant y|r tir. ac yno eisted a|w+
26
naethant a|gorffowys. Edrych oheni hitheu
27
ar|iwerdon. ac ar ynys y|kedyrn a|welei o·ho+
28
nunt. Oi a|uab duỽ heb hi gỽae ui o|m|gane+
29
digaeth. ys da dỽy ynys a|diffeithỽyt o|m|achaỽs
30
i. a|dodi ucheneit uaỽr a|thorri y challon ar
31
hynny. a|gỽneuthur bed pedryual idi a|e chla+
32
du yno yg|glan alaỽ. ac ar|hynny kerdet a|ỽ+
33
naeth y seithwyr parth a|hardlech a|r penn
34
gantunt. Val y|bydant yn|kerdet. ỻyma gyw+
35
eithyd yn|kyuaruot ac|ỽynt o wyr a|gỽraged.
36
a|oes gennỽch chỽi chỽedleu heb·y manaỽydan.
37
Nac oes heb ỽynt o·nyt goresgyn o gasswaỻa+
38
ỽn uab beli ynys y kedyrn. a|e vot yn vren+
39
hin coronaỽc yn|ỻundein. Pa daruu heb ỽyn+
40
teu y garadaỽc vab bran. a|r seith wyr a|e+
41
deỽit y·gyt ac ef yn|yr ynys honn. Dyuot
42
kasswaỻaỽn am eu penn a|ỻad y chwegỽyr.
43
a thorri o·honaỽ ynteu gradaỽc y gallon o
44
annyuyget. am welet y cledyf yn ỻad y
45
wyr. ac na|wydyat pỽy a|e|ỻadei. Kasswaỻ+
46
aỽn a|r daroed idaỽ wiscaỽ ỻen hut ymdanaỽ.